Документ на казахском языке

Шартты түрде сотталған адамдарға әлеуметтік-құқықтық көмек көрсету қағидаларын бекіту туралы Қазақстан Республикасы Үкіметінің 2012 жылғы 28 сәуірдегі № 542 Қаулысы

1. Қоса беріліп отырған Шартты түрде сотталған адамдарға әлеуметтік-құқықтық көмек көрсету қағидалары бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі К. Мәсімов

Қазақстан Республикасы Үкіметінің 2012 жылғы 28 сәуірдегі № 542 қаулысымен бекітілген

Шартты түрде сотталған адамдарға әлеуметтік-құқықтық көмек көрсету қағидалары

1. Жалпы ережелер

1. Осы Шартты түрде сотталған адамдарға әлеуметтік-құқықтық көмек көрсету қағидалары (бұдан әрі – Қағидалар) Қазақстан Республикасы Қылмыстық-атқару кодексінің 182-бабының 6-тармағын іске асыру мақсатында әзірленді және шартты түрде сотталған адамдарға әлеуметтік-құқықтық көмек көрсету тәртібін айқындайды.

2. Қылмыстық-атқару инспекциясының пробация қызметі (бұдан әрі – пробация қызметі) шартты түрде сотталған адамдарға олардың әлеуметтік-құқықтық көмек алуына жәрдем көрсетеді.

Жеке әзірленген бағдарламаға сәйкес шартты түрде сотталған адамдарға әлеуметтік-құқықтық көмек көрсетуді жүзеге асыру кезінде пробация қызметіне жергілікті атқарушы органдар, үкіметтік емес ұйымдар және басқа да ұйымдар жәрдем көрсетеді.

3. Жергілікті атқарушы органдар аумақтарды дамыту бағдарламаларын және/немесе стратегиялық жоспарларды әзірлеу кезінде пробация қызметінің есебінде тұрған сотталған адамдарға әлеуметтік-құқықтық көмек көрсету бойынша іс-шаралар кешенін көздейді.

2. Шартты түрде сотталған адамдарға әлеуметтік-құқықтық көмек белгілеу

4. Пробациялық бақылауда тұрған шартты түрде сотталған адамды есепке қою кезінде пробация қызметі:

1) денсаулық жағдайын анықтай отырып, шартты түрде сотталған адамның жеке басын, оның білім деңгейін және еңбекпен қамтылғандығын, тұрғылықты жерінің бар-жоғын зерделейді, сондай-ақ әлеуметтік-құқықтық көмектің көлемін айқындау үшін қажетті өзге де мәліметтерді анықтайды;

2) әлеуметтік-құқықтық көмек көрсету, оған қатысты пробациялық бақылауды жүзеге асыру және тоқтату тәртібін түсіндіреді, сондай-ақ тіркелу үшін пробация қызметіне келу күнін белгілейді;

3) сот жүктеген міндеттерді орындау, оларды орындамағаны, сондай-ақ пробациялық бақылау тәртібін бұзғаны үшін жауапкершілікке тарту тәртібін түсіндіреді.

5. Шартты түрде сотталған адамның жеке басы мен өмір жағдайын зерделеу нәтижелері бойынша пробация қызметінің қызметкері есепке қойғаннан кейін 3 жұмыс күні ішінде осы Қағидаларға 1-қосымшаға сәйкес нысан бойынша әлеуметтік-құқықтық көмек көрсетудің жеке бағдарламасын жасайды.

6. Әлеуметтік-құқықтық көмек көрсетудің жеке бағдарламасына (бұдан әрі – жеке бағдарлама) шартты түрде сотталған адамға әлеуметтік-құқықтық көмек көрсету қажеттігі туралы ақпарат енгізіледі.

7. Жеке бағдарламаның бір данасы шартты түрде сотталған адамның бақылау ісіне тігіледі, екінші данасы сотталған адамға қол қойылып беріледі.

8. Шартты түрде сотталған адамның қосымша немесе өзге де көмек алуға қажеттілігі туындаған жағдайда, сондай-ақ сот күшейтілген пробациялық бақылау белгілеген кезде жеке бағдарламаға екіжақты келісім бойынша тиісті түзетулер енгізіледі.

9. Шартты түрде сотталған адам айына екі рет, ал күшейтілген пробациялық бақылау кезінде айына төрт рет пробация қызметіне келіп, оның алдында өзінің жүріс-тұрысы, оған сот жүктеген міндеттерді орындауы, сондай-ақ өзі алатын әлеуметтік-құқықтық көмектің барысы туралы есеп береді.

10. Шартты түрде сотталған адам әлеуметтік-құқықтық көмек алудан бас тартқан жағдайда, пробация қызметінің қызметкері осы Қағидаларға 2-қосымшаға сәйкес нысан бойынша тиісті акт жасап, оны бақылау ісіне тігеді.

11. Сотқа сынақ мерзімін ұзартуға, шартты түрде соттаудың күшін жоюға, күшейтілген пробациялық бақылауды белгілеуге жіберілетін материалдарға шартты түрде сотталған адамның әлеуметтік-құқықтық көмек алудан бас тартқаны туралы акт қоса тіркеледі.

12. Сынақ мерзімі өткеннен кейін шартты түрде сотталған адам пробация қызметінің есебінен шығарылады, бұл ретте мемлекеттік органдар мен өзге де ұйымдар көрсететін әлеуметтік-құқықтық көмек жеке бағдарламаға сәйкес жалғасады.

13. Сот шартты түрде сотталған адамға іздестіру жариялаған жағдайда, пробация қызметі тиісті сот қаулысын алғаннан кейін 3 жұмыс күні ішінде жергілікті атқарушы органға және тиісті ұйымға әлеуметтік-құқықтық көмек көрсетуді тоқтата тұру үшін тиісті хабарлама жібереді.

3. Шартты түрде сотталған адамдарға әлеуметтік-құқықтық көмек беру

14. Білім алуда, мамандықты меңгеруде, жұмысқа орналасуда, емделуде, сондай-ақ құқықтық көмекпен қамтамасыз етуде жәрдем көрсету шартты түрде сотталған адамдарға әлеуметтік-құқықтық көмектің негізгі бағыттары болып табылады.

15. Медициналық көмек мемлекеттік денсаулық сақтау мекемелерінде тегін медициналық көмектің кепілдік берілген көлемі шеңберінде көрсетіледі.

Медициналық көмек көрсету үшін пробация қызметі жеке бағдарламаның көшірмесін шартты түрде сотталған адамның тұрғылықты жері бойынша мемлекеттік денсаулық сақтау мекемелеріне жібереді.

16. Пробация қызметі орта білімін аяқтамаған шартты түрде сотталған адамды тұрғылықты жері бойынша оқу орнына жібереді.

17. Құқықтық көмек алу үшін пробация қызметі жеке бағдарламаның көшірмесін жергілікті атқарушы органдарға жібереді.

18. Шартты түрде сотталған адамдарға жұмысқа орналасуда көмек көрсету кезінде жергілікті атқарушы органдар мынадай іс-шараларды:

1) үдемелі индустриялық-инновациялық даму бағдарламасы бойынша іске асырылатын инвестициялық жобалар шеңберінде жұмыс орындарын ұсынуды;

2) бәсекеге қабілетті кәсібі жоқ шартты түрде сотталған адамдарды ақы төленетін маусымдық ауыл шаруашылығы жұмыстарына тартуды;

3) шартты түрде сотталған адамдарды жұмыс орындарының квотасы бойынша жұмысқа орналастыруды жүзеге асырады.

19. Шартты түрде сотталған адамның өзге көмек алу қажеттілігі туындаған жағдайда пробация қызметі жеке бағдарламаның көшірмесін шартты түрде сотталған адамның тұрғылықты жері бойынша тиісті ұйымдарға жібереді.

20. Жергілікті атқарушы органдарға, денсаулық сақтау, білім беру және басқа да мемлекеттік органдарға, сондай-ақ мемлекеттік емес ұйымдарға жеке бағдарламаның көшірмелерін жіберуді пробация қызметі жеке бағдарлама жасалғаннан кейін 3 жұмыс күні ішінде жүзеге асырады.

21. Жергілікті атқарушы органдар, мемлекеттік органдар, сондай-ақ мемлекеттік емес ұйымдар жеке бағдарламаның көшірмесін алғаннан кейін берілетін көмек туралы немесе оны көрсетудің мүмкін еместігі туралы пробация қызметін хабардар етеді.

22. Шартты түрде сотталған адамдар, заңнамада белгіленген тәртіппен пробация қызметі қызметкерлерінің, әлеуметтік-құқықтық көмек көрсететін жергілікті атқарушы органдар қызметкерлерінің, сондай-ақ басқа да мемлекеттік және мемлекеттік емес ұйымдар қызметкерлерінің заңсыз әрекеттеріне шағымдана алады.

Шартты түрде сотталған адамдарға әлеуметтік-құқықтық көмек көрсету қағидаларына 1-қосымша

Нысан

_____________________________________________________________________

(инспекцияның атауы)

Әлеуметтік-құқықтық көмек көрсетудің жеке бағдарламасы

Мен, _________________________________________ қылмыстық-атқару

(инспекцияның атауы)

инспекциясы пробация бөлімшесінің (тобының) бастығы (аға инспекторы, инспекторы) _________________________________________________________

(қызметкердің тегі, аты-жөні)

шартты түрде сотталған адамның денсаулық жағдайы, білім деңгейі және жұмыспен қамтылуы, тұратын жерінің бар-жоғы, сондай-ақ басқа да мәліметтердің нәтижелері бойынша

_____________________________________________________________________

(тегі, аты-жөні)

әлеуметтік-құқықтық көмек көрсетудің жеке бағдарламасын жасадым.

_____________________________________________________________ тұратын

(мекенжайы)

_____________________________________________________________________

(тегі, аты-жөні)

мынадай әлеуметтік-құқықтық көмек көрсетуге мұқтаж:

1. Медициналық көмек (қажет болған жағдайда):

тегін медициналық көмектің кепілдік берілген көлемі шеңберінде.

2. Құқықтық көмек (қажет болған жағдайда):

жергілікті атқарушы органдардың құзыреті шегінде сотталған

адамдардың проблемаларын шешу үшін мемлекеттік мекемелер мен қоғамдық

бірлестіктердің қызметін үйлестіруді қамтамасыз ету.

3. Білім алуда көмек беру (қажет болған жағдайда).

4. Кәсіпті игеруде және жұмысқа орналасуда (қажет болған жағдайда).

5. Өзге де көмек алуда (қажет болған жағдайда).

Әлеуметтік-құқықтық көмек көрсетудің жеке бағдарламасын _______

_____________________________________________________________________

(инспекцияның атауы)

қылмыстық-атқару инспекциясының пробация қызметі бөлімшесінің (тобының) бастығы (аға инспекторы, инспекторы) жасады.

__________________ ___________ ________________________________

(атағы) (қолы) (тегі, аты-жөні)

20___ жылғы «___» ______________

М.О.

Әлеуметтік-құқықтық көмек көрсетудің жеке бағдарламасымен таныстым және келісемін ________________________________ ____________

(тегі, аты-жөні) (қолы)

20___ жылғы «___» ______________

Шартты түрде сотталған адамдарға әлеуметтік-құқықтық көмек көрсету қағидаларына 2-қосымша

Нысан

___________________________________________________________________

(инспекцияның атауы)

Шартты түрде сотталған адамның әлеуметтік-құқықтық көмек алудан бас тарту актісі

Мен, __________________________________________________________

(инспекцияның атауы)

қылмыстық-атқару инспекциясы пробация бөлімшесінің (тобының) бастығы (аға инспекторы, инспекторы) ________________________________________

(бастықты алмастыратын тұлға)

_____________________________________________________________________

(тегі, аты-жөні)

_____________________________________________ осы әлеуметтік-құқықтық

(тегі, аты-жөні)

көмекті алудан бас тарту актісін жасадым.

____________________________________________________________________

(бас тарту себебі көрсетіледі)

____________________________________________________________________

__________________________________________ әлеуметтік-құқықтық көмек

(тегі, аты-жөні)

алудан бас тартты.

Осы актіні жасау кезінде пробация қызметінің қызметкерлері

тарапынан маған психологиялық немесе қандай да бір басқа да қысым

көрсетілген жоқ

_________ _________________________________ 20 жылғы «___» __________

(қолы) (сотталған адамның аты-жөні, тегі)

Қылмыстық-атқару инспекциясының пробация бөлімшесінің

(тобының) бастығы (аға инспекторы, инспекторы)

__________________ _____________ _________________________________

(атағы) (қолы) (тегі, аты-жөні)

20__ жылғы «___» ______________

М.О.