Документ на казахском языке

Шетелдіктердің Қазақстан Республикасына келу және онда болу, сондай-ақ Қазақстан Республикасынан кету тәртіптерін қолдану және шетелдіктердің Қазақстан Республикасының аумағындағы заңсыз көші-қонының алдын алу және жолын кесу жөніндегі ішкі істер органдарының жедел-қызметтік жұмысын ұйымдастыру туралы нұсқаулықты бекіту туралы Қазақстан Республикасының Ішкі істер министрінің 2004 жылғы 9 сәуірдегі N 215, Қазақстан Республикасының Сыртқы істер министрінің 2004 жылғы 14 сәуірдегі N 08-1/93, Қазақстан Республикасының Көші-қон және демография жөніндегі агенттігі төрағасының 2004 жылғы 14 сәуірдегі N 35-П Бірлескен бұйрығы. Қазақстан Республикасы Әділет министрлігінде 2004 жылғы 3 маусымда тіркелді. Тіркеу N 2889

Редакция 25.05.2007 жылы берілген өзгерістер мен толықтырулармен

Шетелдіктердің Қазақстан Республикасына келуін, болуын және одан кетуін бақылау жүйесін әрі қарай жетілдіру мақсатында Бұйырамыз:

1. Қоса беріліп отырған Шетелдіктердің Қазақстан Республикасына келу және онда болу, сондай-ақ Қазақстан Республикасының аумағындағы заңсыз көші-қонының алдын алу және жолын кесу жөніндегі ішкі істер органдарының жедел-қызметтік жұмысын ұйымдастыру тәртібі туралы нұсқаулық бекітілсін.

2. Қазақстан Республикасының Сыртқы істер министрлігі Консулдық қызмет департаментінің директоры, Департаменттер мен дербес басқармалардың, облыстардың, Астана, Алматы қалаларының және көліктегі ішкі істер департаменттерінің бастықтары осы Нұсқаулықты басшылыққа алсын және оның талаптарының мүлтіксіз орындалуын қамтамасыз етсін.

3. "Шетелдік азаматтардың Қазақстан Республикасына келу, онда болу, сондай-ақ олардың Қазақстан Республикасынан кету тәртіптерін қолдану тәртібі туралы нұсқаулықты бекіту туралы" Ішкі істер министрлігінің 2000 жылғы 28 шілдедегі N 422 бұйрығының және Қазақстан Республикасы Сыртқы істер министрлігінің 2000 жылғы 8 тамыздағы N 100 бұйрығының күші жойылды деп есептелсін (Қазақстан Республикасының Әділет министрлігінде 2000 жылғы 18 желтоқсандағы N 1337 болып тіркелген).

4. Осы бұйрықтың орындалуын бақылау Қазақстан Республикасы Ішкі істер министрлігінің Әкімшілік полиция комитетіне және Қазақстан Республикасы Сыртқы істер министрлігінің Консулдық қызмет департаментіне жүктелсін.

5. Осы бұйрық Қазақстан Республикасының Әділет министрлігінде мемлекеттік тіркеуден өткен күнінен бастап күшіне енеді.

Қазақстан Республикасының

Ішкі істер Министрі

Қазақстан Республикасының

Сыртқы істер Министрі

Қазақстан Республикасы

Көші-қон және демография

жөніндегі агенттігінің

төрағасы

КЕЛІСІЛДІ

Қазақстан Республикасы Ұлттық

қауіпсіздік комитетінің төрағасы

генерал-лейтенант

Қазақстан Республикасы Ішкі істер министрінің 2004 жылғы 9 сәуірдегі N 215 Қазақстан Республикасы Сыртқы істер министрінің 2004 жылғы 14 сәуірдегі N 08-1/93 және Қазақстан Республикасы Көші-қон және демография жөніндегі агенттігі төрағасының 2004 жылғы 14 сәуірдегі N 35-П бірлескен бұйрығымен бекітілген "Шетелдіктердің Қазақстан Республикасына келу және онда болу, сондай-ақ олардың Қазақстан Республикасынан кету ережесін қолдану және Қазақстан Республикасының аумағында шетелдіктердің заңсыз көші-қонының алдын алу және жолын кесу жөніндегі ішкі істер органдарының жедел-қызметтік жұмысын ұйымдастыру Нұсқаулығын бекіту туралы"

Шетелдіктердің Қазақстан Республикасына келу және онда болу, сондай-ақ олардың Қазақстан Республикасынан кету ережесін қолдану және Қазақстан Республикасының аумағында шетелдіктердің заңсыз көші-қонының алдын алу және жолын кесу жөніндегі ішкі істер органдарының жедел-қызметтік жұмысын ұйымдастыру туралы Нұсқаулық

1. Жалпы ережелер

1. Осы Нұсқаулық Қазақстан Республикасының Конституциясына, "Халықтың көші-қоны туралы ", "Ұлттық қауіпсіздік туралы ", "Қазақстан Республикасы халқының денсаулығын сақтау туралы " Қазақстан Республикасының Заңдарына, "Шетелдіктердің Қазақстан Республикасындағы құқықтық жағдайы туралы ", "Ішкі істер органдары туралы " Жарлықтарына, Қазақстан Республикасы бекіткен халықаралық шарттарға, "Шетелдіктердің Қазақстан Республикасында жүріп-тұруларын құқықтық реттеудің кейбір мәселелері туралы" Қазақстан Республикасы Үкіметінің 2000 жылғы 28 қаңтардағы N 136 қаулысымен бекітілген Шетелдіктердің Қазақстан Республикасына келу және онда болу, сондай-ақ Қазақстан Республикасынан кету ережелеріне (бұдан әрі - Ережелер) сәйкес әзірленді. Қараныз , , .

2. Қазақстан Республикасындағы шетелдіктер болып Қазақстан Республикасының азаматтары болып табылмайтын және өзінің өзге мемлекеттің азаматтығына тиістілігінің дәлелдері бар адамдар есептеледі.

3. Қазақстан Республикасының азаматтары болып табылмайтын және өзінің өзге мемлекеттің азаматтығына тиістілігінің дәлелдері жоқ адамдар азаматтығы жоқ адамдар болып есептеледі.

4. Егер Қазақстан Республикасының заң актілерінде өзгеше белгіленбесе, нұсқаулық азаматтығы жоқ адамдарға да қолданылады.

5. Шетелдіктер қолданыстағы паспорттары немесе оны ауыстырушы құжаттары бойынша Қазақстан Республикасының соған уәкілетті мемлекеттік органы берген Қазақстан Республикасының визалары бар болғанда мемлекеттік шекарадағы халықаралық және екі жақты қатынастар үшін ашық өткізу пункттері арқылы келеді және Қазақстан Республикасынан кетеді.

Қазақстан Республикасының визаларын беру және ұзарту тәртібі Қазақстан Республикасының жекелеген нормативтік құқықтық актілерімен реттеледі.

6. Келу мен жүріп-тұрудың визасыз тәртібі туралы келісімдер жасасқан мемлекеттердің азаматтары қолданыстағы паспорттары немесе оларды ауыстырушы құжаттары бойынша халықаралық шарттарда белгіленген талаптарды сақтай отырып келеді.

7. Қазақстан Республикасында оралманның, босқынның мәртебесін алу туралы өтінетін шетелдіктердің келуі мен жүріп-тұруы, сондай-ақ Қазақстан Республикасынан кетуі Қазақстан Республикасының жекелеген нормативтік құқықтық актілерімен реттеледі.

8. Қазақстан Республикасына жеке істері бойынша, сондай-ақ іскерлік мақсаттармен, оқуға және турист ретінде келген шетелдіктер Қазақстан Республикасының аумағында жұмысқа орналаса алмайды, Қазақстан Республикасының заңнамасында көзделген жағдайлардан басқа визада көрсетілген келу мақсатына байланысты емес өзге де қызметпен айналыса алмайды.

9. Қазақстан Республикасында уақытша жүріп-тұратын шетелдіктерде осы Нұсқаулықта белгіленген тәртіпте тіркелген паспорттары болуы керек және оларды уәкілетті мемлекеттік органдардың талабы бойынша көрсетулері тиіс.

Қазақстан Республикасының мемлекеттік шекарасынан өткізу пункттерінде Қазақстан Республикасы Ұлттық қауіпсіздік комитетінің Шекара қызметі шетелдіктердің паспорттарына мемлекеттік шекарадан өткендері туралы белгі қояды.

10. Ұлттық паспортын жоғалтқаны туралы шетелдік ішкі істер органдарына дереу хабарлауы тиіс.

11. Шетелдіктердің өз құқықтары мен бостандықтарын пайдалануы Қазақстан Республикасының мүдделеріне, оның азаматтарының және басқа да адамдардың құқықтары мен заңды мүдделеріне зиян келтірмеуі және олардың Қазақстан Республикасының заңнамасында бекітілген міндеттерін орындаудан ажыратылмас болуы тиіс.

12. Егер Қазақстан Республикасы бекіткен халықаралық шартта осы Нұсқаулықта көзделген ережелерден өзгеше қарастырылған болса, онда халықаралық шарттың ережелері қолданылады.

2. Шетелдіктердің Қазақстан Республикасына келуі және Қазақстан Республикасынан кетуі

13. Шетелдіктерді Қазақстан Республикасына іскерлік мақсатта немесе турист ретінде шақыру үшін мемлекеттік емес ұйымдар азаматтардың тұратын және ұйымның орналасқан жеріндегі ішкі істер органдарына мынадай құжаттар ұсынады:

1) белгіленген нысандағы шақыру-хат (1-қосымша) үш данада;

2) мемлекеттік баж салығын төлегені туралы түбіртек.

Жекелеген елдердің азаматтарын іскерлік мақсатта немесе турист ретінде шақыру үшін мемлекеттік емес ұйымдар тікелей Қазақстан Республикасы Сыртқы істер министрлігінің Консулдық қызмет департаментіне және оның әуежайлардағы консулдық пункттерінен басқа Қазақстан Республикасының аумағындағы өкілдіктеріне өтініш жасайды.

14. Шетелдіктерді жеке істер бойынша шақыру үшін жеке тұлғалар мен шақырушы ұйымдар орналасқан жеріндегі ішкі істер органдарына мынадай құжаттар ұсынады:

1) еркін нысандағы өтініш;

2) белгіленген нысандағы арыз-сауалнама (2-қосымша) екі данада;

3) мемлекеттік баж салығын төлегені туралы түбіртек.

15. Шақырылатын адамдардың және шақырушы адамдар мен ұйымдардың Ереже талаптарын сақтау және қамтамасыз етуі қолда бар есептер бойынша тексеріледі.

16. Қазақстан Республикасы азаматтарының, шетелдіктердің шет елден туысқандары мен таныстарын шақыру туралы өтініштері ішкі істер органына қарау үшін қажетті барлық құжаттарды ұсынған сәттен бастап жеті күнтізбелік күн ішінде қаралады.

Осындай мерзімде қабылдаушы ұйымдардың өтініштері де қаралады.

Шетелдіктердің құқықтық мәртебесі туралы заңнаманы шақырылған шетелдіктердің орындауын бұған дейін қамтамасыз етпеген жеке адамдар мен заңды тұлғалар тарапынан шетелдіктерді Қазақстан Республикасына шақыру туралы өтініштер қаралмайды.