Заңды тұлғаларды мемлекеттік тіркеу мәселелері Қазақстан Республикасы Әділет министрінің 1999 жылғы 15 қаңтардағы N 3 бұйрығы. Қазақстан Республикасы Әділет министрлігінде 1999 жылғы 21 қаңтарда тіркелді. Тіркеу N 667

"Заңды тұлғаларды мемлекеттік тіркеу және филиалдар мен өкілдіктерді есептік тіркеу туралы" Қазақстан Республикасының  Заңын   жүзеге асыру мақсатында  Бұйырамын :

#$: Кіріспеге өзгертулер енгізілді - ҚР Әділет министрінің 2004 жылғы 13 қыркүйектегі № 265 бұйрығымен.

1. Қоса беріліп отырған:  

Заңды тұлғаны, филиалды (өкілдікті) мемлекеттік (есептік) тіркеу туралы өтініштің (1 қосымша);  

заңды тұлғаны, филиалды (өкілдікті) мемлекеттік (есептік) қайта тіркеу туралы өтініштің (2 қосымша);  

Заңды тұлғаның, филиалдың (өкілдіктің) таратылуын (есептен шығарылуын) тіркеу туралы өтініштің (3 қосымша);  

облыстардағы және Астана, Алматы қалаларындағы Әділет департаменттерінің заңды тұлғаларды мемлекеттік тіркеу және филиалдар мен өкілдіктерді есептік тіркеу қызметін жүзеге асырмайтын аудандық (қалалық) әділет бөлімдерінің (басқармаларының) тізбесі (4 қосымша);  

заңды тұлғаны мемлекеттік тіркеу туралы куәліктің (5 қосымша);  

заңды тұлғаны мемлекеттік қайта тіркеу туралы куәліктің (6 қосымша);  

филиалды (өкілдікті) есептік тіркеу туралы куәліктің (7 қосымша);  

филиалды (өкілдікті) есептік қайта тіркеу туралы куәліктің (8 қосымша);  

заңды тұлғаны мемлекеттік тіркеу (қайта тіркеу) туралы куәліктің (заңды тұлғаның тұрған жері бір облыстан екінші облысқа ауысуына байланысты берілетін) (9 қосымша);  

филиалды (өкiлдiктi) есептiк тiркеу (қайта тiркеу) туралы куәлiктiң (филиалдың (өкiлдiктiң) тұрған жерi бiр облыстан екiншi облысқа ауысуына байланысты берiлетiн) (10 қосымша) нысандары бекiтiлсiн.

#$: 1-тармаққа өзгертулер енгізілді - ҚР Әділет министрінің 2004 жылғы 13 қыркүйектегі № 265 бұйрығымен.

2. Қазақстан Республикасы Әдiлет министрлiгінiң аумақтық органдары мен Тіркеу қызметі комитетінің, Діни істер комитетінің арасындағы заңды тұлғаларды мемлекеттiк тiркеу жөнiндегi функция мынадай тәртiпте анықталсын:  

Тіркеу қызметі комитеті:       

Әдiлет министрлiгiнiң аумақтық органдарының заңды тұлғаларды мемлекеттiк тiркеу жөнiндегi қызметiне, діни бірлестіктерді қоспағанда әдiстемелiк басшылық жасауды;  

Әдiлет министрлiгінiң аумақтық органдары мен заңды тұлғалардың, діни бірлестіктерді қоспағанда заңды тұлғаларды мемлекеттiк тiркеу туралы заңдардың талаптарын орындауына бақылау жасауды;  

банктерді; республикалық және аймақтық мәртебесi бар қоғамдық бiрлестiктердi (сонымен бiрге, саяси партияларды); шетелдiк және халықаралық коммерциялық емес үкiметтiк емес бiрлестiктердiң филиалдары мен өкiлдiктерiн; қажет болған жағдайда басқа да заңды тұлғалар мен филиалдар және өкiлдiктердi тiркеудi (қайта тiркеудi және таратылуын тiркеудi); 

заңды тұлғалардың бiрыңғай мемлекеттiк регистрiн және заңды тұлғалардың филиалдары мен өкiлдiктерiнiң реестрiн жүргiзудi;  

Қазақстан Республикасы аумағында орналасқан заңды тұлғалардың, филиалдар мен өкiлдiктердiң бiрыңғай электронды банкiн құруды;  

Әдiлет министрлiгiнiң ресми баспа органында құрылған, қайта құрылған және таратылған заңды тұлғалардың, филиалдар мен өкiлдiктердiң тiзiмiн жариялауды; 

Әдiлет министрлiгiнiң аумақтық органдарының жұмысына заңды тұлғаларды мемлекеттiк тiркеу мәселелерi бойынша жасалған шағымдарды қарауды жүзеге асырады. 

Діни істер комитеті: 

Әділет министрлігінің аумақтық органдарының діни бірлестіктерді мемлекеттік тіркеу жөніндегі қызметіне әдістемелік басшылықты; 

діни бірлестіктердің және Әділет министрлігінің аумақтық органдарының заңды тұлғаларды мемлекеттік тіркеу мәселелерін реттейтін заңнамалардың талаптарын сақтауын бақылауды; 

республиканың екі немесе одан көп облыстарының аумақтарында жұмыс істейтін діни басқармаларды (орталықтарды), діни бірлестіктерді, сондай-ақ олар құратын діни мекемелерді, монастырларды және басқа да бірлестіктерді тіркеуді (қайта тіркеуді және таратылуын тіркеуді) жүзеге асырады.  

Әдiлет министрлiгінiң аумақтық 4 Қосымшаға сәйкес облыстардағы және Астана, Алматы қалаларындағы Әділет департаменттерінің аудандық (қалалық) әділет бөлімдерін (басқармаларын) қоспағанда:  

Тіркеу қызметі комитетінде тiркеуге жатпайтын тиiстi облыстың аумағында құрылған, қайта құрылған және таратылған заңды тұлғалардың, филиалдар мен өкiлдiктердi тiркеудi (қайта тiркеудi және таратылуын тiркеудi); 

тиiстi облыс, Астана және Алматы қалалары бойынша заңды тұлғалардың бiрыңғай мемлекеттiк регистрiн және заңды тұлғалардың филиалдары мен өкiлдiктерiнiң реестрiн жүргiзудi;  

заңды тұлғалардың, филиалдар мен өкiлдiктердiң бiрыңғай аймақтық электронды банкiн құруды;  

заңды тұлғалар, филиалдар мен өкiлдiктер туралы мәлiметтердi модемдiк байланыс арқылы, ал қажет болған жағдайларда электронды (қағаз) тасымалымен Тіркеу қызметі комитетіне берудi; 

жергілікті мәртебесі бар қоғамдық бірлестіктерді және жергілікті діни бірлестіктерді тіркеуді (қайта тіркеуді және таратылуын тіркеуді) облыстық және Астана, Алматы қалаларының Әділет департаменттері жүзеге асырады.

#$2-тармаққа өзгертулер енгізілді - ҚР Әділет министрінің 30.06.1999. № 52 бұйрығымен, 26.04.2000. № 40 бұйрығымен, 2004 жылғы 13 қыркүйектегі № 265 бұйрығымен, 2006 жылғы 9 наурыздағы № 77 бұйрығымен.

3. Тіркеу қызметі комитеті бiр ай мерзiм iшiнде Заңды тұлғаларды мемлекеттiк тiркеу ережелерiн жасап бекiтсiн.

#$3-тармақ өзгертілді - ҚР Әділет министрінің 30.06.1999. № 52 бұйрығымен.

4. 1999 жылдың 20 қаңтарынан бастап Қазақстан Республикасы Әдiлет министрiнiң 1998 жылғы 6 қаңтарындағы  N 129 "Заңды тұлғаларды мемлекеттiк тiркеу туралы ереженi бекiту туралы" және 1998 жылғы 24 маусымындағы  N 74 "Қазақстан Республикасы Әдiлет министрiнiң 1998 жылғы 6 қаңтарындағы N 129 бұйрығымен бекiтiлген Заңды тұлғаларды мемлекеттік тіркеу ережелеріне өзгертулер мен толықтырулар енгізу туралы" бұйрықтары күші жойылды деп танылсын.

5. Осы бұйрықтың орындалуын жетекшілік ететін Қазақстан Республикасы Әділет Вице-Министріне жүктелсін.

#$5-тармаққа өзгертулер енгізілді - ҚР Әділет министрінің 2004 жылғы 13 қыркүйектегі № 265 бұйрығымен.

Қазақстан Республикасы 

Әділет Министрі

                                     Қазақстан Республикасы 

                                        Әділет Министрінің 

                                    1999 жылғы 15 қаңтардағы 

                                         N 3 бұйрығына 

                                            1 қосымша

: 1 қосымша жаңа редакцияда жазылды ҚР Әділет министрінің 1999 жылғы 30 маусымдағы № 52 бұйрығымен, 2000 жылғы 11 наурыздағы № 28 бұйрығымен, 2004 жылғы 13 қыркүйектегі № 265 бұйрығымен.

                   ________________________________ 

               Тiркеуші органның атауы    

1. Ұйым нысаны (тиісті ұяшықта х түрінде көрсетіңіз) 

       1) заңды тұлға _____________________________________________ 

       2) филиал __________________________________________________ 

       3) өкілдік _________________________________________________