Документ на казахском языке

Қазақстан Республикасы Мемлекеттік қызмет істері агенттігі Төрағасының "Персоналды басқару тиімділігін бағалау әдістемесін бекіту туралы" 2012 жылғы 16 қаңтардағы № 02-01-02/9 бұйрығына өзгерістер мен толықтырулар енгізу туралы Қазақстан Республикасы Мемлекеттік қызмет істері агенттігі Төрағасының 2012 жылғы 29 желтоқсандағы № 02-01-02/191 Бұйрығы. Қазақстан Республикасының Әділет министрлігінде 2013 жылы 14 қаңтарда № 8263 тіркелді

БҰЙЫРАМЫН:

1. Қазақстан Республикасы Мемлекеттік қызмет істері агенттігі (бұдан әрі – Агенттік) Төрағасының «Персоналды басқару тиімділігін бағалау әдістемесін бекіту туралы» 2012 жылғы 16 қаңтардағы № 02-01-02/9 бұйрығына (Нормативтік құқықтық актілерді мемлекеттік тіркеу тізілімінде № 7384 болып тіркелген, 2012 жылғы 3 шілдедегі № 209-210 (27028-27029) «Казахстанская правда» газетінде жарияланған) келесі өзгерістер енгізілсін:

аталған бұйрығымен бекітілген, Персоналды басқару тиімділігін бағалау әдістемесіне (бұдан әрі – Әдістеме):

5-тармақ алынып тасталсын;

8-тармақ мынадай редакцияда жазылсын:

«8. Персоналды басқару тиімділігін бағалау нәтижелері туралы қорытынды Әдістемеге 1-қосымшаға сәйкес нысан бойынша әзірленеді.

Орталық мемлекеттік және облыстардың, республикалық маңызы бар қалалардың, астананың жергілікті атқарушы органдарда персоналды басқару тиімділігін бағалау нәтижелері туралы қорытындылар мемлекеттік жоспарлау жөніндегі уәкілетті органға және бағаланушы мемлекеттік органдарға ұсынылады.

Президент Әкімшілігі дайындаған Агенттікте персоналды басқару тиімділігін бағалау нәтижелері туралы қорытынды мемлекеттік жоспарлау жөніндегі уәкілетті органға ұсынылады.»;

9-тармақ мынадай редакцияда жазылсын:

«9. Персоналды басқару тиімділігін бағалау Агенттікке осы Әдістеменің 1 -17 тармақтарына сәйкес мемлекеттік органдар жолдаған ақпаратты талдау, мемлекеттік қызметшілердің арасында сауалнама жүргізу арқылы жүргізіледі.»;

16-тармақ мынадай редакцияда жазылсын:

«16. Баға мына формуламен есептеледі:

К1 = Р1 + Р2 + Р3 + Р4

К1 – осы өлшем бойынша мемлекеттік органның бағасы;

Р1 – «кадр резервінен мемлекеттік органдардың өздері ұсынған үміткерлерді, сондай-ақ басым мамандықтар бойынша оқуды аяқтау бойынша кадр резервіне қосылған үміткерлерді іріктеу» көрсеткіші;

Р2 – «үміткерлерді конкурстық негізде іріктеу» көрсеткіші;

Р3 – «кандидатураларды кадр резервінен іріктеу» көрсеткіші;

Р4 – «ауысу тәртібімен тағайындау» көрсеткіші».

Осы өлшем бойынша ең жоғарғы мәні 12 балл болып саналады.»;

20-тармақ мынадай редакцияда жазылсын:

«20. «ауысу тәртібімен тағайындау» көрсеткіші бойынша баға мына формуламен есептеледі:

a – ауысу тәртібімен тағайындалған мемлекеттік қызметшілер саны (оның ішінде мемлекеттік органда төменгі және тең лауазымдарына тағайындалғандар);

b – есеп беру кезеңінде қабылданған адамдардың жалпы саны;

k – алынған нәтижені өлшемді мәнге келтіруге арналған коэффициент (2-ге тең);

2 – бағалау қатаңдығы көрсеткіші.

Егер алынған нәтиже минус белгісімен болса, мемлекеттік органға сол көрсеткіш бойынша 0 мәні қойылады.

Осы көрсеткіш бойынша ең жоғарғы мәні 2 балл болып саналады.

Есеп беру кезеңінде қабылданған адамдардың жалпы санына «орталық-өңір», «өңір-орталық», «өңір-өңір» бағыттары бойынша ауысу тәртібімен қабылданған, сондай-ақ мемлекеттік органның өз ішінде ауысу тәртібімен жоғары лауазымға тағайындалған адамдар қосылмайды.»;

21-тармақ мынадай редакцияда жазылсын:

«Осы өлшем бойынша бағалау орталық мемлекеттік органдар осы Әдістемеге 4, 5, 7, 9, 12-қосымшаларға сәйкес нысан бойынша ұсынатын ақпарат негізінде жүргізіледі.»;

23-тармақ мынадай редакцияда жазылсын:

«23. Баға мына формуламен есептеледі:

К2 = Р1 + Р2 + Р3 + Р4 + Р5

К2 – осы өлшем бойынша мемлекеттік органның бағасы;

Р1 – «кадрлардың ауысушылығы деңгейі» көрсеткіші;

Р2 – «мемлекеттік органның штатының жасақталуы» көрсеткіші;

Р3 – «мемлекеттік органның қызметкерлерін жоғарылату» көрсеткіші;

Р4 – «қызметкердің мемлекеттік қызметтегі, оның ішінде осы мемлекеттік органдағы орташа еңбек өтілі» көрсеткіші;

Р5 – «білімі бойынша біліктілік талаптары өзгертілген штаттық лауазымдар» көрсеткіші.

Осы өлшем бойынша ең жоғарғы мәні 33 балл болып саналады.»;

24-тармақ мынадай редакцияда жазылсын:

«24. «Кадрлардың ауысушылығы деңгейі» көрсеткіші бойынша баға мына формуламен есептеледі:

k – алынған нәтижелерді өлшем мәніне келтіруге арналған коэффициент (14-ке тең);

a – есепті кезеңде жұмыстан шығарылған мемлекеттік қызметшілердің саны;

b – мемлекеттік лауазымдар саны;

5 – қатаңдық көрсеткіші.

Егер алынған нәтиже минус белгісімен болса, мемлекеттік органға сол көрсеткіш бойынша 0 мәні қойылады.