Документ на казахском языке

Кемелер экипаждарының ең аз құрамына қойылатын талаптарды белгілеу туралы Қазақстан Республикасы Үкіметінің 2011 жылғы 20 маусымдағы № 677 Қаулысы

«Ішкі су көлігі туралы» Қазақстан Республикасының 2004 жылғы 6 шілдедегі Заңының 8-бабының 16) тармақшасына және 33-бабының 4-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қосымшаға сәйкес кемелер экипаждарының ең аз құрамына қойылатын талаптар белгіленсін.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының Премьер-Министрі К.Мәсімов

Қазақстан Республикасы Үкіметінің 2011 жылғы 20 маусымдағы № 677 қаулысына қосымша

Кемелер экипаждарының ең аз құрамына қойылатын талаптар

1. Осы Кемелер экипаждарының ең аз құрамына қойылатын талаптар (бұдан әрі - талаптар) «Ішкі су көлігі туралы» Қазақстан Республикасының 2004 жылғы 6 шілдедегі Заңына сәйкес әзірленді және кемені қауіпсіз пайдалануды қамтамасыз ету, кеме бортында жұмыс уақыты мен демалыс уақыты режимінің талаптарын орындау үшін жеткілікті өздігінен жүзетін кемелер экипаждарының ең аз құрамына қойылатын талаптарды айқындайды.

2. Талаптар Қазақстан Республикасының Мемлекеттік кеме тізілімінде және Жалға алынған шетелдік кемелер тізілімінде мемлекеттік тіркеуге жататын өздігінен жүретін кемелерге қолданылады.

3. Ішкі суда өздігінен жүзетін кеме экипаждарының ең аз құрамына мынадай лауазымдар кіреді:

1) капитан-механик;

2) капитан;

3) механик;

4) кеме жүргізушісі-кеме механигі;

5) кеме жүргізушісі;

6) кеме механигі;

7) электромеханик.

4. Аралас (өзен-теңіз) жүзудің өздігінен жүзетін көліктік кемелері экипаждарының ең аз құрамына мынадай лауазымдар кіреді:

1) капитан;

2) капитанның аға көмекшісі;

3) капитанның екінші көмекшісі;

4) капитанның үшінші көмекшісі;

5) аға механик;

6) екінші механик;

7) үшінші механик;

8) төртінші механик;

9) электромеханик (электрик);

10) радио маманы;

11) кеме аспазы.

5. Экипаж саны ішкі суда өздігінен жүзетін кеме экипаждарының ең аз құрамының нормативтерінен (осы талаптарға 1-қосымша) және аралас (өзен-теңіз) жүзудің өздігінен жүзетін көліктік кемелері экипаждарының ең аз құрамының нормативтерінен (осы талаптарға 2-қосымша) аз болған кезде кемені пайдалануға рұқсат етілмейді.

6. Ең аз құрамға жолаушыларға, кемелердің командалық құрамына және кеме командасына қызмет көрсететін қызметкерлер кірмейді.

7. Тез бүлінетін жүктерді тасымалдайтын кемелердегі кеме экипажының ең аз құрамында рефрижераторлық қондырғылар жөніндегі механик лауазымы көзделеді.

Басты дизель-электр қондырғысы бар кемелердегі ең аз құрамға жолаушылар кемесінде екі электромеханик және басқа үлгідегі кемелерде бір электромеханик енгізіледі.

«А» нышаны жоқ, қызмет көрсететін бір немесе екі құрылғы мен жүйелер бойынша автоматтандыру талаптарын қанағаттандырмайтын кемелерде ең аз құрам бір моторшы матросқа (рульдеушіге) ұлғайтылады.

«А» нышаны бар, қызмет көрсететін бір немесе екі құрылғы мен жүйелер бойынша автоматтандыру талаптарын қанағаттандырмайтын кемелерде ең аз құрам тиісті мамандығы бар бір маманға ұлғайтылады.

8. Кеме экипажынсыз пайдаланылатын екі және одан артық баржаларды (қосалқы баржаларды) жүк теплоходтарын және сүйрейтін кемелермен (итергіштермен) жүргізген кезде өздігінен жүзетін кеме экипажының штатына әрбір екі баржаға қатардағы құрамның бір адамы қосылады.

Ұзындығы 75 метрден астам өздігінен жүзетін кемелердің немесе ұзындығы 75 метрден астам құрамның жұмысы кезінде кеменің (құрамның) алдыңғы және артқы жағында бір мезгілде арқандап байлауды (арқанды шешуді) қамтамасыз ететін қатардағы құрам саны кемінде екі адамды құрайды.

9. Осы талаптарды есепке ала отырып, кеме иесі экипаждың штат кестесін әзірлейді және бекітеді, ол кемеге оны пайдалануға енгізгенге дейін беріледі.

Кеме экипаждарының ең аз құрамына қойылатын талаптарға 1-қосымша

Ішкі суда өздігінен жүзетін кеме экипаждарының ен аз құрамының нормативтері

Кеме экипаждарының ең аз құрамына қойылатын талаптарға 2-қосымша

Аралас (өзен-теңіз) жүзудің өздігінен жүзетін көліктік кемелері экипаждарының ең аз құрамының нормативтері

Ескертпе:

1) Кеме қатынасы тіркелімінің А-1, А-2, А-3 белгісі бар кемелердегі экипаждың ең аз құрамында бір механик болуы мүмкін;

2) 1978 жылғы Хаттамамен (СОЛАС 47/78) өзгертілген 1974 жылғы Теңізде адам өмірін қорғау жөніндегі халықаралық конвенцияның талаптарынан белгіленген тәртіппен алып тастаулар болған кезде құрамның ең аз санында радио маманы көзделмейді.