Қазақстан Республикасының Үкіметі ҚАУЛЫ ЕТЕДІ:
Отправить по почте
"Қазақстан Республикасының аумағында айналымға шығарылатын автокөлік құралдарының зиянды (ластаушы) заттар шығарындыларына қойылатын талаптар туралы техникалық регламентті бекіту туралы" Қазақстан Республикасы Үкіметінің 2007 жылғы 29 желтоқсандағы № 1372 қаулысына өзгерістер енгізу туралы Қазақстан Республикасының Үкіметінің 2013 жылғы 6 ақпандағы № 97 Қаулысы
Осы Қаулы күшін жойды 2017 жылғы 3 ақпаннан бастап ҚР Үкіметінің 30.01.2017 жылғы № 29 Қаулысына сәйкес
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасының аумағында айналымға шығарылатын автокөлік құралдарының зиянды (ластаушы) заттар шығарындыларына қойылатын талаптар туралы техникалық регламентті бекіту туралы» Қазақстан Республикасы Үкіметінің 2007 жылғы 29 желтоқсандағы № 1372 қаулысына (Қазақстан Республикасының ПҮАЖ-ы, 2007 ж., № 50, 633-құжат) мынадай өзгерістер енгізілсін:
көрсетілген қаулымен бекітілген Қазақстан Республикасының аумағында айналымға шығарылатын автокөлік құралдарының зиянды (ластаушы) заттар шығарындыларына қойылатын талаптар туралы техникалық регламентте:
«7) экологиялық класс – шығарындылар деңгейіне қарай автокөлік құралдарын сипаттайтын техникалық нормативтерді жіктеу коды;»;
«5. Қазақстан Республикасының аумағында айналымға шығарылатын автокөлік құралдары шығарындыларының үлестік нормативтері техникалық регламенттің 6, 7 және 8-тармақтарына сәйкес экологиялық кластар бойынша белгіленеді.»;
«6. 2-экологиялық класта:»;
«7. 3-экологиялық класта:»;
«8. 4-экологиялық класта:»;
мынадай мазмұндағы 4) тармақшамен толықтырылсын;
«4) ең үлкен массасы 3,5 тоннадан жоғары М1, барлық доңғалақтарға жетектің жоғарғы өткізгіштігі, оның ішінде осьтердің бірінің өшірілетін жетегімен, дизелі бар М2, М3, N1, N2, N3 санаттары үшін шығарындылардың үлестік нормативі БҰҰ ЕЭК № 96-02 ережесінде көзделген шығарындылардың нормативті деңгейінде белгіленеді»;
«9. Техникалық регламенттің 6, 7 және 8-тармақтарында көрсетілген автокөлік құралдары шығарындыларының үлестік нормативтерінің орындалуын қамтамасыз ететін отын сипаттамасына Қазақстан Республикасының заңнамасына сәйкес экологиялық кластар бойынша негізгі техникалық талаптар қойылады.
10. Автокөлік құралдарының техникалық регламенттің 3, 4, 5 және одан жоғары экологиялық кластар бойынша талаптарына сәйкестігі «Автокөлік құралдарының қауіпсіздігіне қойылатын талаптар» техникалық регламентін бекіту туралы» Қазақстан Республикасы Үкіметінің 2008 жылғы 9 шілдедегі № 675 қаулысында белгіленген тәртіппен берілетін сәйкестік сертификаттарымен куәландырылады.
Ұсынылатын көлік құралында экологиялық кластарға сәйкес келетін пайдаланылған газдарды бейтараптандыру жүйесінің болуын растау дайындаушы зауыттың сертификаты немесе көлік құралы паспортының түпнұсқасы болып табылады.»;
«14. Қазақстан Республикасының аумағында автокөлік құралдары шығарындыларының үлестік нормативтері техникалық регламентке сәйкес мынадай мерзімдерде:
1) 2-экологиялық класс 2009 жылғы 15 шілдеден;
2) 3-экологиялық класс 2013 жылғы 1 қаңтардан;
3) 4-экологиялық класс:
Қазақстан Республикасының аумағына әкелінетін автокөлік құралдарына қатысты 2013 жылғы 1 шілдеден;
Қазақстан Республикасында өндірілетін автокөлік құралдарына қатысты 2014 жылғы 1 қаңтардан бастап қолданысқа енгізіледі.
15. Автокөлік құралдарына арналған отынның сипаттамаларына қойылатын негізгі техникалық талаптар Қазақстан Республикасының заңнамасына сәйкес мынадай мерзімдерде:
1) 2-экологиялық класс 2010 жылғы 1 қаңтардан;
2) 3-экологиялық класс 2014 жылғы 1 қаңтардан;
3) 4-экологиялық класс 2016 жылғы 1 қаңтардан бастап қолданысқа енгізіледі.
16. Қазақстан Республикасының аумағында айналымға шығарылатын, бұрын пайдаланылған автокөлік құралдарының 2, 3, 4 және 5-экологиялық кластарының талаптарына сәйкестігін растау техникалық регламентке 4-қосымшаны ескере отырып жүзеге асырылады.»;
17-тармақ алынып тасталсын;
2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.
Қазақстан Республикасының
Премьер-Министрі С. Ахметов
Қазақстан Республикасы Үкіметінің 2013 жылғы 6 ақпандағы № 97 қаулысына қосымша
Техникалық регламентке 4-қосымша
Автокөлік құралдары және іштен жану қозғалтқыштарының шығарылу жылына байланысты 2, 3, 4 және 5 экологиялық кластар бойынша техникалық регламенттің талаптарына сәйкестік кестесі
| Автокөлік құралдары және (немесе) олардың қозғалтқыштары шығарылған ел | Экологиялық кластар талаптарына сәйкес келетін көлік құралдарының шығарылған жылдары | |||
| 2-класс | 3-класс | 4-класс | 5-класс | |
| Еуропалық Одаққа кіретін*, бензин қозғалтқыштары | 1997-2000 | 2001-2004 | 2005 – тамыз 2009 | М1-3 санаты, N1 – 2009 қыркүйегі және кейінірек |
| N2 санаты – 2010 қыркүйегі және кейінірек | ||||
| N3 санаты – 2008 қазан және кейінірек | ||||
| Еуропалық Одаққа кіретін*, дизельдер | 1997-2001 | 2002-2004 | 2005 – тамыз 2009 | М1-3 санаты, N1 – 2009 қыркүйегі және кейінірек |
| N2 санаты – 2010 қыркүйегі және кейінірек | ||||
| N3 санаты – 2008 қазан және кейінірек | ||||
| АҚШ | 1996-2000 | 2001-2005 | 2006 және кейінірек | - |
| Жапония | 1998-2004 | 2005-2010 | 2010 және кейінірек | - |
| Канада | 2001-2003 | 2004 | - | - |
| Үндістан | 2005-2009 | 2010 | - | - |
| Малайзия | 2003 | - | - | - |
| Қытай | 2004-2007 | 2008 | М3 санаты – 2012 қаңтар және кейінірек | - |
| Корея | 2001-2002 | 2003-2005 | 2006 және кейінірек | |
| Ресей | 2006-2007 | 2008-2009 | 2010 | - |
| Өзбекстан | 2007-2009 | - | - | - |
| Беларусь | 2007 | 2008 | - | - |
| Украина | М санаты - 2006 | - | - | - |
| N санаты - 2007 | ||||
Ескертпе:
* Еуропалық Одаққа: Австрия, Бельгия, Болгария, Ұлыбритания, Венгрия, Германия, Греция, Дания, Ирландия, Испания, Италия, Кипр, Латвия, Литва, Люксембург, Мальта, Нидерланд, Польша, Португалия, Румыния, Словакия, Словения, Финляндия, Франция, Чехия, Швеция және Эстония кіреді;
осы қосымша сәйкестікті растау бойынша аккредиттелген органдардың сәйкестікті растау рәсімдерін өткізген кезде қолданылады.
