1. Осы қаулыға қосымшаға сәйкес құрамда Транзитті дамыту мәселелері жөніндегі комиссия (бұдан әрі - Комиссия) құрылсын.
Отправить по почте
Транзитті дамыту мәселелері жөнінде комиссия құру туралы Қазақстан Республикасы Үкіметінің 2008 жылғы 13 маусымдағы N 583 Қаулысы
Күші жойылды ҚР Үкіметінің 30.05.2011 № 599 Қаулысымен. (17.11.2009 жылғы редакцияны қараңыз)
Редакция 17.11.2009 жылы берілген өзгерістер мен толықтырулармен
Транзиттік-көлік әлеуетін дамыту жөнінде ұсыныстар әзірлеу мақсатында Қазақстан Республикасының Үкіметі ҚАУЛЫ ЕТЕДІ:
1. Осы қаулыға қосымшаға сәйкес құрамда Транзитті дамыту мәселелері жөніндегі комиссия (бұдан әрі - Комиссия) құрылсын.
2. Қоса беріліп отырған Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы Үкіметінің 2008 жылғы 13 маусымдағы N 583 қаулысына қосымша
Транзитті дамыту мәселелері жөніндегі комиссияның құрамы
Құрам жаңа редакцияда ҚР Үкіметінің 17.11.2009 № 1866 Қаулысымен. (13.06.2008 жылғы редакцияны қараңыз)
Ахметов - Қазақстан Республикасы
Серік Нығметұлы Премьер-Министрінің орынбасары, төраға
Құсайынов - Қазақстан Республикасының
Әбілғазы Қалиақпарұлы Көлік және коммуникация министрі төрағаның орынбасары
Рахымбекова - Қазақстан Республикасы Көлік
Салтанат Темірқұлқызы және коммуникация министрлігі
Халықаралық ынтымақтастық және транзиттік саясат департаментінің директоры, хатшы
Бекетаев - Қазақстан Республикасының
Марат Бақытжанұлы Әділет вице-министрі
Бектұров - Қазақстан Республикасының Көлік
Азат Ғаббасұлы және коммуникация вице-министрі
Жигалов - Қазақстан Республикасы Сыртқы
Константин Васильевич істер министрінің орынбасары
Есқалиев - Қазақстан Республикасының Индустрия
Ерхат Серікұлы және сауда вице-министрі
Құсайынов - Қазақстан Республикасының Экономика
Марат Әпсеметұлы және бюджеттік жоспарлау вице-министрі
Қырғызбаев - Қазақстан Республикасы Ұлттық
Болат Исатайұлы қауіпсіздік комитеті төрағасының орынбасары - Қазақстан Республикасы
Ұлттық қауіпсіздік комитеті Шекара қызметінің директоры (келісім бойынша)
Барменқұлов - Қазақстан Республикасы Көлік және Әділет Назарбайұлы коммуникация министрлігі Көліктік бақылау комитетінің төрағасы
Оспанов - Қазақстан Республикасы Денсаулық
Кеңес Сәрсенғалиұлы сақтау министрлігі Мемлекеттік санитарлық-эпидемиологиялық қадағалау комитетінің төрағасы - Қазақстан Республикасы Бас мемлекеттік санитарлық дәрігері
Тыныбеков - Қазақстан Республикасы Ішкі істер
Қайрат Сағатханұлы министрлігі Жол полициясы комитетінің төрағасы
Уандықов - Қазақстан Республикасы Көлік және Берік Құсманұлы коммуникация министрлігі Көлік және қатынас жолдары комитетінің төрағасы
Әбдірахманов - Қазақстан Республикасы Ауыл шаруашылығы
Мұхтар Айдарханұлы министрлігі Агроөнеркәсіптік кешендегі мемлекеттік инспекция комитеті төрағасының орынбасары
Қыпшақов - Қазақстан Республикасы Қаржы
Арғын Мықтыбайұлы министрлігі Салық комитеті төрағасының орынбасары
Сұлтанов - Қазақстан Республикасы Ауыл шаруашылығы
Ахметжан Әкиұлы министрлігі Агроөнеркәсіптік кешендегі мемлекеттік инспекция комитеті төрағасының орынбасары
Тен - Қазақстан Республикасы Қаржы
Игорь Викторович министрлігі Кедендік бақылау комитеті төрағасының орынбасары
Сүтемгенов - Қазақстан Республикасы Көлік және Олжас Болатұлы коммуникация министрлігі Стратегиялық жоспарлау және көлік-коммуникация кешенін дамыту департаментінің директоры
Оразбеков - "Самұрық-Қазына" ұлттық әл-ауқат қоры"
Марат Жаңабергенұлы акционерлік қоғамының көлік активтерін басқару жөніндегі директоры (келісім бойынша)
Қизатов - "Қазақстан темір жолы" ұлттық
Ермек Әнуарбекұлы компаниясы" акционерлік қоғамының вице-президенті (келісім бойынша)
Бекмағамбетов - "Көлік және коммуникация ғылыми-зерттеу
Мұрат Махметұлы институты" жауапкершілігі шектеулі серіктестігінің президенті (келісім бойынша)
Есенғарин - Қазақстан Республикасы Ұлттық
Нығметжан Қабатайұлы экспедиторлар қауымдастығының президенті (келісім бойынша)
Каплан - Қазақстан Республикасы Халықаралық
Теодор Лазаревич автомобиль тасымалдаушылары одағының бас хатшысы (келісім бойынша)
Өтепбаев - "Атамекен" Одағы" Қазақстан ұлттық
Болат Орынбекұлы экономикалық палатасы" заңды тұлғалар бірлестігі төрағасының орынбасары (келісім бойынша)
Сұлтанбекова - "Investment Group ACME Co. LTD"
Жанар Талапбекқызы жауапкершілігі шектеулі серіктестігінің бас директоры (келісім бойынша)
Тайлыбаев - "Аманат инвест групп" компаниялар
Сакен Жарқынбекұлы тобының президенті (келісім бойынша)
Макалкин - "Қайталама металлургия
Валентин Иванович өнеркәсіпшілерінің республикалық одағы" қауымдастығы төрағасының орынбасары (келісім бойынша)
Смирнова - Қазақстан тасымалдаушылары мен вагондар
Лариса Иосифовна операторларының қауымдастығы атқарушы директорының орынбасары (келісім бойынша)
Қазақстан Республикасы Үкіметінің 2008 жылғы 13 маусымдағы N 583 қаулысымен бекітілген
Транзитті дамыту мәселелері жөніндегі комиссия туралы ереже
1. Жалпы ережелер
1. Транзитті дамыту мәселелері жөніндегі комиссия (бұдан әрі - Комиссия) Қазақстан Республикасының транзит-көлік әлеуетін одан әрі дамыту және тиімді пайдалану жөнінде ұсыныстар әзірлеу мақсатында құрылды және консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясы мен заңдарын, Қазақстан Республикасы Президенті мен Үкіметінің актілерін және өзге де нормативтік құқықтық актілерді, Қазақстан Республикасының халықаралық шарттарын, сондай-ақ осы Ережені басшылыққа алады.
2. Комиссияның міндеттері мен функциялары
3. Комиссияның негізгі міндеттері мен функциялары:
1) Қазақстан Республикасының транзит-көлік әлеуетін одан әрі дамыту және тиімді пайдалану;
2) мемлекеттік органдардың, бизнестің және халықаралық көлік дәліздерін дамыту мен халықаралық транзит процесі жолындағы кедергілерді жою жөніндегі үкіметтік емес ұйымдардың қызметін үйлестіру;
3) шекарадан өту кезінде туындайтын кедергілерді жоюға бағытталған (тарифтік саясат, салық салу, сақтандыру, лицензиялау, сертификаттау, стандарттау) Қазақстан Республикасының транзит саласындағы заңнамасын жетілдіру;
4) қолданыстағы екі жақты үкіметаралық келісімдердің орнына транзиттік тасымалдарды реттейтін көп жақты келісімдерге қосылу;
5) мультимодальдық тасымалдар мен көлік-логистикалық қызметтерді одан әрі дамыту жөнінде ұсыныстар әзірлеу болып табылады.
3. Комиссияның құқықтары
4. Комиссия белгіленген тәртіппен және оның құзыретіне кіретін мәселелер бойынша мынадай құқықтарға ие:
1) Қазақстан Республикасының Үкіметіне транзиттік тасымалдарды тиімді дамыту және шекарадан өту кезіндегі кедергілерді жою, Комиссияның құзыреті шегінде Қазақстан Республикасының заңнамасын жетілдіру, транзитті дамытуға ықпал ететін көлік саласындағы басым жобаларды айқындау жөнінде ұсыныстар енгізуге;
2) сараптамалар мен консультациялар жүргізу үшін мемлекеттік органдар мен ұйымдардан тиісті бейіндегі мамандарды тартуға, сондай-ақ қажет болған жағдайда жұмыс топтарын ұйымдастыруға;
3) заңнамада белгіленген тәртіппен мемлекеттік органдар мен ұйымдардан Комиссияның құзыретіне кіретін мәселелер бойынша ақпарат сұратуға және алуға;
4) салалық қауымдастықтардың, мүдделі көлік ұйымдары мен инвесторлардың транзитті дамыту мәселелері бойынша ұсыныстары мен пікірлерін тыңдауға;
5) Комиссияға жүктелген міндеттерді жүзеге асыру үшін қажетті өзге де құқықтарға.
4. Комиссияның қызметін ұйымдастыру
5. Комиссияның төрағасы оның қызметіне басшылық етеді, отырыстарда төрағалық етеді, жұмысын жоспарлайды және шешімдердің іске асырылуына жалпы бақылауды жүзеге асырады және Комиссия жүзеге асыратын қызмет пен Комиссия шығарған шешімдерге қолданыстағы заңнамаға сәйкес дербес жауап береді. Төраға болмаған кезде оның функцияларын Комиссия төрағасының орынбасары атқарады.
6. Комиссияның жұмыс органының функциялары Қазақстан Республикасы Көлік және коммуникация министрлігіне жүктеледі.
7. Комиссияның жұмыс органы Комиссияның жұмысын ұйымдық-техникалық қамтамасыз етуді жүзеге асырады.
8. Комиссия отырыстарының күн тәртібі бойынша ұсыныстарды, қажетті құжаттарды, материалдарды дайындауды және отырыстан кейін хаттаманы ресімдеуді Комиссияның хатшысы жүзеге асырады.
9. Хатшы Комиссияның мүшесі болып табылмайды.
10. Комиссияның жұмыс отырыстарының материалдары төрағамен келісілгеннен кейін Комиссияның әрбір мүшесіне кемінде үш жұмыс күнінен бұрын жеткізіледі.
11. Комиссияның отырыстары қажет болған жағдайда, бірақ кемінде жарты жылда бір рет өткізіледі және, егер оған Комиссия мүшелерінің жалпы санының кемінде үштен екісі қатысқан болса, заңды деп саналады.
12. Комиссияның шешімдері Комиссия мүшелерінің жалпы санының қарапайым көпшілік дауысымен қабылданады. Комиссия мүшелерінің дауыстары тең болған жағдайда төрағаның дауысы шешуші болып табылады. Комиссия мүшелерінің ерекше пікір білдіруге құқығы бар, ол білдірілген жағдайда жазбаша түрде баяндалуға және хаттамаға қоса берілуге тиіс.
13. Комиссияның шешімі ұсынымдық сипатта болады.
14. Комиссия отырыстарын өткізу нәтижелері бойынша, оның барлық мүшелері міндетті түрде қол қоятын хаттама жасалады.
5. Комиссияның қызметін тоқтату
15. Қазақстан Республикасы Үкіметінің шешімі Комиссияның қызметін тоқтатуға негіз болып табылады.
