Қазақстан Республикасының Yкiметi қаулы етеді:

1. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзiлсiн: 

1) "Мемлекеттiк бiлiм мекемелерiнiң ақылы бiлiм беру қызметiн көрсетуiнiң тәртiбi туралы" Қазақстан Республикасы Үкiметiнiң 1999 жылғы 22 қыркүйектегi N 1438 қаулысына (Қазақстан Республикасының ПҮКЖ-ы, 1999 ж., N 47, 440-құжат): 

көрсетiлген қаулымен бекiтiлген Мемлекеттік бiлiм мекемелерiнiң ақылы бiлiм беру қызметiн көрсетуiнiң тәртiбiнде: 

2-тармақтың 9) тармақшасындағы: 

"оқушылардың", "оқушылардан" деген сөздер "бiлiм алушылардың", "бiлiм алушылардан" деген сөздермен ауыстырылсын; 

мынадай мазмұндағы 2-1 және 2-2-тармақтармен толықтырылсын: 

"2-1. Кәсiптiк бастауыш мемлекеттiк бiлiм мекемелерiнiң ақылы бiлiм беру қызметтерiн көрсетуге кәсiптiк бастауыш бiлiмдi мамандарды қайта даярлау жөнiндегi қызметтер көрсету де жатады. 

2-2. Кәсiптiк жоғары мемлекеттiк бiлiм мекемелерiнiң ақылы бiлiм беру қызметтерiн көрсетуге мыналар да жатады: 

1) Қазақстан Республикасы Қорғаныс министрлiгiнiң, Қазақстан Республикасы Iшкi iстер министрлiгiнiң, Қазақстан Республикасы Ұлттық қауiпсiздiк комитетiнiң, Қазақстан Республикасы Төтенше жағдайлар жөнiндегi агенттiгiнiң, Қазақстан Республикасы Қаржы полициясы агенттiгiнiң жоғары оқу орындары көрсететiн қызметтердi қоспағанда, кәсiптiк жоғары бiлiмдi мамандарды даярлау жөнiндегi қызметтер көрсету;