Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы Қазақстан Республикасы Үкіметінің 2008 жылғы 23 желтоқсандағы N 1227 Қаулысы

Қазақстан Республикасының Үкіметі  ҚАУЛЫ ЕТЕДІ:  

1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін: 

1) тармақша күшін жойды (ескертуді қараңыз)

1-тармақша күшін жойды ҚР Үкіметінің 28.12.2016 жылғы № 887 Қаулысымен (23.12.2008 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 12.01.2017 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

2) "2009 жылғы Қазақстан Республикасы халқының ұлттық санағы туралы" Қазақстан Республикасы Үкіметінің 2007 жылғы 28 қарашадағы N 1138 қаулысында: 

көрсетілген қаулымен бекітілген Қазақстан Республикасы халқының ұлттық санағын өткізудің іс-шаралар жоспарында: 

реттік нөмірі 7-жолдың 6-бағанындағы "1720151,0" деген сандар "1434671,0" деген сандармен ауыстырылсын; 

реттік нөмірі 8-жолда: 

2-бағандағы "бағдарламалық өнімдерді" деген сөздерден кейін ", автокөлік құралдарын" деген сөздермен толықтырылсын; 

6-бағандағы "519333,0" деген сандар "804813,0" деген сандармен ауыстырылсын; 

3) "2008 жылға арналған республикалық бюджеттік бағдарламалардың паспорттарын бекіту туралы" Қазақстан Республикасы Үкіметінің 2007 жылғы 12 желтоқсандағы N 1224 қаулысында: 

Қазақстан Республикасы Статистика агенттігі бойынша: 

осы қаулыға 384-қосымшада: 

"Бюджеттік бағдарламаны іске асыру жөніндегі іс-шаралар жоспары" деген 6-тармақтың 5-бағаны мынадай мазмұндағы 3-тармақпен толықтырылсын: 

"3. Облыстық департаменттер құрамындағы аудандық және облыстық маңызы бар қалалардың статистика бөлімдері үшін автокөлік құралдарын сатып алу". 

2. Осы қаулы қол қойылған күнінен бастап қолданысқа енгізіледі.

Қазақстан Республикасының 

Премьер-Министрі                                     К. Мәсімов