Toggle Dropdown
1
Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаны айқындау қағидаларын бекіту туралы
Қазақстан Республикасы Үкіметінің 2012 жылғы 2 наурыздағы № 287 Қаулысы
Toggle Dropdown
«Мұнай өнімдерінің жекелеген түрлерін өндіруді және олардың айналымын мемлекеттік реттеу туралы» Қазақстан Республикасының 2011 жылғы 20 шілдедегі Заңына сәйкес Қазақстан Республикасының Үкіметі ҚАУЛЫ ЕТЕДІ:
Toggle Dropdown
1. Қоса беріліп отырған Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаны айқындау қағидалары бекітілсін.
Toggle Dropdown
1
2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.
Toggle Dropdown
Қазақстан Республикасының
Toggle Dropdown
Премьер-Министрі К.Мәсімов
Toggle Dropdown
Қазақстан Республикасы
Үкіметінің
2012 жылғы 2 наурыздағы
№ 237 қаулысымен
бекітілген
Toggle Dropdown
Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаны айқындау қағидалары
Toggle Dropdown
1. Осы Бағаларына мемлекеттік реттеу белгіленген бөлшек саудада өткізілетін мұнай өнімдеріне шекті баға айқындау қағидалары (бұдан әрі - Қағидалар) «Мұнай өнімдерінің жекелеген түрлерін өндіруді және олардың айналымын мемлекеттік реттеу туралы» Қазақстан Республикасының 2011 жылғы 20 шілдедегі Заңына сәйкес әзірленді және бағаларына мемлекеттік реттеу белгіленген бөлшек саудада өткізілетін мұнай өнімдеріне шекті бағаны айқындау тәртібін белгілейді.
Toggle Dropdown
2. Осы Қағидаларда мынадай негізгі ұғымдар пайдаланылады:
Toggle Dropdown
1) мұнайдың әлемдік бағасы - Қазақстан Республикасы Үкіметінің қаулысымен бекітілетін шикі мұнайдың және (немесе) газ конденсаты мен мұнай өнімдерінің нарықтық бағалары туралы ресми танылған ақпарат көздерінің тізбеге енгізілген ақпарат көзінің негізінде тиісті кезеңде «Датированный Брент» (Вrent Dtd) стандартты сорты бағасының шетел валютасында орташа белгіленуі;
Toggle Dropdown
2) баррельдендіру коэффициенті - өндірілген шикі мұнайдың тығыздығы мен температурасы ескеріле отырып, стандарттық өлшем шарттарына келтірілген өлшем бірлігін баррельден метрикалық тоннаға ауыстыру коэффициенті.
Toggle Dropdown
Қағидаларда пайдаланылатын өзге де ұғымдар мен терминдер қолданыстағы заңнамаға сәйкес қолданылады.
Toggle Dropdown
2
3. Бағаларына мемлекеттік реттеу белгіленген бөлшек саудада өткізілетін мұнай өнімдерінің шекті бағасы мұнай өнімдерін өндіру саласындағы уәкілетті орган осы Қағидаларға қосымшада келтірілген нысан бойынша әзірлейтін мұнайдың әлемдік бағасына байланысты бөлшек саудада өткізілетін мұнай өнімдерінің шекті бағасы мәндері кестесінің (бұдан әрі - Кесте) негізінде, мынадай формуланың негізінде айқындалады:
Toggle Dropdown
мұндағы:
Toggle Dropdown
1) Р - мұнай өнімінің тиісті түрінің бөлшек саудадағы шекті бағасының мәні;
Toggle Dropdown
2) Р Br - баррельдендіру коэффициенті бойынша ауыстырылған мұнайға әлемдік бағаның белгіленуі;
Toggle Dropdown
3) L - коэффициентті есептеу кезеңіне дейін күнтізбелік екі жыл ішінде қалыптасқан мұнай өнімінің тиісті түрі бағасының белгіленуіне мұнай бағасының белгіленуін ауыстыру коэффициенті;
Toggle Dropdown
L=Р Nр /Р Вr
Toggle Dropdown
Р Nр - Қазақстан Республикасы Үкіметінің қаулысымен бекітілетін шикі мұнайдың және (немесе) газ конденсаты мен мұнай өнімдерінің нарықтық бағалары туралы ресми танылған ақпарат көзінің негізінде Тізбеге енгізілген бағаларына мемлекеттік реттеу белгіленген мұнай өніміне сәйкес келетін мұнай өніміне әлемдік бағасының белгіленуі;
Toggle Dropdown
4) ТС Ех - өзіне жалдауды (Новороссийск портынан FОВ Италия-Августа Жерорта теңізіне дейін теңіз танкерімен мұнай өнімдерін тасымалдау құны), ауыстырып тиеу шығыстарын (мұнай өнімдерін темір жол цистерналарынан құйып алу құны, порттағы қойма резервуарларына құю және қоймадан танкерге құю), Қазақстан Республикасының шекарасына дейін темір жол тасымалын (Новороссийск портынан Қазақстан Республикасының шекарасына дейін темір жол тасымалының құны) қамтитын мұнай өнімдерін Еуропа нарықтарынан (ҒОВ Италия) Қазақстан Республикасының шекарасына дейін жеткізу жөніндегі көліктік шығыстардың шартты орташа мәні;
Toggle Dropdown
1
5) ЕСD - Қазақстан Республикасы Үкіметінің қаулысымен бекітілген формула бойынша есептелген мұнай өнімінің тиісті түріне кедендік әкету бажының мәні;
Toggle Dropdown
1
6) С - табиғи монополиялар салаларында және реттелетін нарықтарда басшылықты жүзеге асыратын уәкілетті органға (бұдан әрі — Уәкілетті орган) Кесте ұсынылған күніне белгіленген Қазақстан Республикасы Ұлттық Банкінің бағамы бойынша теңгеге АҚШ долларының бағамы;
Toggle Dropdown
7) Т - «Салық және бюджетке төленетін басқа да төлемдер туралы » Қазақстан Республикасының 2008 жылғы 10 желтоқсандағы Кодексіне (Салық кодексі) сәйкес бекітілген мұнай өнімінің тиісті бір түріне акциз және қосымша құн салығы;
Toggle Dropdown
8) ТС Dom - Қазақстан Республикасы бойынша темір жол көлігімен мұнай өнімдерін тасымалдау құнының орташа арифметикалық мәні;
Toggle Dropdown
9) S — мұнай базасында мұнай өнімдерін сақтау бойынша 3% мөлшеріндегі шығыстар;
Toggle Dropdown
10) О рех - мұнай өнімдері нарығына барлық қатысушылардың 10% мөлшеріндегі операциялық шығыстарының жиынтығы;
Toggle Dropdown
11) М - мұнай өнімдері нарығына барлық қатысушылардың 15% мөлшеріндегі маржасы;
Toggle Dropdown
12) K i - осы Қағидалардың 4-тармағына сәйкес айқындалатын коэффнциент;
Toggle Dropdown
13) D – қуаты шағын мұнай өнімдерін өндірушілерді қоспағанда, Қазақстан Республикасының шығарушы зауытының техникалық паспортына сәйкес өлшеу шарттары стандартты болған кезде мұнай өнімінің тиісті түрінің орташа тығыздығы.
Toggle Dropdown
4. K i коэффициентінің мәнін мұнай өнімдерін өндіру саласындағы уәкілетті орган коэффициентті есептеу кезеңіне дейін күнтізбелік екі жыл ішінде қалыптасқан мұнай өнімдерінің тиісті түріне бағалардың тарихи серпініне байланысты бір метрикалық тонна үшін бес АҚШ доллары аралығымен мұнайдың әлемдік бағасының әрбір шекті мәніне мынадай формула бойынша есептейді:
Toggle Dropdown
мұндағы:
Toggle Dropdown
1) Q min – коэффициентті есептеу кезеңіне дейін күнтізбелік екі жыл ішінде қалыптасқан мұнай өнімдерінің тиісті түрінің бөлшек сауда бағасының ең төменгі мәні;
Toggle Dropdown
2) O – бір метрикалық тонна үшін бес АҚШ долларына тең келетін мұнай аралығының адымы;
Toggle Dropdown
3) U – коэффициентті есептеу кезеңіне дейін күнтізбелік екі жыл ішінде қалыптасқан мұнай өнімінің тиісті түрінің бөлшек сауда бағасының ең жоғары және ең төменгі мәнінің арасындағы аралық;
Toggle Dropdown
4) F – коэффициентті есептеу кезеңіне дейін күнтізбелік екі жыл ішінде қалыптасқан мұнай өнімінің тиісті түрінің бөлшек сауда бағасының ең жоғары және ең төменгі мәнінің арасындағы аралыққа сәйкес келетін мұнайдың Brent Dtd сортына әлемдік бағаның ең жоғары және ең төменгі мәнінің арасындағы аралық;
Toggle Dropdown
5) P Bri – бір метрикалық тонна үшін бес АҚШ доллары аралығымен мұнайдың әлемдік бағасының әрбір шекті мәніне сәйкес келетін мұнайға әлемдік бағаның белгіленуі;
Toggle Dropdown
6) P Br min – коэффициентті есептеу кезеңіне дейін күнтізбелік екі жыл ішінде қалыптасқан мұнай өнімінің тиісті түрінің бөлшек сауда бағасының ең төменгі мәніне сәйкес келетін мұнайға әлемдік бағаның белгіленуі;
Toggle Dropdown
7) N – Қазақстан Республикасының Үкіметі мақұлдаған Қазақстан Республикасының әлеуметтік-экономикалық дамуының бес жылдық кезеңге арналған болжамында айқындалған инфляцияның болжамды деңгейі;
Toggle Dropdown
8) P i – K i коэффициентінің мәні есепке алынбай осы Қағидалардың 3-тармағына сәйкес формула бойынша есептелген мұнай өнімінің тиісті түрінің бөлшек сауда бағасының шекті мәні;
Toggle Dropdown
5. Мұнай өнімдерін өндіру саласындағы уәкілетті орган Уәкілетті органға әзірленген Кестені есептерді, негіздемелер мен тиісті ақпарат көзінің деректерін қоса бере отырып:
Toggle Dropdown
1) жыл сайын – жоспарланып отырған жылдың алдындағы жылдың он бесінші қарашасынан кешіктірмей;
Toggle Dropdown
1
2) осы Қағидалардың 3-тармағының 5), 6) және 7) тармақшаларында көрсетілген бір және одан көп көрсеткіштер бұрын бекітілген көрсеткіштердің мәнінен 10%-дан астам өзгерген кезде – осындай өзгерістер болған кезден бастап күнтізбелік он күн ішінде ұсынады.
Toggle Dropdown
6. Мұнай өнімдерін өндіру саласындағы уәкілетті орган Уәкілетті органға өткен күнтізбелік айдың он бесінші күнінен бастап ағымдағы күнтізбелік айдың он төртінші күні бойынша қалыптасқан мұнайға әлемдік бағаның мәліметтерін ай сайын он бесінші күннен кешіктірмей ұсынады.
Toggle Dropdown
7. Уәкілетті орган шекті бағаны белгілеу үшін қажетті қосымша ақпаратты жазбаша нысанда сұратады, ол мұнай өнімдерін өндіру саласындағы уәкілетті орган тиісті сұратуды алған күннен бастап бес жұмыс күні ішінде ұсынылады.
Toggle Dropdown
1
8. Уәкілетті орган Кестенің және мұнайдың әлемдік бағасы жөніндегі мәліметтердің негізінде бұйрық нысанында қабылданатын шешім қабылдау жолымен мұнай өнімдерін бөлшек саудада өткізуге шекті баға белгілейді.
Toggle Dropdown
1
9. Бөлшек саудада өткізілетін мұнай өнімдеріне шекті баға белгілеу туралы бұйрықтың жобасы үш жұмыс күні ішінде мұнай өнімдерін өндіру саласындағы уәкілетті органға және Қазақстан Республикасы Экономикалық даму және сауда министрлігіне жолданады.
Toggle Dropdown
10. Бөлшек саудада өткізілетін мұнай өнімдеріне шекті баға белгілеу туралы бұйрық (бұдан әрі - Бұйрық):
Toggle Dropdown
1) жоспарланып отырған күнтізбелік жылға – жоспарланған жылдың алдындағы жылдың он бесінші желтоқсанынан кешіктірілмей;
Toggle Dropdown
2) осы Қағидалардың 3-тармағының 5), 6) және 7) тармақшаларында көрсетілген бір және одан көп көрсеткіштер 10%-дан астам өзгерген кезде ағымдағы күнтізбелік жыл аяқталғанға дейін қалған мерзімге – осы Қағидалардың 5-тармағының 2) тармақшасына сәйкес Кесте алынған кезден бастап он бес жұмыс күнінен кешіктірілмей;
Toggle Dropdown
1
3) Кестеге сәйкес мұнайдың әлемдік бағасының бір шекті мәнінің шегінен асатын мұнайдың әлемдік бағасы өзгерген кезде ағымдағы күнтізбелік жыл аяқталғанға дейін қалған мерзімге – осы Қағидалардың 6-тармағына сәйкес мұнайға әлемдік баға бойынша деректер алынған кезден бастап он бес жұмыс күнінен кешіктірілмей бекітіледі.
Toggle Dropdown
1
11. Мемлекеттік органдармен келісілген және Уәкілетті органның басшысы не оны алмастыратын тұлға қол қойған бұйрық Уәкілетті органның және мұнай өнімдерін өндіру саласындағы уәкілетті органның Интернет-ресурстарында келісілген күнінен бастап үш жұмыс күні ішінде жариялануы тиіс.
Toggle Dropdown
12. Осы Қағидалардың талаптары Қазақстан Республикасының трансферттік баға белгілеу заңнамасына сәйкес жүзеге асырылатын трансферттік баға белгілеу кезінде бақылауға жататын мәмілелерге қолданылмайды.
Toggle Dropdown
Бағаларына мемлекеттік реттеу
белгіленген бөлшек саудада
өткізілетін мұнай өнімдеріне
шекті бағаны айқындау
қағидаларына
қосымша
Toggle Dropdown
Мұнайдың әлемдік бағасына байланысты мұнай өнімдерінің бөлшек саудасына өткізуге белгіленетін шекті баға мәндерінің кестесі
Toggle Dropdown
Р/с № | Әлемдік бағаның шегі, $/бар | ДО-ға бөлшек саудадағы шекті баға, тг/л | Аи-80-ге бөлшек саудадағы шекті баға, тг/л | Аи-92/93-ге бөлшек саудадағы шекті баға, тг/л |
1. | | | | |
2. | | | | |
3. | | | | |
4. | | | | |
5. | | | | |
6. | | | | |
7. | | | | |
8. | | | | |
9. | | | | |
10. | | | | |
11. | | | | |
12. | | | | |
13. | | | | |
14. | | | | |
15. | | | | |
16. | | | | |
17. | | | | |
18. | | | | |
19. | | | | |
20 | | | | |