"Фитосанитариялық нормативтерді, фитосанитариялық есепке алу нысандарын, сондай-ақ Фитосанитариялық есепке алу нысандарын табыс ету қағидаларын бекіту туралы" Қазақстан Республикасы Үкіметінің 2011 жылғы 30 қарашадағы № 1394 қаулысына өзгерістер енгізу туралы Қазақстан Республикасы Үкіметінің 2013 жылғы 1 маусымдағы № 566 қаулысы

Қазақстан Республикасының Үкіметі ҚАУЛЫ ЕТЕДІ :

1. «Фитосанитариялық нормативтерді, фитосанитариялық есепке алу нысандарын, сондай-ақ Фитосанитариялық есепке алу нысандарын табыс ету қағидаларын бекіту туралы» Қазақстан Республикасы Үкіметінің 2011 жылғы 30 қарашадағы № 1394 қаулысына мынадай өзгерістер енгізілсін (Қазақстан Республикасының ПҮАЖ-ы, 2012 ж., № 4, 79-құжат):

көрсетілген қаулымен бекітілген фитосанитариялық нормативтерде:

«1. Пестицидтер (улы химикаттар) запасының фитосанитариялық нормативтері» деген бөлімде:

«Болжанған алқаптың запасы пайызы» деген бағанның тақырыбы «, дейін» деген сөзбен толықтырылсын;

мынадай мазмұндағы жолмен толықтырылсын:

«Колорадо картоп қоңызы 30»;

«3. Аса қауіпті зиянды организмдер бойынша фитосанитариялық нормативтер» деген бөлімде:

мына:

 
 «Өрмекші кене 
 
 жұмыртқа, дернәсілдер, имаго 
 
 мақта 
 
 шанақтанудың басы-пісудің басы 
 
 танапта өсімдіктердің залалдануы 10 %-дан артық, бір жапыраққа 1,5 кене (100 жапыраққа 150 дарақ)» 
 
 

деген жол мынадай редакцияда жазылсын:

 
 «Мақтадағы өрмекші кене 
 
 жұмыртқа, дернәсілдер, имаго 
 
 мақта 
 
 шанақтанудың басы-пісудің басы 
 
 танапта өсімдіктердің залалдануы 10 %-дан артық, бір жапыраққа 1,5 кене (100 жапыраққа 150 дарақ) 
 
 
 Соядағы өрмекші кене 
 
 жұмыртқа, дернәсілдер, имаго 
 
 соя 
 
 өсу кезеңі 
 
 өсімдіктердің кенемен залалдануы 10 %-дан жоғары, оның саны 1 жапыраққа 10 дарақтан артық»; 
 
 

мына:

 
 «Мақта көбелегі 
 
 жұмыртқа, жұлдызқұрт 
 
 мақта 
 
 шанақтанудың басы-пісудің басы 
 
 100 өсімдікке 8-12 жұмыртқа мен жұлдызқұрт»; 
 
 

деген жол мынадай редакцияда жазылсын:

 
 «Мақтадағы мақта көбелегі 
 
 жұмыртқа, жұлдызқұрт 
 
 мақта 
 
 шанақтанудың басы-пісудің басы 
 
 100 өсімдікке 8-12 жұмыртқа мен жұлдызқұрт 
 
 
 Жүгерідегі мақта көбелегі 
 
 көбелек, жұлдызқұрт 
 
 жүгері 
 
 өсу кезеңі 
 
 бір торға тәулігіне 8-10 көбелек, бұл зиянкестің егістіктегі санының өте көптігіне сәйкес»; 
 
 

мынадай мазмұндағы жолмен толықтырылсын:

 
 «Колорадо картоп қоңызы 
 
 қоңыздар 
 
 картоп 
 
 өсімдіктің өсу кезеңіндегі биіктігі 15-25 см дейін 
 
 картоп түптерінің 0,5-2 %-ына қоныстанған 
 
 
 қыстап шыққан қоңыздар мен дернәсілдер 
 
 картоп 
 
 шанақтану кезеңі – гүлдену 
 
 түптердің 5-8 %-на қоныстанған, 1 өсімдікке 20 дернәсілден келеді». 
 
 

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының

Премьер-Министрі С. Ахметов