Документ на казахском языке

Жер қойнауын пайдалануға арналған келісімшарт шеңберінде қызметін Қазақстан Республикасының аумағында жүзеге асыратын, тұрақты емес конденсатты Қазақстан Республикасының аумағынан Кеден одағына мүше басқа мемлекеттердің аумағына өткізу жөніндегі айналымына нөлдік ставка бойынша қосымша құн салығы салынатын салық төлеушілердің тізбесін бекіту туралы Қазақстан Республикасы Үкіметінің 2012 жылғы 26 маусымдағы № 849 Қаулысы

«Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 245-бабының 1-1-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған жер қойнауын пайдалануға арналған келісімшарт шеңберінде қызметін Қазақстан Республикасының аумағында жүзеге асыратын, тұрақты емес конденсатты Қазақстан Республикасының аумағынан Кеден одағына мүше басқа мемлекеттердің аумағына өткізу жөніндегі айналымына нөлдік ставка бойынша қосымша құн салығы салынатын салық төлеушілердің тізбесі бекітілсін.

2. Осы қаулы қол қойылған күнінен бастап қолданысқа енгізіледі және 2009 жылғы 1 қаңтардан бастап туындаған құқықтық қатынастарға қолданылады.

Қазақстан Республикасының

Премьер-Министрі К. МӘСІМОВ.

Қазақстан Республикасы Үкіметінің 2012 жылғы 26 маусымдағы № 849 қаулысымен бекітілген

Жер қойнауын пайдалануға арналған келісімшарт шеңберінде қызметін Қазақстан Республикасының аумағында жүзеге асыратын, тұрақты емес конденсатты Қазақстан Республикасының аумағынан Кеден одағына мүше басқа мемлекеттердің аумағына өткізу жөніндегі айналымына нөлдік ставка бойынша қосымша құн салығы салынатын салық төлеушілердің тізбесін бекіту туралы