Қазақстан Республикасында биржалық қызметтi дамыту жөнiндегi шаралар туралы Қазақстан Республикасы Үкіметінің қаулысы 2000 жылғы 12 тамыз N 1253

       қаулысын қарау қажет. 

Қазақстан Республикасы Президентiнiң "Тауар биржалары туралы" 1995 жылғы 7 сәуiрдегi заң күшi бар    Жарлығының 3-бабына сәйкес және Қазақстан Республикасында биржалық қызметтi одан әрi дамыту мақсатында Қазақстан Республикасының Үкiметi қаулы етеді: 

1. 1-қосымшаға сәйкес Ашық тауар биржалары арқылы ғана сатуға жататын биржалық тауарлардың тiзбесi мен ұсынылатын партиялардың ең аз мөлшерi бекiтiлсiн. 

2. Қазақстан Республикасының кеден органдары Қазақстан Республикасының тауар биржалары туралы заңнамасына сәйкес, оларды жасасу мен тауар биржаларында тiркеу нысанасына, осы қаулының 1-қосымшасында аталған тауарларды сатып алу және сату бойынша мәмiлелердiң (келiсiм-шарттардың, келiсiмдердiң) тұрақты мониторингiн жүргiзсiн және ай сайын Қазақстан Республикасының Мемлекеттiк сатып алу жөнiндегi агенттiгiне мониторингтiң нәтижелерi туралы мәлiметтер ұсынсын. 

3. Қазақстан Республикасының Мемлекеттiк сатып алу жөнiндегi агенттiгi шаруашылық жүргiзу субъектiлерiнiң осы қаулының 1-қосымшасында аталған тауарларды тауар биржаларынан басқа жерде сатуы фактiлерi анықталған жағдайда, Қазақстан Республикасының заңнамасында белгiленген тәртiппен тиiстi шаралар қолдансын. 

4. Тауар биржаларына тауарлардың (жұмыстардың, қызмет көрсетулердiң) нарықтық бағасын анықтау және тану кезiнде салық салу мақсатында ай сайын Қазақстан Республикасының салық органдарына биржалық бағалар белгiлеу жөнiнде мәлiметтер беру ұсынылсын. 

5. Қазақстан Республикасының Мемлекеттiк сатып алу жөнiндегi агенттiгi 2000 жылдың 1 желтоқсанына дейiн белгiленген тәртiппен Қазақстан Республикасының биржалық қызметтi дамытуға бағытталған заңнамасына өзгерiстер мен толықтырулар енгiзу жөнiнде ұсыныстар енгiзсiн. 

6. 2-қосымшаға сәйкес Қазақстан Республикасы Yкiметiнiң кейбiр шешiмдерiнiң күшi жойылды деп танылсын.

7. Осы қаулының орындалуын бақылау Қазақстан Республикасы Премьер-Министрiнiң орынбасары Е.Ә. Өтембаевқа жүктелсiн.

8. Осы қаулы 2000 жылдың 1 қыркүйегiнен бастап қолдануға енгiзiледi және жариялауға жатады.

Қазақстан Республикасының 

  Премьер-Министрі

                                Қазақстан Республикасы Үкіметінің 

                                      2000 жылғы 12 тамыздағы 

                                          N 1253 қаулысына 

                                             1-қосымша

            Биржалық тауарлардың тізбесі мен  

           ұсынылатын партиялардың ең аз мөлшері

             1. Астық, ауыл шаруашылығы өнімі,  

                  оларды қайта өңдеу өнімдері 

--------------------------------------------------------------------------- 

Тауардың атауы                      ! ТМД СЭҚ ТН ! Партияның ең аз   

                                    !    коды    !     мөлшері 

--------------------------------------------------------------------------- 

             1                      !      2     !         3 

--------------------------------------------------------------------------- 

Тiрi мал: 

Жылқылар                                      0101-ден          10 бас 

Тiрi мүйiздi iрi қара мал                     0102              10 бас 

Тiрi шошқалар                                 0103              50 бас 

Тiрi қойлар мен ешкiлер                       0104              50 бас 

--------------------------------------------------------------------------- 

Дәндi дақылдар: 

Бидай және меслин: 

- қатты бидай                                 1001 10 000       60 тонна 

- жұмсақ бидай және тұқымдық меслин           1001 90 910       60 тонна 

Қара бидай                                    1002 00 000       60 тонна 

Арпа                                          1003 00           60 тонна 

Сұлы                                          1004 00 000       60 тонна 

Жүгерi                                        1005              60 тонна 

Күріш                                         1006              60 тонна 

Дәндi сорго                                   1007 00           60 тонна 

Қарақұмық, тары және субидайықтың тұқымы      1008              60 тонна 

Бидай немесе бидай-қара бидай ұны             1101 00           60 тонна 

Бидай немесе бидай-қара бидай ұнынан 

басқа өзге дәндi дақылдардың ұны              1102              60 тонна 

Жарма, iрi тартылған ұн және дәндi 

дақылдардың түйiршiктерi                      1103              60 тонна 

Басқа тәсiлдермен өңделген дән (мысалы, 

қабығынан аршылған, жаншылған, 

үлпектелген, бөлшектелген, жарма түрiнде 

немесе ұсатылған), бүтiн, жаншылған, 

үлпек түрiндегі немесе түйiлген дән 

ұрықтары:                                     1104              60 тонна 

--------------------------------------------------------------------------- 

Мақта линтi                                   1404 20 000       1 тонна 

--------------------------------------------------------------------------- 

Былғары шикiзаты: 

Мүйiздi iрi қара малдың немесе жылқы 

тұқымдас жануарлардың түктi немесе 

түксiз, қиынды немесе қиынды емес терiсi 

 (буланған немесе тұздалған, кептiрiлген, 

күлделген, пикеленген немесе басқа 

тәсiлмен консервiленген, бiрақ иленбеген, 

жарғақ қылып өңделмеген немесе одан әрi 

өңделмеген)                                   4101              50 дана

Тәуелсiз Мемлекеттер Достастығы сыртқы 

экономикалық қызметiнiң бiрыңғай тауар 

номенклатурасы туралы келiсiмге сәйкес, 

осы топқа 1 в ескертпемен алынып 

тасталғандардан басқа жүндi немесе 

жүнсiз, қиынды немесе қиынды емес, 

қойдың немесе қозының терiсi (буланған 

немесе тұздалған, кептiрiлген, күлделген, 

пикеленген немесе басқа тәсiлмен 

консервiленген, бiрақ иленбеген, жарғақ 

қылып өңделмеген немесе одан әрi 

өңделмеген)                                   4102              500 дана

Тәуелсiз Мемлекеттер Достастығы сыртқы 

экономикалық қызметiнiң бiрыңғай тауар 

номенклатурасы туралы келiсiмге сәйкес, 

осы топқа 1б немесе 1в ескертпелермен 

алынып тасталғандардан басқа, түктi 

немесе түксiз, қиынды немесе қиынды 

емес, өзге де өңделмеген терi мен былғары 

 (былғары шикiзаты), (буланған немесе 

тұздалған, кептiрiлген, күлделген, 

пикеленген немесе басқа тәсiлмен 

консервiленген, бiрақ иленбеген, жарғақ 

қылып өңделмеген немесе одан әрi 

өңделмеген)                                   4103              500 дана

Мүйiздi iрi қара малдың немесе жылқы 

тұқымдас жануарлардың 4108 немесе 4109 

позициясы былғарысынан басқа, түксiз 

терiсiнен былғары                             4104          5 000 шаршы дм.

Қойдың немесе қозының, 4108 немесе 4109 

тауар позициясы былғарысынан басқа, 

жүнсiз терiсiнен былғары                      4105          4 000 шаршы дм.

Ешкiнiң немесе лақтың, 4108 немесе 4109 

тауар позициясы былғарысынан басқа, 

түксiз терiсiнен былғары                      4106          4 000 шаршы дм.

Шошқаның, 4108 немесе 4109 тауар 

позициясы былғарысынан басқа, түксiз 

терiсiнен былғары                             4107          1 000 шаршы дм.

4101, 4102 немесе 4103 тауар 

позицияларының былғары шикiзаты мен 

терiсiнен басқа, аң терiсi-мех шикiзаты 

 (бас, құйрық, аяқ терiлерi мен мех 

бұйымдарын жасауға жарамды өзге де 

бөлiктерiн немесе кесiндiлерiн қоса 

алғанда):                                     4301-ден 

- астрахандық, құйрықты, қаракөл, парсы 

және оларға ұқсас тұқымдардың 

қозылары, сондай-ақ үндi, қытай, 

монғол немесе тибет тұқымдарының, 

бүтiн басымен, құйрығымен немесе              4301 30 000        100 дана 

аяқтарымен немесе оларсыз                     5101               1 тонна

Кардомен немесе тарақпен таралмаған жүн 

Жануарлардың кардомен немесе тарақпен         5102               20 кг 

таралмаған биязы немесе қылшық жүнi 

--------------------------------------------------------------------------- 

Мақта талшығы, таралмаған                     5201 00            5 тонна 

--------------------------------------------------------------------------- 

Мақтаның қалдығы (иiру қалдықтарын 

және түтiлген талшықтарды қоса алғанда):      5202-ден           1 тонна 

- түтiлген талшықтар                          5202 91 000        1 тонна 

--------------------------------------------------------------------------- 

Таралған немесе тарақпен таралған мақта 

талшығы                                       5203 00 000        5 тонна 

---------------------------------------------------------------------------

          2. ӨНДIРIСТIК-ТЕХНИКАЛЫҚ МАҚСАТТАҒЫ ӨНІМДЕР 

--------------------------------------------------------------------------- 

Тауардың атауы                      ! ТМД СЭҚ ТН ! Партияның ең аз   

                                    !    коды    !     мөлшері 

--------------------------------------------------------------------------- 

             1                      !      2     !         3 

--------------------------------------------------------------------------- 

Тас көмiр; брикеттер, шайындылар және тас 

көмiрден алынған қатты отынның осындай 

түрлерi:                                      2701-ден 

- тозаңды немесе тозаңсыз, бiрақ 

агломерлендiрiлген тас көмiр: 

- антрацит                                    2701 11           60 тонна 

- битуминозды көмiр                           2701 12           60 тонна 

брикеттер, шайындылар және тас көмiрден 

алынған қатты отынның осындай түрлерi         2701 20 000       60 тонна

Агломерлендiрiлген немесе 

агломерлендiрiлмеген лигнит (қоңыр көмiр) 

гагаттан басқа                                2702              60 тонна

Шикiлерiн қоспағанда, битуминозды 

минералдардан алынған мұнай өнiмдерi; 

басқа жерде аты аталмаған, құрамы 70 мас. 

% немесе одан астам мұнай немесе 

битуминозды минералдардан алынған 

мұнай өнiмдерi, әрi бұл өнiмдер негiзгi 

құрамдастары болып табылады:                  2710 00 

- жеңiл дистилляттар: 

авиациялық бензиндi қоспағанда қорғасыны 

0,013 г/л артық емес моторлық бензиндi: 

- октандық саны 95-тен төмен                  2710 00 270        5 тонна 

- октандық саны 95 немесе одан артық, 

бiрақ 98-ден артық емес                       2710 00 290        5 тонна 

- авиациялық бензиндi қоспағанда, 

октандық саны 98 және одан артық 

құрамында қорғасын 0,013 г/л артық 

моторлық бензиндi                             2710 00 320        5 тонна 

- октандық саны 98-ден төмен                  2710 00 340        5 тонна 

- октандық саны 98 немесе одан артық 

ауыр дистилляттар:                            2710 00 360        5 тонна 

- өңдеудiң ерекше процестерiне арналған 

газойлдарды (дизельдiк отын)                  2710 00 610        5 тонна 

- 271000610 кiшi позицияда 

көрсетiлгендерден басқа процестерде 

химиялық айналуларға арналған 

газойлдарды (дизельдiк отын)                  2710 00 650        5 тонна 

- басқа да мақсаттарға арналған 

газойлдарды (дизельдiк отын)                  2710 00 690        5 тонна 

- өңдеудiң ерекше процестерiне арналған 

сұйық отындарды (мазут)                       2710 00 710        5 тонна 

- 271000710 кiшi позицияда 

көрсетiлгендерден басқа процестерде 

химиялық айналуларға арналған сұйық 

отындарды (мазут)                             2710 00 720        5 тонна 

- құрамында күкiртi бар: 

- 1 мас. %-дан артық еместен 2,8 мас.         2710 00 740- 

%-дан артық емеске дейiнгi, басқа да          2710 00 770        5 тонна 

мақсаттарға арналған 

- 2,8 мас. %-дан астам басқа да 

мақсаттарға арналған сұйық отындар 

 (мазут)                                       2710 00 780        5 тонна 

- жағар майлар; басқа да майлар: 

- моторлық майлар, компрессорлық жағар 

май, турбиналық жағар май                     2710 00 870        1 тонна 

- гидравликалық мақсаттарға арналған 

сұйықтар                                      2710 00 880        1 тонна 

- шестерняларға арналған май және 

редукторларға арналған май                    2710 00 920        1 тонна 

- металдарды өңдеуге арналған құрамдар, 

нысандарды майлауға арналған майлар, 

коррозияға қарсы майлар                       2710 00 940        1 тонна 

- электр оқшаулаушы майлар                    2710 00 960        1 тонна 

--------------------------------------------------------------------------- 

Қара металдардың қалдықтары мен 

сынықтары; қайта құю үшiн қара 

металдардың құймалары (шихталық 

құймалар)                                     7204               10 тонна 

--------------------------------------------------------------------------- 

Мыстың қалдықтары мен сынықтары               7404 00            10 тонна

Алюминийдiң қалдықтары мен сынықтары          7602 00            10 тонна

Қорғасынның қалдықтары мен сынықтары          7802 00 000        10 тонна

Қорғасынның шыбықтары, профильдерi 

және сымдары                                  7803 00 000        10 тонна

Мырыш шыбықтары, профильдерi және 

сымдары                                       7904 00 000        10 тонна

Мырыштың қалдықтары мен сынықтары             7902 00 000        10 тонна 

---------------------------------------------------------------------------

                               Қазақстан Республикасы Үкiметiнiң 

                                      2000 жылғы 12 тамыздағы 

                                          N 1253 қаулысына 

                                              2-қосымша

            ҚАЗАҚСТАН РЕСПУБЛИКАСЫ YКIМЕТIНIҢ 

         КYШI ЖОЙЫЛҒАН КЕЙБIР ШЕШIМДЕРIНIҢ ТIЗБЕСI

1. "Биржалық тауарлардың тiзбесiн бекiту туралы" Қазақстан Республикасы Министрлер Кабинетiнiң 1995 жылғы 28 шiлдедегi N 1035    қаулысы (Қазақстан Республикасының ПYКЖ-ы, 1995 ж., N 26, 302-құжат).  

2. "Қазақстан Республикасы Министрлер Кабинетiнiң 1995 жылғы 28 шiлдедегi N 1035 қаулысына толықтырулар мен өзгертулер енгiзу туралы" Қазақстан Республикасы Yкiметiнiң 1995 жылғы 28 желтоқсандағы N 1876    қаулысы (Қазақстан Республикасының ПYКЖ-ы, 1995 ж., N 41, 511-құжат). 

3. "Қазақстан Республикасы Министрлер Кабинетiнiң 1995 жылғы 28 шiлдедегі N 1035 қаулысына өзгертулер мен толықтырулар енгiзу туралы" Қазақстан Республикасы Yкiметiнiң 1996 жылғы 13 наурыздағы N 304    қаулысы (Қазақстан Республикасының ПYКЖ-ы, 1996 ж., N 12, 90-құжат). 

4. "Қазақстан Республикасы Үкiметiнiң кейбiр шешiмдерiне өзгертулер мен толықтырулар енгiзу туралы" Қазақстан Республикасы Үкiметiнiң 1996 жылғы 12 шiлдедегi N 895    қаулысы (Қазақстан Республикасының ПYКЖ-ы, 1996 ж., N 30, 278-құжат). 

5. "Қазақстан Республикасы Министрлер Кабинетiнiң 1995 жылғы 28 шiлдедегі N 1035, қаулысына өзгертулер енгiзу туралы" Қазақстан Республикасы Yкiметiнiң 1997 жылғы 12 маусымдағы N 956    қаулысы (Қазақстан Республикасының ПYКЖ-ы, 1997 ж., N 25, 230-құжат).