Документ на казахском языке

Қазақстан Республикасы Индустрия және жаңа технологиялар министрлігі Өнеркәсіп комитетінің "Қазақстан Республикасының минералдық шикізатты кешенді қайта өңдеу жөніндегі ұлттық орталығы" шаруашылық жүргізу құқығындағы республикалық мемлекеттік кәсіпорнын қайта ұйымдастыру туралы және "Базалық қаржыландыру субъектілері болып табылатын ұйымдардың тізбесін бекіту туралы" Қазақстан Республикасы Үкіметінің 2011 жылғы 13 мамырдағы № 511 қаулысына өзгерістер енгізу туралы Қазақстан Республикасы Үкіметінің 2012 жылғы 12 наурыздағы № 315 Қаулысы

Редакция 06.06.2022 жылы берілген өзгерістер мен толықтырулармен

«Мемлекеттік мүлік туралы» Қазақстан Республикасының 2011 жылғы 1 наурыздағы Заңының 11-бабының 4-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Индустрия және жаңа технологиялар министрлігі Өнеркәсіп комитетінің «Қазақстан Республикасының минералдық шикізатты кешенді қайта өңдеу жөніндегі ұлттық орталығы» шаруашылық жүргізу құқығындағы республикалық мемлекеттік кәсіпорны оған «Д.А.Қонаев атындағы тау-кен істері институты», «Ж. Әбішев атындағы химия-металлургия институты», «Казмеханобр» мемлекеттік ғылыми-өндірістік өнеркәсіптік экология бірлестігі», «Шығыс түсті металдар ғылыми-зерттеу тау-кен металлургия институты» шаруашылық жүргізу құқығындағы мемлекеттік еншілес кәсіпорындарды біріктіру жолымен қайта ұйымдастырылсын.

2. Тармақ күшін жойды (ескертуді қараңыз)

3. Қазақстан Республикасы Индустрия және жаңа технологиялар министрлігі Өнеркәсіп комитеті заңнамада белгіленген тәртіппен осы қаулыдан туындайтын шараларды қабылдасын.

4. Осы қаулы қол қойылған күнінен бастап қолданысқа енгізіледі.

Қазақстан Республикасының

Премьер-Министрі К. Мәсімов