Қазақстан Республикасы Қоршаған орта және су ресурстары министрлігі Балық шаруашылығы комитеті облысаралық бассейндік балық шаруашылығы инспекцияларының ережелерін бекіту туралы Қазақстан Республикасы Қоршаған орта және су ресурстары министрінің 2014 жылғы 24 қаңтардағы № 17-Ө бұйрығы. Қазақстан Республикасының Әділет министрлігінде 2014 жылы 28 қаңтардағы № 9104 тіркелді

«Нормативтiк құқықтық актiлер туралы» Қазақстан Республикасы Заңының 3-бабы 3-тармағының 2) тармақшасына және 29-бабы 1-тармағының 6) тармақшасына, сондай-ақ «Қазақстан Республикасы Қоршаған орта және су ресурстары министрлігінің кейбір мәселелері туралы» Қазақстан Республикасы Үкіметінің 2013 жылғы 27 желтоқсандағы № 1413 қаулысының 1-тармағы, 5) тармақшасына сәйкес БҰЙЫРАМЫН:

1. Қоса берілген:

1) «Қазақстан Республикасы Қоршаған орта және су ресурстары министрлігі Балық шаруашылығы комитетінің Арал-Сырдария облысаралық бассейндік балық шаруашылығы инспекциясы» республикалық мемлекеттік мекемесінің ережесі;

2) «Қазақстан Республикасы Қоршаған орта және су ресурстары министрлігі Балық шаруашылығы комитетінің Балқаш-Алакөл облысаралық бассейндік балық шаруашылығы инспекциясы» республикалық мемлекеттік мекемесінің ережесі;

3) «Қазақстан Республикасы Қоршаған орта және су ресурстары министрлігі Балық шаруашылығы комитетінің Ертіс облысаралық бассейндік балық шаруашылығы инспекциясы» республикалық мемлекеттік мекемесінің ережесі;

4) «Қазақстан Республикасы Қоршаған орта және су ресурстары министрлігі Балық шаруашылығы комитетінің Есіл облысаралық бассейндік балық шаруашылығы инспекциясы» республикалық мемлекеттік мекемесінің ережесі;

5) «Қазақстан Республикасы Қоршаған орта және су ресурстары министрлігі Балық шаруашылығы комитетінің Жайық-Каспий облысаралық бассейндік балық шаруашылығы инспекциясы» республикалық мемлекеттік мекемесінің ережесі;

6) «Қазақстан Республикасы Қоршаған орта және су ресурстары министрлігі Балық шаруашылығы комитеті Нұра-Сарысу облысаралық бассейндік балық шаруашылығы инспекциясы» республикалық мемлекеттік мекемесінің ережесі;

7) «Қазақстан Республикасы Қоршаған орта және су ресурстары министрлігі Балық шаруашылығы комитетінің Тобыл-Торғай облысаралық бассейндік балық шаруашылығы инспекциясы» республикалық мемлекеттік мекемесінің ережесі;

8) «Қазақстан Республикасы Қоршаған орта және су ресурстары министрлігі Балық шаруашылығы комитетінің Шу-Талас облысаралық бассейндік балық шаруашылығы инспекциясы» республикалық мемлекеттік мекемесінің ережесі бекітілсін.

2. Қазақстан Республикасы Қоршаған орта және су ресурстары министрлігінің Балық шаруашылығы комитеті заңнамада белгіленген тәртіпте:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) Қазақстан Республикасы Әділет министрлігінде осы бұйрық мемлекеттік тіркелгеннен кейін күнтізбелік он күн ішінде мерзімдік баспа басылымдарына және «Әділет» ақпараттық-құқықтық жүйесінде ресми жариялауына жіберуін;

3) осы бұйрықтың Қазақстан Республикасы Қоршаған орта және су ресурстары министрлігінің ресми интернет-ресурсында жариялануын;

4) Қазақстан Республикасы әділет органдарында Қазақстан Республикасы Қоршаған орта және су ресурстары министрлігі Балық шаруашылығы комитеті облысаралық бассейндік балық шаруашылығы инспекцияларының қайта тіркеуін қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Министр   Н. Қаппаров

1. «Қазақстан Республикасы Қоршаған орта және су ресурстары министрлігі Балық шаруашылығы комитетінің Арал-Сырдария облысаралық бассейндік балық шаруашылығы инспекциясы» республикалық мемлекеттік мекемесі (бұдан әрi – Инспекция) Қазақстан Республикасы Қоршаған орта және су ресурстары министрлiгінің Балық шаруашылығы комитеті (бұдан әрі – Комитет) құзыретi шегінде Оңтүстік Қазақстан облысының Созақ ауданының су айдындарын қоспағанда Қызылорда және Оңтүстік Қазақстан облыстары әкімшілік шекарасының шегіндегі Арал-Сырдария бассейнінің су айдындарында (су қорғау белдеуі мен аймағын, жағалау жиегін және санитарлық қорғау аймағын қоса алғанда) балық ресурстары мен басқа да су жануарларын қорғау, өсiмiн молайту және пайдалану саласындағы іске асыру, бақылау және қадағалау функцияларын жүзеге асыратын аумақтық бөлімше болып табылады.

2. Инспекция өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентінің және Үкіметінің актілерін, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.

3. Инспекция республикалық мемлекеттiк мекеменiң ұйымдық-құқықтық нысанындағы Комитетке ведомстволық бағынысындағы заңды тұлға болып табылады, өз атауы мемлекеттік тілде жазылған мөрi мен мөртаңбалары, белгiленген үлгiдегi бланкiлерi, сондай-ақ Қазақстан Республикасының заңнамасына сәйкес Қазақстан Республикасы Қаржы министрлігінің қазынашылық органдарында шоттары болады.

4. Инспекция азаматтық-құқықтық қатынастарға өз атынан түседi.

5. Инспекцияның, егер Қазақстан Республикасы заңнамасына сәйкес осыған уәкілеттік берiлсе, мемлекеттiң атынан азаматтық-құқықтық қатынастардың тарабы болуға құқығы бар.

6. Инспекция өз құзыретіндегі мәселелер бойынша Қазақстан Республикасы заңнамаларында белгіленген тәртіппен Инспекция басшысының бұйрықтарымен және Қазақстан Республикасының заңнамаларында көзделген өзге де актілерімен рәсімделетін шешімдер қабылдайды.

7. Инспекция құрылымын және штат санын Қазақстан Республикасы Қоршаған орта және су ресурстары министрімен келіскеннен кейін Қазақстан Республикасы Қоршаған орта және су ресурстары министрлігінің Жауапты хатшысы (бұдан әрі – Жауапты хатшы) бекiтедi.

8. Инспекцияның орналасқан мекен-жайы: Қазақстан Республикасы, 120000, Қызылорда облысы, Қызылорда қаласы, Абай даңғылы, 17 үй.

9. Мемлекеттік органның толық атауы –

«Қазақстан Республикасы Қоршаған орта және су ресурстары министрлiгi Балық шаруашылығы комитетiнің Арал-Сырдария облысаралық бассейндік балық шаруашылығы инспекциясы» республикалық мемлекеттiк мекемесi;

республиканское государственное учреждение «Арало-Сырдарьинская межобластная бассейновая инспекция рыбного хозяйства Комитета рыбного хозяйства Министерства окружающей среды и водных ресурсов Республики Казахстан».

10. Осы Ереже Инспекцияның құрылтай құжаты болып табылады.

11. Инспекцияның қызметiн қаржыландыру республикалық бюджет қаражаты есебінен жүзеге асырылады.

12. Инспекцияның жұмыс режимі Қазақстан Республикасы еңбек заңнамасына сәйкес оның жұмыс регламентімен белгіленеді.

13. Инспекцияның функциялары болып табылатын мiндеттердi орындау мәнiне Инспекцияға кәсiпкерлiк субъектілерiмен шарттық қатынастарға түсуге тыйым салынады.

Егер Инспекцияға Қазақстан Республикасының заңнамалық актілермен кiрiс әкелетiн қызметтi жүзеге асыру құқығы берілсе, онда осындай қызметтен алынған кiрiстер республикалық бюджеттiң кiрiсiне жiберiледi.

14. Инспекция:

1) Бақылау-инспекциялық жұмысы бөлімінен;

2) Ихтиологиялық мониторинг және балық аулауды реттеу бөлімінен;

3) Қаржылық және ұйымдастыру-құқықтық жұмыс бөлімінен;

4) Арал балық инспекциясы бөлімінен;

5) Шардара балық инспекциясы бөлімінен;

6) Қызылорда облысы бойынша балық инспекция бөлімінен тұрады.

15. Инспекцияның міндеті: балық ресурстары мен басқа су жануарларын қорғау, өсімін молайту және пайдалану саласындағы мемлекеттік саясатын іске асыру.

Функциялары:

1) Инспекцияның бюджеттік өтінімін дайындау, оны Комитетке ұсыну, сондай-ақ өзге де бюджеттік процесстердің рәсімдерін орындауды қамтамасыз етеді;

2) мемлекеттік сатып алу саласындағы Қазақстан Республикасының заңнамасына сәйкес мемлекеттік сатып алу рәсімдерін ұйымдастырады және өткізеді;

3) өзінің құзыреті мәселелері бойынша болжау жасалып отырған жобалардың редакцияларын қоса тіркеп, Қазақстан Республикасының нормативтік құқықтық актілерін әзiрлеу немесе оларға өзгерiстер мен толықтырулар енгiзу жөнінде ұсыныстар енгізеді.