Мемлекеттiк бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемеақылар белгілеу, сондай-ақ мемлекеттік әкімшілік қызметшілерге бонустар төлеу қағидаларын бекіту туралы Қазақстан Республикасы Үкіметінің қаулысы 2001 жылғы 29 тамыз N 1127

2019 жылғы 31 желтоқсанға дейін Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің және Қазақстан Республикасының Мемлекеттік қызмет істері және сыбайлас жемқорлыққа қарсы   іс-қимыл агенттігі Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет), олардың облыстардағы, республикалық маңызы бар қаладағы, астанадағы аумақтық органдарының, Қазақстан Республикасы Әділет министрлігінің, Қазақстан Республикасы Әділет министрлігінің Астана қаласы Әділет департаментінің, Қазақстан Республикасы Әдiлет министрлігінің Астана қаласы Әдiлет департаментінің Алматы ауданы әдiлет басқармасының, Қазақстан Республикасы Әдiлет министрлігінің Астана қаласы Әдiлет департаментінің Сарыарқа ауданы әдiлет басқармасының, Қазақстан Республикасы Әдiлет министрлігінің Астана қаласы Әдiлет департаментінің Есіл ауданы әдiлет басқармасының, Астана қаласы және Маңғыстау облысы жергілікті атқарушы органдарының мемлекеттік әкімшілік қызметшілеріне қолданысы тоқтатылды Осы Қаулының 2-тармағына сәйкес

Қазақстан Республикасының мемлекеттiк бюджет есебiнен қамтылған барлық органдарының қызметкерлерін лауазымдық (қызметтік) мiндеттерiн тиiсiнше орындағаны үшiн көтермелеу жүйесiн реттеу, сондай-ақ олардың функциялары мен міндеттерін уақтылы әрі сапалы орындауға материалдық мүдделілiгiн арттыру мақсатында Қазақстан Республикасының Үкіметі ҚАУЛЫ ЕТЕДІ:

Кіріспе жаңа редакцияда жазылды ҚР Үкіметінің 12.12.2018 жылғы № 827 Қаулысына сәйкес (29.12.2017 ж. редакцияны қараңыз)

1. Қоса беріліп отырған Мемлекеттiк бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемеақылар белгілеу, сондай-ақ мемлекеттік әкімшілік қызметшілерге бонустар төлеу қағидалары бекітілсін.

1-тармақ өзгертілді ҚР Үкіметінің 31.12.2003. № 1385, 13.05.2004. № 532, 11.09.2007. № 793 Қаулыларымен. (29.08.2001 жылғы редакцияны қараңыз)
1-тармақ жаңа редакцияда жазылды ҚР Үкіметінің 20.12.2022 жылғы № 1038 Қаулысына сәйкес (18.03.2021 ж. редакцияны қараңыз)

1-1. Мемлекеттік бюджет қаражаты есебінен Қазақстан Республикасы органдары қызметкерлеріне сыйлықақы беру, материалдық көмек көрсету және олардың лауазымдық айлықақыларына үстемеақылар белгілеу, сондай-ақ мемлекеттік әкімшілік қызметшілерге бонустар төлеу қағидаларының 27 және 28-тармақтарының ережелері 2021 жылғы 1 шілдеден бастап 2022 жылғы 31 желтоқсан аралығындағы құқықтық қатынастарға қолданылады деп белгіленсін.

Осы Қаулы 1-1-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес

2. Осы қаулы қол қойылған күнінен бастап күшіне енеді.  

Осы қаулының Қазақстан Республикасы Мемлекеттік қызмет істері агенттігінің және оның облыстар, республикалық маңызы бар қалалар, астана бойынша аумақтық органдарының, Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) және оның облыстар, республикалық маңызы бар қалалар, астана бойынша аумақтық органдарының, Қазақстан Республикасы Әділет министрлігінің және оның облыстар, республикалық маңызы бар қалалар, астана бойынша аумақтық органдарының, Нұр-Сұлтан, Алматы, Шымкент қалалары мен Атырау, Қарағанды, Маңғыстау және Павлодар облыстарының жергілікті атқарушы органдарының мемлекеттік әкімшілік қызметшілеріне қолданылуы 2021 жылғы 30 маусымды қоса алғанға дейін тоқтатыла тұрсын.

2-тармақ екінші бөлікпен толықтырылды ҚР Үкіметінің 29.12.2017 жылғы № 939 Қаулысына сәйкес (өзгерту қолданысқа енгізіледі 01.01.2018 жылдан бастап және 31.12.2018 жылға дейін әрекет етеді)
2-тармақтың екінші бөлігі жаңа редакцияда жазылды ҚР Үкіметінің 12.12.2018 жылғы № 827 Қаулысына сәйкес (29.12.2017 ж. редакцияны қараңыз)
2-тармақтың екінші бөлігі жаңа редакцияда жазылды ҚР Үкіметінің 13.12.2019 жылғы № 925 Қаулысына сәйкес (12.12.2018 ж. редакцияны қараңыз)
2-тармақтың екінші бөлігі жаңа редакцияда жазылды ҚР Үкіметінің 18.02.2020 жылғы № 68 Қаулысына сәйкес (13.12.2019 ж. редакцияны қараңыз)(қолданысқа енгізу тәртібін Қаулысының 2-тармағын қараңыз)
2-тармақтың екінші бөлігі жаңа редакцияда жазылды ҚР Үкіметінің 30.12.2020 жылғы № 928 Қаулысына сәйкес (18.02.2020 ж. редакцияны қараңыз)(өзгерту 01.01.2021 жылдан бастап қолданысқа енгізіледі)

Қазақстан Республикасының 

Премьер-Министрі

1. Осы Мемлекеттiк бюджет қаражаты есебінен Қазақстан Республикасы органдарының қызметкерлеріне сыйлықақы беру, материалдық көмек көрсету және лауазымдық жалақыларына үстемеақылар белгілеу, сондай-ақ мемлекеттік әкімшілік қызметшілерге бонустар төлеу қағидалары (бұдан әрі – Қағидалар) Қазақстан Республикасының мемлекеттiк бюджет есебiнен қамтылған барлық органдарының қызметкерлеріне лауазымдық (қызметтік) мiндеттерiн тиiсiнше орындағаны үшiн көтермелеу жүйесiн реттеу, сондай-ақ олардың функциялары мен міндеттерін уақтылы әрі сапалы орындауға материалдық мүдделілiгiн арттыру мақсатында әзiрлендi және еңбегiне ақы төлеу «Мемлекеттiк бюджет есебiнен қамтылған барлық органдар үшін қызметкерлердің еңбегіне ақы төлеудiң бiрыңғай жүйесiн бекіту туралы» Қазақстан Республикасы Үкіметінің 2017 жылғы 16 қазандағы № 646 қбп қаулысы негiзiнде жүргiзiлетiн мемлекеттік бюджет есебiнен қамтылған барлық органдардың қызметкерлеріне қолданылады.

1-тармақ жаңа редакцияда ҚР Үкіметінің 13.05.2004. № 532 қаулысымен. (31.12.2003 жылғы редакцияны қараңыз)
1-тармақ жаңа редакцияда жазылды ҚР Үкіметінің 12.12.2018 жылғы № 827 Қаулысына сәйкес (29.12.2017 ж. редакцияны қараңыз)
1-тармақ жаңа редакцияда жазылды ҚР Үкіметінің 20.12.2022 жылғы № 1038 Қаулысына сәйкес (18.03.2021 ж. редакцияны қараңыз)

1-1. Қазақстан Республикасы органдарының қызметкерлерiне сыйлық беру, материалдық көмек көрсету және лауазымдық жалақыларына үстемақылар белгiлеу бюджеттік бағдарламаны, (кішi бағдарламаны) қаржыландыру жоспары бойынша тиісті көзделген мемлекеттiк бюджет қаражаты есебiнен жүзеге асырылады.

1-1-тармақпен толықтырылды ҚР Үкіметінің
31.12.2003. № 1385, 13.05.2004. № 532, өзгертілді - 11.09.2007. № 793 Қаулыларымен. (29.08.2001 жылғы редакцияны қараңыз)
1-1-тармақ өзгертілді ҚР Үкіметінің 29.01.2026 жылғы № 54 Қаулысымен (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

1-2. Қызметкерлерге сыйлықақы беру, материалдық көмек көрсету және лауазымдық жалақыларына үстемеақы белгілеу:

1-2-тармақ өзгертілді ҚР Үкіметінің 11.09.2007. № 793, өзгертілді - 12.11.2007. № 1069 Қаулыларымен. (15.11.2004 жылғы редакцияны қараңыз)
1-2-тармақ жаңа редакцияда жазылды ҚР Үкіметінің 18.03.2021 жылғы № 145 Қаулысына сәйкес (30.12.2020 ж. редакцияны қараңыз)(өзгерту 12.04.2021 жылдан бастап қолданысқа енгізіледі)
1-2-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

1) мемлекеттік орган басшысы – бюджеттік бағдарлама (кіші бағдарлама) әкімшісінің, мемлекеттік мекеме басшысының не оларды алмастыратын тұлғалардың;

2) мемлекеттік органның басшысымен келісу бойынша аппарат басшысының шешімі бойынша жүргізіледі деп белгіленсін.

2. Орталық мемлекеттік органдардың, жергілікті атқарушы органдардың және жергілікті бюджеттерден қаржыландырылатын өзге органдардың бірінші басшыларының не оларды алмастыратын тұлғалардың осы Қағидаларды басшылыққа ала отырып қызметкерлерге сыйлықақы беру туралы нұсқаулықты дербес әзірлеуге және бекітуге құқығы бар.

2-тармақ өзгертілді ҚР Үкіметінің 11.09.2007. № 793 Қаулысымен. (15.11.2004 жылғы редакцияны қараңыз)
2-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

2-1. Осы Қағидаларда мынадай ұғымдар қолданылады:

Қағидалар 2-1-тармақпен толықтырылды ҚР Үкіметінің 20.12.2022 жылғы № 1038 Қаулысына сәйкес

1) бонус – әкімшілік мемлекеттік қызметшілерге олардың қызметінің тиімділігін бағалау нәтижесі бойынша белгіленетін ақшалай төлем;

2)  бонустық қор – мемлекеттік әкімшілік қызметшілерге олардың қызметінің тиімділігін бағалау нәтижелері бойынша бонустар төлеуге арналған, жоспарланатын бюджет қаражаты;

3) есепті кезең – қорытындысы бойынша мемлекеттік әкімшілік қызметші қызметінің қорытынды бағасы қалыптастырылатын күнтізбелік жыл;

3-тармақша жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

4)  сыйлықақы – біржолғы ақшалай сыйақы түріндегі көтермелеу нысаны.

3. Осы Қағидалардың 9-тармағында көзделген тәртіпке сәйкес қызметкерлерге сыйлықақы беру лауазымдық міндеттерін үлгілі орындағаны, мінсіз мемлекеттік қызметі, ерекше маңызды және күрделі тапсырмаларды орындағаны, белгілі бір кезеңдегі жұмыс нәтижелері, жалпы осы органның немесе оның жекелеген бөлімшелерінің одан әрі қалыпты (іркіліссіз) жұмыс істеуі кезек күттірмейтін және алдын ала болжанбаған жұмыстардың шұғыл орындалуына байланысты болғанда сол жұмыстарды орындағаны, Қазақстан Республикасы Үкіметінің заң жобалау жұмыстары жоспарының, Қазақстан Республикасы Президентінің, Үкіметінің және Премьер-Министрінің актілері мен тапсырмаларының іс-шараларын уақтылы және сапалы орындағаны, егер осы өкілеттіктер қызметкерлердің лауазымдық міндеттеріне кірмесе, заң жобаларын, конвенцияларды, келісімдерді, шарттарды, нормативтік құқықтық актілердің жобаларын әзірлегені және жұмыстағы басқа да жетістіктері үшін, сондай-ақ олардың қызметін бағалаудың нәтижелері бойынша жүзеге асырылуы мүмкін.

3-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

Осы тармақтың бірінші бөлігінде көрсетілген негіздерде сыйлықақы беру мереке күндеріне, мереке және мерейтой күндеріне, қызметкерлердің мерейтойларына орайластырылуы мүмкін.

4. Қызметкерге:  

1) оның алынбаған тәртіптік жазасы болған кезде;  

2) мемлекеттік орган, оның ішінде жойылған (таратылған) не қайта ұйымдастырылған мемлекеттік орган функцияларының, өкілеттіктерінің және (немесе) штат бірліктерінің басқа мемлекеттік органға берілуіне байланысты лауазымға қайта тағайындау жағдайларынан басқа сыйлықақы төлеу туралы шешім қабылданған күнге мемлекеттік органның ведомстволарын, сондай-ақ олардың аумақтық органдары мен бөлімшелерін, олардың қарамағындағы мемлекеттік мекемелерді қоса алғанда, тиісті мемлекеттік органда қызметкер ретінде (еңбегiне ақы төлеу «Мемлекеттiк бюджет есебiнен қамтылған барлық органдар үшін қызметкерлердің еңбегіне ақы төлеудiң бiрыңғай жүйесiн бекіту туралы» Қазақстан Республикасы Үкіметінің 2017 жылғы 16 қазандағы № 646 қбп қаулысы негiзiнде жүргiзiлетiн) күнтізбелік отыз күннен кем жұмыс істеген болса;

2-тармақша жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

3) сынақ мерзімінен өту кезеңінде;

3-тармақша өзгертілді ҚР Үкіметінің 29.01.2026 жылғы № 54 Қаулысымен (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

4) ол жалақысы сақталмайтын демалыстан, оқу демалысынан және бала үш жасқа толғанға дейін оның күтіміне байланысты жалақысы сақталмайтын демалыстан шығып, бұл демалыстардың ұзақтығы алты ай және одан көп болса және сыйлықақы төлеу туралы шешім қабылданған күнге ол күнтізбелік отыз күннен кем жұмыс істеген болса, сыйлықақы берілмейді.

4-тармақша жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

5. Қызметкердің лауазымдық жалақысына үстемеақы белгілеу:

5-тармақ өзгертілді ҚР Үкіметінің 11.09.2007. № 793 Қаулысымен (15.11.2004 жылғы редакцияны қараңыз)
5-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

1) қысқартылған қызметкерлердің және (немесе) бос/уақытша бос лауазымдардың функцияларын өзінің негізгі жұмысынан босатылмай орындағаны;

2) уақытша болмаған қызметкерлердің міндеттерін (функцияларын) өзінің негізгі жұмысынан босатылмай орындағаны;

3) оған ауқымы кеңейтілген міндеттердің жүктелгені;

4) кәсіптік жоғары деңгеймен және құзыреттілікпен ұштасатын жұмыстағы жеткілікті тәжірибесі (өтіл) мен машығын практикада табысты қолданғаны;

5) мемлекеттік құпияларды құрайтын мәліметтерді қамтитын құжаттармен жұмыс үшін олардың орындалған көлеміне қарай;

6) қызметкер жалақысы төмен лауазымға жұмыста мертігуіне, кәсіптік ауруға шалдығуына немесе осы мемлекеттік органда еңбек міндеттерін орындауына байланысты денсаулығына өзге зақым келуіне орай ауыстырылғаны (тағайындалғаны) үшін еңбекке жарамдылығы қалпына келгенге не мүгедектік белгіленгенге дейін, сондай-ақ органның басқару құрылымының өзгеруіне орай –ауыстырылған (тағайындалған) күнінен бастап бір жылға дейін жүзеге асырылуы мүмкін.

6. Тармақ алып тасталды (ескертуді қараңыз)

6-тармақ алынып тасталды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

7.  Алынып тасталды (ескертуді қараңыз)

7-тармақ алынып тасталды ҚР Үкіметінің
15.11.2004. № 1197 қаулысымен. (13.05.2004 жылғы редакцияны қараңыз)

8. Қызметкерге материалдық көмек көрсету:

8-тармақ өзгертілді ҚР Үкіметінің 31.12.2003. № 1385 қаулысымен. (29.08.2001 жылғы редакцияны қараңыз)
8-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

1) оның жақын туыстары, жұбайы (зайыбы) және (немесе) жекжаттары қайтыс болған;

2) өзі некеге тұрған;

3) баласы туған, оның бала асырап алған;

4) өзі қосымша қаржы шығындарын талап ететін ем қабылдаған (санаторийде емделуден басқа, күнтізбелік он және одан көп күн стационарлық немесе амбулаторлық емделуі);

5) оған қатысты құқыққа қарсы іс-қимыл жасалуы (тонау, ұрлық және басқалары), сондай-ақ дүлей зілзала (өрт, су тасқыны, жер сілкінісі және т.б.) салдарынан мүліктік зиян келтірілген;

6) ол зейнеткерлiкке шыққан жағдайларда жүзеге асырылады.

Қызметкерге материалдық көмек көрсету аталған жағдайлар осы мемлекеттік мекемеде жұмыс істеген кезеңде туындаған болса жүзеге асырылуы мүмкін.

9. Қызметкерлерге сыйлықақы беру және лауазымдық жалақысына үстемеақы белгілеу дербес құрылымдық бөлімшелер басшыларының, тікелей басшылардың (дербес құрылымдық бөлімшенің басшысы болмаған жағдайда), лауазымға тағайындауға және лауазымнан босатуға құқығы бар тұлғалардың немесе мемлекеттік органның, мемлекеттік мекеменің басшысы айқындайтын тұлғалардың жазбаша ұсынымының негізінде осы Қағидалардың 1-2-тармағында санамаланған тұлғалардың бұйрығымен жүргізіледі.

9-тармақ өзгертілді ҚР Үкіметінің 11.09.2007. № 793 Қаулысымен. (15.11.2004 жылғы редакцияны қараңыз)
9-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

Ведомстволардың, аумақтық бөлімшелердің, мемлекеттік мекемелердің, жергілікті бюджеттен қаржыландырылатын атқарушы органдардың басшыларына сыйлықақы беру және үстемеақы белгілеу жоғары тұрған лауазымды тұлғалардың ұсынымдарының негізінде жүргізіледі.

Орталық мемлекеттік органдардың құрылымдық бөлімшелерінің басшыларына сыйлықақы беру және үстемеақы белгілеу жоғары тұрған лауазымды тұлғалардың ұсынымы негізінде жүргізіледі не осы Қағидалардың 1-2-тармағында санамаланған тұлғалар өздері жүргізеді.

Орталық мемлекеттік органдардың және жергілікті атқарушы органдардың басшылары (басшылардың орынбасарлары) үшін сыйлықақы берудің өзге рәсімдері көзделуі мүмкін.

10. Ұсынымда қызметкердің тегі, аты, әкесінің аты (бар болса), лауазымы, сыйлықақы (үстемеақы) беру үшін негіз және мөлшері (қажет болған жағдайда) көрсетіледі.

10-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

11. Қызметкерге материалдық көмек көрсету туралы бұйрықты қызметкердің жазбаша өтінішінің негізінде не осы органда құрылатын тиісті комиссияның қорытындысы бойынша осы Ереженің 1-2-тармағында санамаланған тұлғалар қабылдайды.

11-тармақ өзгертілді ҚР Үкіметінің 11.09.2007. № 793 Қаулысымен. (15.11.2004 жылғы редакцияны қараңыз)
11-тармақ өзгертілді ҚР Үкіметінің 29.01.2026 жылғы № 54 Қаулысымен (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

Материалдық көмек төлеу қызметкер өтініш берген күннен бастап бір жыл ішінде жүргізіледі, бұл ретте төлем жүзеге асырылатын күні қызметкер тиісті мемлекеттік мекемемен еңбек қатынастарында тұруы шарт.

Материалдық көмек көрсету туралы өтініш осы Қағидалардың 8-тармағында көзделген жағдайлар басталған күннен бастап екі ай ішінде беріледі, ал осы Қағидалардың 8-тармағының 6) тармақшасында көзделген жағдай бойынша өтініш ол басталғанға дейін кемінде бір ай бұрын беріледі.

12. Қазақстан Республикасы органдарының қызметкерлеріне  сыйлық беруге, материалдық көмек көрсетуге және лауазымдық  жалақыларына үстемеақылар белгілеуге мемлекеттiк бюджет қаражатын  бөлу Қазақстан Республикасы Қаржы министрлігінің нормативтік  құқықтық кесімдерімен айқындалған тәртіппен Қазақстан Республикасы  органдарының бюджеттiк бағдарламаны (кiшi бағдарламаны)  қаржыландыру жоспарларына өзгерістер енгізу жолымен жүргізіледі. 

12-тармақ өзгертілді ҚР Үкіметінің
31.12.2003. № 1385 қаулысымен
 12-тармақ өзгертілді ҚР Үкіметінің 13.05.2004. № 532 қаулысымен. (29.08.2001 жылғы редакцияны қараңыз)

13. Сыйлықақы беру, материалдық көмек көрсету және үстемеақы белгілеу шығыстардың мынадай түрлері бойынша үнемдеу есебінен:

13-тармақ өзгертілді ҚР Үкіметінің 31.12.2003. № 1385, 13.05.2004. № 532 Қаулыларымен. (29.08.2001 жылғы редакцияны қараңыз)
13-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

1) мына:

ел iшiндегi iссапарлар мен қызметтiк сапарлар;

елден тыс жерлерге iссапарлар мен қызметтiк сапарлар;

үй-жайды жалдауға ақы төлеу;

коммуналдық көрсетілетін қызметтерге ақы төлеу;

байланыстың көрсетілетін қызметтерiне ақы төлеу;

көлiктiк көрсетілетін қызмет көрсетулерге ақы төлеу;

электр энергиясына ақы төлеу;

жылытуға ақы төлеу;

ғимараттарды, үй-жайларды, жабдықтарды және басқа да негізгі құралдарды ұстау, оларға қызмет көрсету, ағымдағы жөндеу;

өзге көрсетілген қызметтер;

ерекше шығындар;

өзге ағымдағы шығындар бойынша жыл бойы үнемделген мемлекеттік бюджет қаражатының жалпы көлемінің 30 %-ынан асырмай, ал желтоқсанда – бір жылда үнемделген қаражаттың толық көлемінде;

2) мына:

жалақы;

өтемақы төлемдері;

жұмыс берушiлердiң жарналары;

әлеуметтік салық;

көлік құралдары иелерінің міндетті азаматтық-құқықтық жауапкершілігін міндетті сақтандыру шығындары;

мемлекеттік мекемелер қызметкерлерінің мемлекеттік міндетті жеке сақтандыру шығындары;

өзге де қорларды сатып алу;

қосымша ақшалай төлемдер бойынша үнемделген мемлекеттік бюджет қаражатының толық көлемінде жүзеге асырылады.

13-1. Ведомстволарын, сондай-ақ олардың аумақтық органдары мен бөлімшелерін, қарамағындағы мемлекеттік мекемелерді қоса алғанда, мемлекеттік орган қызметкерлерінің штат санын қысқарту туралы шешім қабылданған жағдайда мемлекеттік органның қызметін қамтамасыз етуге көзделген және штат санын қысқарту нәтижесінде босаған қаражат есебінен толық көлемде үстемеақы белгілеу жүзеге асырылады.

13-1-тармақпен толықтырылды ҚР Үкіметінің 11.09.2007. № 793 Қаулысымен
13-1-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

14. Шығыстардың қалған түрлері бойынша мемлекеттік бюджет қаражатын үнемдеуден сыйлық беруге, материалдық көмек көрсетуге және үстемеақылар белгілеуге жол берілмейді. 

14-тармақ өзгертілді ҚР Үкіметінің 13.05.2004. № 532 қаулысымен. (31.12.2003 жылғы редакцияны қараңыз)

16. «А» корпусының мемлекеттік әкімшілік қызметшілеріне бонус төлеу «Мемлекеттік әкімшілік қызметшілердің қызметін бағалаудың кейбір мәселелері туралы» Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 16 қаңтардағы № 13 бұйрығымен (нормативтік құқықтық актілерді мемлекеттік тіркеу тізілімінде № 7617 болып тіркелген) бекітілген «А» корпусы мемлекеттік әкімшілік қызметшілерінің қызметін бағалау әдістемесіне (бұдан әрі – әдістеме) сәйкес жүргізілетін бағалау нәтижелері негізінде тағайындалады.

16-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

17. «Б» корпусының мемлекеттік әкімшілік қызметшілеріне бонус төлеу «Мемлекеттік әкімшілік қызметшілердің қызметін бағалаудың кейбір мәселелері туралы» Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 16 қаңтардағы № 13 бұйрығымен (нормативтік құқықтық актілерді мемлекеттік тіркеу тізілімінде № 7617 болып тіркелген) бекітілген «Б» корпусы мемлекеттік әкімшілік қызметшілерінің қызметін бағалаудың үлгілік әдістемесіне (бұдан әрі – үлгілік әдістеме) сәйкес жүргізілетін бағалау нәтижелері негізінде тағайындалады.

17-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

17-1. Бағалау деректерді бағалаудың автоматтандырылған жүйесі арқылы өтетін мемлекеттік органдарда бонустар төлеу осы мемлекеттік органдардың ішкі құжаттарында белгіленген тәртіппен жүзеге асырылады.

Қағидалар 17-1-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес (01.01.2023 жылдан бастап туындаған құқықтық қатынастарға қолданылады)

18. Бонустарды төлеу мемлекеттік органдардың мемлекеттік әкімшілік қызметшілерінің бірыңғай еңбегіне ақы төлеу жүйесінде бонустық қорды қалыптастыруға көзделген қаражат есебінен жүргізіледі.

19. Мемлекеттік әкімшілік қызметшілерге бонустар төлеу жыл қорытындысы бойынша олардың қызметін бағалау нәтижелері бойынша жүзеге асырылады, ал жұмыстан шығу, еңбек қатынастарын бұзу, ротациялау болған жағдайда мемлекеттік әкімшілік қызметшілерге бонустар төлеу жұмыс істеген уақытына пропорционалды түрде қызметін бағалау нәтижелері бойынша жүзеге асырылады.

19-1. Мемлекеттік әкімшілік қызметшімен еңбек қатынастары тоқтатылған жағдайда жергілікті атқарушы органдарда, тексеру комиссияларында және мәслихат аппараттарында 2021 жылғы 1 шілдеден бастап 2022 жылғы 31 желтоқсанды қоса алғандағы жұмыс кезеңдері үшін бонустар төлеу қызметті бағалау нәтижелері болған және бонустар төлеу туралы өтінішпен және банк деректемелерін көрсетіп мемлекеттік органға өзі жүгінген кезде 2023 жылғы 20 желтоқсанды қоса алғанға дейін жүзеге асырылады.

Қағидалар 19-1-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес

Осы тармақтың бірінші бөлігінде көрсетілген мемлекеттік органдарды қоспағанда, мемлекеттік органдарда мемлекеттік әкімшілік қызметшімен еңбек қатынастары тоқтатылған жағдайда 2022 жылғы 1 қаңтардан бастап 2022 жылғы 31 желтоқсан аралығындағы жұмыс кезеңдері үшін бонустар төлеу қызметті бағалау нәтижелері болған және бонустар төлеу туралы өтінішпен және банк деректемелерін көрсетіп мемлекеттік органға өзі жүгінген кезде 2023 жылғы 20 желтоқсанды қоса алғанға дейін жүзеге асырылады.

Бонустар төлеу туралы өтініш 2023 жылғы 1 қарашаға дейін беріледі.

Мемлекеттік әкімшілік қызметші қайтыс болған жағдайда қызметті бағалау нәтижелері болған кезде мұрагерден өтемақы төлемдері болып табылатын бонустарды төлеу туралы оның (мұрагердің) банктік деректемелері көрсетілген өтініш қабылданады. Аударылған бонустарды мұрагерлер Қазақстан Республикасының азаматтық заңнамасына сәйкес ала алады.

19-2. Мемлекеттік әкімшілік қызметшімен еңбек қатынастары тоқтатылған жағдайда 2023 жылғы 1 қаңтардан басталатын жұмыс кезеңі үшін бонустар төлеу қызметті бағалау нәтижелері болған және бонустар төлеу туралы өтінішпен және банк деректемелерін көрсетіп мемлекеттік органға өзі жүгінген кезде есепті жылдан кейінгі жылдың 20 желтоқсанына дейін жүзеге асырылады.

Қағидалар 19-2-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес

Бонустар төлеу туралы өтініш есепті жылдан кейінгі жылдың 1 қарашасына дейін беріледі.

20. Бонустарды төлеу осы Қағидалардың 19-1 және 19-2-тармақтарында көрсетілген адамдарды қоспағанда, мемлекеттік әкімшілік қызметшілердің қызметін қорытынды бағалау аяқталған кезден бастап бір ай ішінде жүргізіледі.

20-тармақ жаңа редакцияда жазылды ҚР Үкіметінің 09.03.2023 жылғы № 192 Қаулысына сәйкес (20.12.2022 ж. редакцияны қараңыз)

21. Бонустарды есептеген кезде тиісті лауазым бойынша есепті кезеңде жұмыс істеген нақты күндер саны пайдаланылады.

22. Мемлекеттік әкімшілік қызметшіге бонустар төлеу қызметті бағалау жүргізілген мемлекеттік органда жүзеге асырылады, ал мемлекеттік орган қайта ұйымдастырылған және (немесе) таратылған (қысқартылған) жағдайда азаматтық заңнаманың ережелері қолданылады.

23. Мемлекеттік әкімшілік қызметші есепті кезең ішінде мемлекеттік орган ішінде бір лауазымнан басқа лауазымға немесе бір мемлекеттік органнан басқа мемлекеттік органға ауысқан жағдайда, бонус бұдан бұрын атқарған лауазымы бойынша, сондай-ақ атқарып отырған жаңа лауазымы бойынша есепті кезеңде нақты жұмыс істеген уақытына пропорционалды түрде есептеледі.

24. Осы Қағидалардың 23-тармағында көзделген жағдайларды қоспағанда, есепті кезең ішінде лауазымдық айлықақы өзгерген жағдайда бонус есепті кезең ішінде қолданыста болған лауазымдық айлықақының ең үлкен мөлшері негізге алынып есептеледі.

24-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

25. Бонустар төлеу туралы шешімді:

1) «А» корпусының мемлекеттік әкімшілік қызметшілері үшін мемлекеттік органның басшысы не оны алмастыратын тұлға;

2) «Б» корпусының мемлекеттік әкімшілік қызметшілері үшін мемлекеттік органның басшысы не ол өкілеттік берген мемлекеттік органның аппарат басшысы қабылдайды.

26. Мемлекеттік әкімшілік қызметші бонусының мөлшері мемлекеттік органның мемлекеттік әкімшілік қызметшісінің есепті кезеңдегі қорытынды бағасының нәтижелері бойынша мемлекеттік әкімшілік қызметшінің бонусын түзету нәтижесінде айқындалады.

26-тармақ жаңа редакцияда жазылды ҚР Үкіметінің 09.03.2023 жылғы № 192 Қаулысына сәйкес (20.12.2022 ж. редакцияны қараңыз)
26-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

Мемлекеттік органның мемлекеттік әкімшілік қызметшісі бонусының мөлшерін есептеу үшін мынадай формула пайдаланылады:

БМ = ЛА × 2 × ҚБп   × НЖУ, мұндағы:

БМ – бонус мөлшері;

ЛА – тиісті мемлекеттік әкімшілік қызметшінің лауазымдық айлықақысы;

ҚБп   – есепті кезеңде әдістемеге және (немесе) үлгілік әдістемеге сәйкес пайызбен айқындалатын мемлекеттік әкімшілік қызметшінің қызметін қорытынды бағалау нәтижесі;

НЖУ – мемлекеттік әкімшілік қызметшінің нақты жұмыс істеген уақыты пайызбен.

27. «А» корпусының мемлекеттік әкімшілік қызметшісінің қойылған түйінді нысаналы индикаторларды орындау пайызы (Тп) мынадай қағидат бойынша айқындалады:

1) «тиімді» деп бағаланған кезде түйінді нысаналы индикаторларды орындау 80 %-дан 100 %-ға дейінгі деңгейде белгіленеді;

2) «қанағаттанарлық» деп бағаланған кезде түйінді нысаналы индикаторларды орындау 60 %-дан 80 %-ға дейінгі деңгейде белгіленеді.

28. «Б» корпусының мемлекеттік әкімшілік қызметшісінің қойылған түйінді нысаналы индикаторларды орындау пайызы (Тп) мынадай қағидат бойынша айқындалады:

1) «өте жақсы» деп бағаланған кезде түйінді нысаналы индикаторларды орындау 100 % деңгейінде белгіленеді;

2) «тиімді» деп бағаланған кезде түйінді нысаналы индикаторларды орындау 80 % деңгейінде белгіленеді;

3) «қанағаттанарлық» деп бағаланған кезде түйінді нысаналы индикаторларды орындау 60 % деңгейінде белгіленеді.

28-1. Мемлекеттік әкімшілік қызметшінің қызметін қорытынды бағалау (ҚБп  ) нәтижесі пайызбен мынадай формула бойынша айқындалады:

Қағидалар 28-1-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес (01.01.2023 жылдан бастап туындаған құқықтық қатынастарға қолданылады)
28-1-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

  ҚБ – қорытынды (орташа қорытынды) баға.

29. Мемлекеттік әкімшілік қызметшінің нақты жұмыс істеген уақыты мына формула бойынша айқындалады:

29-тармақ жаңа редакцияда жазылды ҚР Үкіметінің 09.03.2023 жылғы № 192 Қаулысына сәйкес (20.12.2022 ж. редакцияны қараңыз)
29-тармақ жаңа редакцияда жазылды ҚР Үкіметінің 29.01.2026 жылғы № 54 Қаулысына сәйкес (09.03.2023 ж. редакцияны қараңыз)(өзгерту 01.01.2026 жылдан бастап қолданысқа енгізіледі)

  А – жұмыс уақыты;

В – күнтізбелік жылдағы жұмыс күндерінің саны.

Жұмыс уақыты – жұмыс берушінің актілеріне сәйкес мемлекеттік әкімшілік қызметші еңбек міндеттерін орындайтын есепті кезеңдегі уақыт, сондай-ақ Қазақстан Республикасының Еңбек кодексіне, осы Қағидаларға, Қазақстан Республикасының өзге де нормативтік-құқықтық актілеріне, жұмыс берушінің актісіне сәйкес жұмыс берушінің актісімен жұмыс уақытына жатқызылған есепті кезеңдегі өзге де уақыт кезеңдері.

Жұмыс уақыты:

жыл сайынғы кезекті ақылы демалыста болған уақытты;

қайта даярлау және біліктілікті арттыру курстарында болған кезеңді;

іссапарда болған кезеңді;

осы мемлекеттік мекемеде еңбек (қызметтік) міндеттерін орындау үстінде жұмыста мертігу немесе кәсіптік ауруға шалдығу салдарынан еңбекке уақытша қабілетсіздік туындап, толық көлемде есепке алынатын жағдайларды қоспағанда, мемлекеттік әкімшілік қызметші еңбекке уақытша қабілетсіздігіне байланысты нақты жұмыс істемеген, бірақ есепті кезеңдегі күнтізбелік 20 күннен аспайтын уақытты (бұл ретте күнтізбелік күндерді есептеу есепті кезеңдегі еңбекке уақытша қабілетсіздік туындаған бірінші күннен бастап жүзеге асырылады);

жалақысы сақталмайтын демалыста болған, бірақ есепті кезеңде күнтізбелік 5 күннен аспайтын уақытты (бұл ретте күнтізбелік күндерді есептеу есепті кезеңдегі жалақысы сақталмайтын демалыстың бірінші күнінен бастап жүзеге асырылады) қамтиды.

Мемлекеттік әкімшілік қызметшінің нақты жұмыс істеген уақытын есептеуді мемлекеттік органның персоналды басқару қызметі не персоналды басқару қызметінің (кадр қызметінің) міндеттерін орындау жүктелген өзге құрылымдық бөлімше (тұлға) жүзеге асырады.

30. Мемлекеттік әкімшілік қызметшіге:

30-тармақ жаңа редакцияда жазылды ҚР Үкіметінің 09.03.2023 жылғы № 192 Қаулысына сәйкес (20.12.2022 ж. редакцияны қараңыз)

1) мемлекеттік әкімшілік қызметшіде және (немесе) жұмыстан шығарылған мемлекеттік әкімшілік қызметшіде есепті кезеңде мемлекеттік қызметке кір келтіретін теріс қылықтар үшін алынбаған тәртіптік жазасы болса;

2) Қазақстан Республикасының мемлекеттік қызмет туралы заңнамасына сәйкес бонустар төлеу басталғанға дейін мемлекеттік қызметті тоқтату үшін негіз болып табылатын қылмыстық құқық бұзушылық жасағаны үшін кінәлі деп танылған мемлекеттік әкімшілік қызметшіге және (немесе) қызметтен шығарылған мемлекеттік әкімшілік қызметшіге бонустар төленбейді.

Мемлекеттік әкімшілік қызметшіге бонустар төлеу оған қатысты қылмыстық іс бонустар төлеу басталғанға дейін қозғалған жағдайда және қылмыстық іс тоқтатылғанға дейін немесе қылмыстық жауаптылыққа тарту туралы сот актісі шығарылғанға дейін тоқтатыла тұрады;

3) есепті кезеңде мемлекеттік әкімшілік қызметшінің қызметі қанағаттанарлықсыз бағаланған кезде бонустар төленбейді.

31. Ақтап үкім шығарылған немесе қылмыстық іс тоқтатылған жағдайда мемлекеттік әкімшілік қызметшіге және (немесе) жұмыстан шығарылған мемлекеттік әкімшілік қызметшіге бонус олардың қызметін бағалау нәтижелері бойынша төленеді. Бұл жағдайда нақты жұмыс істелген уақыт есепті кезеңдегі қылмыстық іс қозғалған кезден бастап ақтау үкімі шығарылғанға немесе қылмыстық іс тоқтатылғанға дейінгі уақытты да қамтиды.

Қағидалар 31-тармақпен толықтырылды ҚР Үкіметінің 09.03.2023 жылғы № 192 Қаулысына сәйкес