Мұнай өнімдерінің айналымы жөніндегі декларациялардың нысандарын, оларды ұсыну және жасау қағидаларын бекіту туралы Қазақстан Республикасы Үкіметінің 2012 жылғы 3 ақпандағы № 197 Қаулысы

«Мұнай өнiмдерiнiң жекелеген түрлерiн өндiрудi және олардың айналымын мемлекеттік реттеу туралы» Қазақстан Республикасының 2011 жылғы 20 шілдедегі Заңының 6-бабы 9) тармақшасына сәйкес Қазақстан Республикасының Үкіметі ҚАУЛЫ ЕТЕДІ: 

1. Қоса беріліп отырған:

1) мұнай өнімдерінің айналымы жөніндегі декларациялардың нысандары;

2) Мұнай өнімдерінің айналымы жөніндегі декларацияларды ұсыну және жасау қағидалары бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі                           К. Мәсімов

1. Осы Мұнай өнімдерінің айналымы жөніндегі декларацияларды ұсыну және жасау қағидалары (бұдан әрі - Декларация) «Мұнай өнiмдерiнiң жекелеген түрлерiн өндiрудi және олардың айналымын мемлекеттік реттеу туралы» Қазақстан Республикасының 2011 жылғы 20 шілдедегі Заңының 6-бабының 9) тармақшасына сәйкес әзірленген және бензиннің, авиациялық және дизель отынының, мазуттың (бұдан әрі - мұнай өнімдері) айналымы жөніндегі декларацияларды ұсыну және жасау тәртібін айқындайды.

2. Мұнай өнімдерін өндіруді жүзеге асыратын жеке және заңды тұлғалар салық салуға байланысты объектілердің орналасқан жері бойынша салық органына осы қаулымен бекітілген «Мұнай өндірушілердің мұнай өнімдері айналымының теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларация табыс етеді.

Сатып алған мұнай өнімдерін сатуды жүзеге асыратын өндірушілер осы қаулымен бекітілген «Мұнай өнімдерін көтерме жеткізушілердің мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларация табыс етеді.

Тек авиациялық отынды және (немесе) мазутты өндіруді жүзеге асыратын жеке және заңды тұлғалар салық органдарында салық төлеуші ретінде тіркеу орны бойынша мұнай өнімдерінің айналымы жөнінде декларация табыс етеді.

3. Заңды тұлғаның құрылымдық бөлімшелерін (филиалдар мен өкілдіктер) қоспағанда, мұнай өнімдері базасынан мұнай өнімдерін көтерме саудада сатуды жүзеге асыратын жеке және заңды тұлғалар салық салуға байланысты объектілердің орналасқан жері бойынша салық органына осы қаулымен бекітілген «Мұнай өнімдерін көтерме жеткізушілердің мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларация табыс етеді.

Бір салық органында тіркелген салық салуға байланысты бірнеше объектілері бар мұнай өнімдері базасынан мұнай өнімдерін көтерме саудада сатуды жүзеге асыратын жеке және заңды тұлғалар барлық объектілері үшін бір декларация табыс етеді.

Мұнай өнімдері базасынан мұнай өнімдерін көтерме сатуды жүзеге асыратын заңды тұлғаның филиалдары мен бөлімшелері осы қаулымен бекітілген «Мұнай өнімдерін көтерме жеткізушілердің құрылымдық бөлімшесінің мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларация табыс етеді.

Тек авиациялық отынды және (немесе) мазутты көтерме сатуды жүзеге асыратын жеке және заңды тұлғалар салық органдарында салық төлеуші ретінде тіркелу орны бойынша мұнай өнімдерінің айналымы жөнінде декларация табыс етеді.

4. Мұнай өнімдерін бөлшек саудада сатуды жүзеге асыратын жеке және заңды тұлғалар салық салуға байланысты объектілердің орналасқан орны бойынша салық органына осы қаулымен бекітілген «Мұнай өнімдерін бөлшек саудада сатушылардың мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларация табыс етеді.

Бір салық органында тіркелген салық салуға байланысты бірнеше объектілері бар мұнай өнімдерін бөлшек саудада өткізуді жүзеге асыратын жеке және заңды тұлғалар барлық объектілері үшін бір декларация табыс етеді.

Тек авиациялық отынды және (немесе) мазутты бөлшек сатуды жүзеге асыратын жеке және заңды тұлғалар салық органдарында салық төлеуші ретінде тіркелу орны бойынша мұнай өнімдерінің айналымы жөнінде декларация табыс етеді.

5. Мұнай өнімдерін өндіруді және (немесе) көтерме саудада сатуды жүзеге асыратын жеке және заңды тұлғалар декларацияларды электрондық түрде табыс етеді.

6. Мұнай өнімдерін бөлшек саудада сату саласында қызметін жүзеге асыратын жеке және заңды тұлғалар декларацияларды электрондық және/немесе қағаз тасығыштарда табыс етеді.

7. Декларациялар табиғи көрсеткіштерде (тоннада) табыс етіледі.

8. Осы Қағидаларға сәйкес табыс етілетін декларацияларға жеке кәсіпкерлер, заңды тұлғаның басшысы, бас бухгалтері қол қояды және мөрмен/электрондық цифрлық қолтаңбамен бекітіледі.

9. Осы қаулымен бекітілген «Мұнай өнімдерін бөлшек саудада өткізушілердің мұнай өнімдері айналымының теңгерімі» мұнай өнімдерінің айналымы жөніндегі декларацияның нысаны бойынша мұнай өнімдерінің айналымы жөнінде декларацияны табыс ету кезінде түзетуге, өшіруге және тазалауға жол берілмейді.

10. Декларациялар уәкілетті органға ай сайын есептіден кейінгі айдың 20 күніне дейін табыс етіледі.

11. Декларацияны табыс ету мерзіміне дейін жеке кәсіпкерден немесе заңды тұлғадан электронды түрде және/немесе қағаз тасығышта осы Қағидаға қосымшаға сәйкес нысан бойынша мұнай өнімдерінің айналымы бойынша декларация табыс ету мерзімін ұзарту туралы өтінішін алған кезде салық органы декларация тапсыру мерзімін 10 күнтізбелік күнге ұзартады.

12. Жеке және заңды тұлғалар бұрын тапсырылған мұнай өнімдерінің айналымы бойынша декларацияларға толықтырулар енгізу және (немесе) қателерді түзету қажет болған жағдайда, бұрын тапсырылған мұнай өнімдерінің айналымы бойынша декларацияларына түзету нысанын тапсырады.

Түзету нысанында салық төлеушінің тіркеу нөмірі, жеке және заңды тұлғаның жеке сәйкестендіру нөмірі (бұдан әрі - ЖСН), бизнес сәйкестендіру нөмірі (бұдан әрі - БСН) (ЖСН/БСН 2012 жылғы 1 қаңтардан бастап міндетті түрде толтырылады), есепті кезең және тек жолдың белгілі бір бағандарының мәнін ұлғайту немесе азайту қажеттілігіне қарай қосу немесе алу мәнімен бағандарына өзгеріс енгізу қажет жолдардың нөмірлері көрсетіледі.

13. Табыс етілген мұнай өнімдерінің айналымы жөніндегі декларациялар жеке және заңды тұлғаларда қағаз тасығышта 5 жыл ішінде сақталады.

14. «СТН» жолында салық төлеушінің тіркеу нөмірі көрсетіледі («Сәйкестендіру нөмiрлерiнiң ұлттық тiзiлiмдерi туралы» Қазақстан Республикасының 2007 жылғы 12 қаңтарындағы Заңының 3-бабы 4-тармағының 4) тармақшасын қолданысқа енгізгенге дейін толтырылады).

15. «ЖСН/БСН» жолында салық төлеушінің жеке сәйкестендіру нөмірі/салық төлеушінің бизнес сәйкестендіру нөмірі көрсетіледі («Сәйкестендіру нөмiрлерiнiң ұлттық тiзiлiмдерi туралы» Қазақстан Республикасының 2007 жылғы 12 қаңтарындағы Заңының 3-бабы 4-тармағының 4) тармақшасын қолданысқа енгізген күннен бастап толтырылады).

16. «Салық төлеушінің атауы» жолында өндірушінің атауы көрсетіледі.

17. «Есепті кезең» жолында декларация тапсырылатын есепті кезең көрсетіледі.

18. «Салық органының коды» жолында салық салуға байланысты объектілер тіркелген салық органының коды көрсетіледі.

19. 1-бағанда нөмір ретімен көрсетіледі.

20. 2-бағанда мұнай өнімінің дербес сәйкестендірілген нөмір-коды (ДСН-коды) көрсетіледі.

21. 3-бағанда есепті кезеңнің басында өндірушідегі мұнай өнімдерінің жалпы қалдығы мөлшері көрсетіледі.

22. 4-бағанда өндірілген мұнай өнімдерінің, оның ішінде алыс-беріс шикізатының мөлшері тоннада көрсетіледі.

23. 5-бағанда алыс-беріс шикізаты кәсіпорындарына тиеп-жөнелтілген мұнай өнімдерінің мөлшері тоннада көрсетіледі.

24. 6-бағанда сатылған (тиеп-жөнелтілген) мұнай өнімдерінің жалпы мөлшері тоннада (6-баған = 7-баған + 8-баған + 9-баған + 10-баған + 11-баған + 12-баған) көрсетіледі.

25. 7-бағанда көтерме сауда кәсіпорындарына сатылған мұнай өнімдерінің мөлшері тоннада көрсетіледі.

26. 8-бағанда өндірушінің құрылымдық бөлімшелеріне өткізілген мұнай өнімдерінің мөлшері тоннада көрсетіледі.

27. 9-бағанда ішкі орын ауыстыру бойынша тиеп жөнелтілген (өз мұнай өнімдерінің базаларына және авто жанармай құю станциясына) мұнай өнімдерінің мөлшері тоннада көрсетіледі.

28. 10-бағанда заңды тұлғалар мен жеке кәсіпкерлерге олардың өндірістік қажеттіліктері (соңғы тұтынушы) үшін өткізілген мұнай өнімдерінің мөлшері тоннада көрсетіледі.

29. 11-бағанда өндірушінің өзінің өндірістік қажеттіліктері үшін пайдаланған мұнай өнімдерінің мөлшері тоннада көрсетіледі.

30. 12-бағанда экспортқа сатылған мұнай өнімдерінің мөлшері тоннада көрсетіледі.