Қазақстан Республикасы Президентінің 2004 жылғы 28 тамыздағы N 1431 Жарлығына өзгерістер енгізу туралы Қазақстан Республикасы Президентінің 2007 жылғы 28 желтоқсандағы N 502 Жарлығы

1. "Қазақстан Республикасы Тұңғыш Президентінің мұражайын құру туралы" Қазақстан Республикасы Президентінің 2004 жылғы 28 тамыздағы N 1431  Жарлығына  (Қазақстан Республикасының ПҮАЖ-ы, 2004 ж., N 31, 420-құжат) мынадай өзгерістер енгізілсін:

1) 3-тармақтағы "40" деген цифрлар "65" деген цифрлармен ауыстырылсын;

2) аталған Жарлықпен бекітілген "Қазақстан Республикасы Тұңғыш Президентінің мұражайы" мемлекеттік мекемесінің Жарғысында: 

22-тармақ мынадай редакцияда жазылсын: 

"22. Мұражайды қаржыландыру бюджет қаражаты және Қазақстан Республикасының бюджет заңнамасында белгіленген тәртіппен пайдаланылатын қайырымдылық және демеушілік көмек түрінде түсетін қаражат және өзге де қаражат есебінен жүзеге асырылады.";

23-тармақ алып тасталсын.

2. Осы Жарлық 2008 жылғы 1 қаңтардан бастап қолданысқа енгізілетін 1-тармақтың 1) тармақшасын қоспағанда, қол қойылған күнінен бастап қолданысқа енгізіледі.

Қазақстан Республикасының 

Президенті