Қазақстан Республикасының Үкiметi   ҚАУЛЫ ЕТЕДI: 

1. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзiлсiн:

#$1-тармақтың 2) тармақшасының күші жойылады - ҚР Үкіметінің 30.04.2007. № 352 Қаулысымен.(2010 жылғы 13 тамыздан бастап қолданысқа енгізіледі)

1) "Зейнетақы төлеу жөнiндегi мемлекеттік орталық" республикалық мемлекеттiк қазыналық кәсiпорнын құру туралы" Қазақстан Республикасы Үкiметiнiң 1997 жылғы 4 маусымдағы N 926  қаулысында  (Қазақстан Республикасының ПҮКЖ-ы, 1997 ж., N 24, 217-құжат): 

2-тармақ мынадай редакцияда жазылсын: 

"2. Қазақстан Республикасы Еңбек және халықты әлеуметтік қорғау министрлiгi Кәсiпорынды мемлекеттік басқару уәкiлеттi органы болып белгiленсiн."; 

2) "Қазақстан Республикасының азаматтарына Зейнетақы төлеу жөнiндегі мемлекеттiк орталықта әлеуметтiк жеке код берудің тәртібiн бекiту туралы" Қазақстан Республикасы Үкiметiнiң 1997 жылғы 16 қыркүйектегi N 1342  қаулысында  (Қазақстан Республикасының ПYКЖ-ы, 1997 ж., N 41, 338-құжат): 

тақырыбы мынадай редакцияда жазылсын: 

"Уәкiлеттi ұйымның әлеуметтiк жеке код беру тәртібін бекiту туралы"; 

мәтінде "Зейнетақы төлеу жөнiндегi мемлекеттiк орталықта", "Зейнетақы төлеу жөнiндегi мемлекеттiк орталыққа" деген сөздер тиiсiнше "уәкiлеттi ұйымның", "уәкiлеттi ұйымға" деген сөздермен, мемлекеттік тiлдегi мәтiнде 1-тармақтағы "берудiң" деген сөз "бeру" деген сөзбен ауыстырылсын; 

көрсетiлген қаулымен бекiтiлген Қазақстан Республикасының азаматтарына Зейнетақы төлеу жөнiндегi мемлекеттiк орталықта әлеуметтiк жеке код берудiң тәртiбiнде: 

тақырыбы мынадай редакцияда жазылсын: 

"Уәкiлеттi ұйымның әлеуметтiк жеке код беру тәртiбi"; 

бүкiл мәтiн бойынша "Зейнетақылық орталық", "Зейнетақы орталығынан", "Зейнетақы орталығына", "Зейнетақы орталығы", "Зейнетақы орталығының", "Зейнетақы орталығында" деген сөздер тиiсiнше "Орталық", "Орталықтан", "Орталыққа", "Орталықтың", "Орталықта" деген сөздермен ауыстырылсын; 

1-тармақта: 

екіншi, үшiншi абзацтар мынадай редакцияда жазылсын: 

"уәкілетті ұйым (бұдан әрi - Орталық) - Қазақстан Республикасы Еңбек және халықты әлеуметтiк қорғау министрлiгiнiң "Зейнетақы төлеу жөнiндегi мемлекеттік орталық" республикалық мемлекеттiк қазыналық кәсiпорны және оның құрылымдық бөлiмшелерi (филиалдары мен олардың бөлiмшелерi); 

әлеуметтік жеке код (ӘЖК) - азаматқа, сондай-ақ зейнетақымен қамсыздандыру туралы қолданыстағы заңнамаға сәйкес зейнетақымен қамсыздандырылу құқығы таралатын адамдарға берiлетiн тұрақты жеке код;"; 

бесіншi абзац алынып тасталсын; 

мынадай мазмұндағы алтыншы абзацпен толықтырылсын: 

"ӘЖК беру туралы куәлiк (бұдан әрi - куәлiк) - азаматтарға Орталық беретiн, ӘЖК-нiң берiлгендiгiн растайтын құжат."; 

2-тармақта: