1. Қоса берiлiп отырған Ауыл шаруашылығы санағын өткiзудiң ережесi мен мерзiмдерi бекiтiлсiн.
-
Продукты:
Консультации
Консультации
Отправить по почте
Осы редакция 25.03.2008 жылы енгізілген өзгерістерге дейін қолданылды.
Ауыл шаруашылығы санағын өткiзудiң ережесi мен мерзiмдерiн бекiту туралы Қазақстан Республикасы Үкіметінің 2006 жылғы 15 қарашадағы N 1081 Қаулысы
"Агроөнеркәсiптiк кешендi және ауылдық аумақтарды дамытуды мемлекеттiк реттеу туралы" Қазақстан Республикасының 2005 жылғы 8 шiлдедегi Заңының 5-бабының 11) тармақшасына сәйкес Қазақстан Республикасының Үкiметi ҚАУЛЫ ЕТЕДI :
1. Қоса берiлiп отырған Ауыл шаруашылығы санағын өткiзудiң ережесi мен мерзiмдерi бекiтiлсiн.
2. Осы қаулы алғаш рет ресми жарияланған күнiнен бастап он күнтiзбелiк күн өткен соң қолданысқа енгiзiледi.
Қазақстан Республикасының
Премьер-Министрі
Қазақстан Республикасы Үкiметiнiң 2006 жылғы 15 қарашадағы N 1081 қаулысымен бекiтiлген
Ауыл шаруашылығы санағын өткiзудiң ережесi мен мерзiмдерi
1. Жалпы ережелер
Осы Ереже Қазақстан Республикасының " Агроөнеркәсiптiк кешендi және ауылдық аумақтарды дамытуды мемлекеттiк реттеу туралы" 2005 жылғы 8 шiлдедегi және " Мемлекеттiк статистика туралы " 1997 жылғы 7 мамырдағы заңдарына, басқа да нормативтiк құқықтық кесiмдерге сәйкес әзiрлендi және ауыл шаруашылығы санағын өткiзудiң тәртiбi мен мерзiмдерiн айқындайды.
1. Ауыл шаруашылығы санағының мақсаты ауыл шаруашылығының белгiлi бiр күнгi құрылымы мен жай-күйi туралы ақпарат жинау болып табылады.
2. Осы Ережеде мынадай ұғымдар пайдаланылады:
1) ауыл шаруашылығы санағы - ауыл шаруашылығының белгiлi бiр күнгі құрылымы мен жай-күйi туралы ақпарат жинау жөнiндегi статистикалық операция;
2) ауыл шаруашылығы санағының субъектiлерi - ауыл шаруашылығы санағының объектiлерiне иелiк ететiн жеке және заңды тұлғалар;
