1. Қазақстан Республикасы Оңтүстiк Қазақстан облысы әкiмдiгiнiң "Оңтүстiк" арнайы экономикалық аймағының дирекциясы" мемлекеттiк мекемесi (бұдан әрi - Мекеме) құрылсын.
| Продукты: |
|
Отправить по почте
Осы редакция 29.11.2005 жылы енгізілген өзгерістерге дейін қолданылды.
"Оңтүстiк" арнайы экономикалық аймағын құру жөнiндегi шұғыл шаралар туралы Қазақстан Республикасы Үкіметінің 2005 жылғы 22 шілдедегі N 770 Қаулысы
"Оңтүстiк" арнайы экономикалық аймағын құру туралы" Қазақстан Республикасы Президентiнiң 2005 жылғы 6 шiлдедегi N 1605 Жарлығына сәйкес Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Оңтүстiк Қазақстан облысы әкiмдiгiнiң "Оңтүстiк" арнайы экономикалық аймағының дирекциясы" мемлекеттiк мекемесi (бұдан әрi - Мекеме) құрылсын.
2. Мекеме қызметiнiң негiзгi мәнi "Оңтүстiк" арнайы экономикалық аймағын (бұдан әрi - "Оңтүстiк" АЭА) басқару жөнiндегi функцияларды жүзеге асыру болып белгiленсiн.
3. Оңтүстiк Қазақстан облысының әкiмiне "Оңтүстiк" АЭА-ны құруға және Мекеменiң қызметiн қамтамасыз етуге, инфрақұрылым объектiлерiн салуға, сондай-ақ өзге де күтпеген шығыстарға 2005 жылға арналған республикалық бюджетте кезек күттірмейтiн шығындарға көзделген Қазақстан Республикасы Үкiметiнің резервiнен 821400000 (сегiз жүз жиырма бiр миллион төрт жүз мың) теңге бөлiнсiн.
