Штемпель-граверлік кәсіпорындарды ашу және олардың жұмыс істеу қағидаларын бекіту туралы Қазақстан Республикасы Үкіметінің 2011 жылғы 12 қарашадағы № 1333 Қаулысы

«Қазақстан Республикасының iшкi iстер органдары туралы» Қазақстан Республикасының 1995 жылғы 21 желтоқсандағы Заңының 4-5-бабының 5) тармақшасына сәйкес Қазақстан Республикасының ҮкіметіҚАУЛЫ ЕТЕДІ: 

1. Қоса беріліп отырған Штемпель-граверлік кәсіпорындарды ашу және олардың жұмыс істеу қағидалары бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының 

Премьер-Министрі                           К. Мәсімов

1. Осы Штемпель-граверлік кәсіпорындарды ашу және олардың жұмыс істеу қағидалары (бұдан әрі – Қағидалар) Қазақстан Республикасының «Ішкі істер органдары туралы» 1995 жылғы 21 желтоқсандағы Заңына сәйкес штемпель-граверлік кәсіпорындарды ашу және олардың жұмыс істеу тәртібін белгілейді.

2. Мөрлер мен мөртабандарды дайындау бойынша штемпель-граверлік кәсіпорындарды осы Қағидаларға 1-қосымшаға сәйкес ішкі істер органдары берген рұқсаттар бойынша заңды және жеке тұлғалар ашады.

3. Штемпель-граверлік кәсіпорындарды ашуға рұқсат алу үшін ішкі істер органдарына мынадай құжаттар:

1) қарамағында штемпель-граверлік кәсіпорын бар кәсіпорынның, мекеменің, ұйымның басшысы қол қойған, сақтау шарттары қысқаша сипатталған рұқсат берілгені туралы қолдаухат;

2) штемпель-граверлік өндіріске жауапты және жұмысқа рұқсаты бар адамға сауалнама;

3) қысқаша түсіндірме жазбасы бар штемпель-граверлік кәсіпорынның цехтары мен қызметтерінің орналасу, оның ішінде үй-жайдың техникалық нығайтылуы, күзет сигнализациясының болуы, өткізу режимінің жүзеге асырылуы, полиграфтық жабдықты, баспа машиналары үшін қаріп пен матрицаларды есепке алу және сақтау жағдайлары туралы жоспарды ұсынады.

4. Ішкі істер органдары:

1) заңды тұлғаның жүгінуі кезінде, оны қарау үшін олардан өзге де субъектілерден, лауазымды тұлғалардан ақпарат алуды не тексерілетін орынға шығуды талап етпегенде - күнтізбелік он бес күн;

2) заңды тұлғаның жүгінуі кезінде, оны қарау үшін өзге де субъектілерден, лауазымды тұлғалардан ақпарат алуды не тексерілетін орынға шығуды талап еткенде - күнтізбелік отыз күн ішінде рұқсат береді.

Штемпель-граверлік кәсіпорынның мекенжайы ауысқан, жауапты адамы ауысқан, өндіріс қызметкерлерінің құрамы өзгерген жағдайда штемпель-граверлік кәсіпорынның жұмыс істеуіне рұқсат берген ішкі істер органына бір тәулік ішінде хабарланады.

5. Егер осы Қағидалардың 3-тармағының талаптарына сәйкес құжаттар ұсынылмаса, рұқсат беруден бас тартылады.

6. Штемпель-граверлік кәсіпорындар жабдықтың, шикізаттың, штемпель-граверлік өндірістің дайын бұйымдарының сақталуын қамтамасыз ететін және өндірістік цехтарға бөгде адамдардың кіруіне мүмкіндік бермейтін күзетілетін, оқшауланған үй-жайларда орналасуы тиіс.

Жұмыс күні аяқталған соң өндірістік цехтар, қоймалар, тапсырыстарды қабылдауға және дайын бұйымдарды беруге арналған үй-жайлар жабылады және мөрленеді. Цокольдық және бірінші қабаттардың терезелері темір торлармен жабдықталады.

7. Штемпель-граверлік кәсіпорындар мөрлері мен мөртабандары қолдан жасаудан міндетті түрде қорғауға жататын мемлекеттік органдар мен ұйымдарды қоспағанда, азаматтардың қатынас қағазына немесе өтінішіне үлгілерді (эскиздерді) міндетті түрде қоса бере отырып, мекемелерден, кәсіпорындардан, ұйымдардан және азаматтардан тапсырыстар қабылдайды.

8. Мөрлер мен мөртабандарды дайындау үшін: заңды тұлғаның мемлекеттік тіркелгені туралы куәлік, ал жеке тұлғалар үшін жеке кәсіпкер ретінде тіркелгенін куәландыратын құжат негіз болып табылады. Мөрлер мен мөртабандардың эскиздері таза және анық орындалуы тиіс. Түзетулер енгізілген мөрлер мен мөртабандардың эскиздері қабылданбайды.

9. Мөрлер мен мөртабандарды дайындауға арналған тапсырыстар тапсырыстарды қабылдау және дайын бұйымдарды беру жөніндегі қызметкерге тапсырылады, қызметкерлер тапсырыс берушілер ұсынған құжаттарды мұқият тексереді. Қабылданған тапсырыстар осы Қағидаларға 2-қосымшаға сәйкес мөрлер мен мөртабандарды дайындауға қабылданған тапсырыстар кітабында (бұдан әрі – Кітап) тіркеледі.

10. Цехтардан қабылданған дайын мөрлер мен мөртабандар Кітапта тіркеледі.

11. Дайындалған мөрлер мен мөртабандар тапсырыс берушілерге немесе тапсырыс берушілердің өкілдеріне жеке куәлігін ұсынған кезде сенімхат бойынша беріледі. Тапсырыс беруші немесе тапсырыс берушінің өкілі Кітапта қол қояды және жеке куәлігінің сериясын, нөмірін, кім және қашан бергенін көрсетеді. Содан кейін мөрлер мен мөртабандарды бақылау бедерін түсіру жүргізіледі.

12. Орындалған және тапсырылған тапсырыстарға жататын барлық құжаттар тапсырыстарды қабылдауға және дайын бұйымдарды беруге арналған үй-жайларда хронологиялық тәртіппен арнайы істе екі жыл бойы сақталады, содан кейін акт толтырыла отырып, ішкі істер органдары қызметкерінің қатысуымен жойылады.

13. Дайындалған мөрлер мен мөртабандар штемпель-граверлік кәсіпорында темір жәшіктерде (шкафтарда) сақталады.

14. Ақауы бар мөрлер мен мөртабандар (өндірістік ақау) ақау анықталған күннен бастап бір апта мерзімде ішкі істер органдары қызметкерінің қатысуымен комиссиялық түрде жойылады.

Каучуктан жасалған ақауы бар бұйымдар кішкентай бөліктерге бөлінеді немесе өртеп жіберіледі, металдан жасалған бұйымдар ішкі істер органдары қызметкерінің қатысуымен екі қиылысқан сызықпен арамен кесіледі. Ақаудың жойылғаны туралы жойылған мөрлер мен мөртабандардың үлгісімен бірге акт толтырылады, ол штемпель-граверлік кәсіпорында сақталады.

15. Тапсырыс беруші алмаған мөрлер мен мөртабандар дайындалған күннен бастап үш ай бойы сақталады, содан кейін осы Қағидалардың 14-тармағында көзделген тәртіппен жойылады.

№___ рұқсат түбіртегі 20 __ жылғы «____»_____________ ________________________________
 (кәсіпорын басшысының немесе жеке тұлғаның тегі, ________________________________аты-жөні, мекенжайы және қызметтік немесе үй телефоны)
  
 ________________________________
 (объект, заттардың, аппараттардың саны, сақтауға рұқсат етілетін ________________________________
 жабдықтардың бірлігі көрсетіледі) ________________________________
 ашу, жұмыс істеу, сақтау құқығына________________________________________________________
 жауапты адамның тегі, аты-жөні, қызметтік телефоны,
 ________________________________
 жауапты адам ретінде тағайындау туралы бұйрықтың №, күні ______дербес жауапкершілігімен берілді 20__ ж. «__»____ дейін жарамды. Бастық_________________________
               (қолы)
        
        
        
        
        

        
    

        
            

                
                    
                    
                    Toggle Dropdown
                
                

                    
  Белгі бауына қою
                    
                    
  Мақала қалдыру
                    
                    
  Пікір қалдыру
                    
                    
  Редакции абзаца(beta)
                    
                    
  Сілтемені көшіру
                    
                    

                    
                
            
            

                

                

                

            
            
        

        
        
        
 Жабдықтар атауының саны көп болған жағдайда қосымша қоса беріледі, ол осы рұқсаттың ажырамас бөлігі болып табылады. 
 
№___ рұқсат 20 __ жылғы «____»_____________ _____________________________
 (кәсіпорын басшысының немесе жеке тұлғаның _______________________________
 тегі, аты-жөні, мекенжайы және қызметтік немесе үй телефоны) _____________________________
 (объект, нәрселердің, аппараттардың саны, сақтауға рұқсат етілетін _____________________________
 жабдықтардың бірлігі көрсетіледі) _____________________________
 ашу, жұмыс істеу, сақтау құқығына _______________________________
 жауапты адамның тегі, аты-жөні, қызметтік телефоны, _____________________________
 жауапты адам ретінде тағайындау туралы бұйрықтың №, күні ___ дербес жауапкершілігімен берілді 20__ ж. «__»____ дейін жарамды. Бастық___________________
 (қолы)  Жабдықтар атауының саны көп болған жағдайда қосымша қоса беріледі, ол осы рұқсаттың ажырамас бөлігі болып табылады. 
 
 

 
Р/С 
 № 
 
Тапсырыстың қабылданған к ү ні 
 
Тапсырыс беруші ұ йымны ң атауы 
 
Б ұ йымдар саны 
 
Тапсырысты орындау мерзімі 
 
Дайын ө німді ал ғ аны туралы тапсырыс берушіні ң қолы, жеке куәлігіні ң , сенімхатты ң нөмірлері 
 
 

 
 

 
 

 
 
м ө р 
 
м ө ртабан 
 

 
 

 
 
 
1 
 
2 
 
3 
 
4 
 
5 
 
6 
 
7