Қазақстан Республикасының халқын құжаттандыру және тіркеу мәселелері бойынша мемлекеттік көрсетілетін қызметтер стандарттарын бекіту туралы Қазақстан Республикасы Үкіметінің 2014 жылғы 24 ақпандағы № 132 қаулысы

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңы 6-бабының 3) тармақшасына сәйкес Қазақстан Республикасының Үкіметі ҚАУЛЫ ЕТЕДІ :

1. Қоса беріліп отырған:

1) «Қазақстан Республикасының азаматтарына паспорттар, жеке куәліктер беру» мемлекеттік көрсетілетін қызмет стандарты;

2) «Қазақстан Республикасының азаматтарына уақытша жеке куәлік беру» мемлекеттік көрсетілетін қызмет стандарты;

3) «Қазақстан Республикасының азаматтарын тұрғылықты жері бойынша тіркеу» мемлекеттік көрсетілетін қызмет стандарты;

4) «Қазақстан Республикасының азаматтарын тұрғылықты жері бойынша тіркеу есебінен шығару» мемлекеттік көрсетілетін қызмет стандарты;

5) «Тұрғылықты жерінен мекенжай анықтамаларын беру» мемлекеттік көрсетілетін қызмет стандарты бекітілсін.

2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі                      С. Ахметов 

1. «Қазақстан Республикасының азаматтарына паспорттар, жеке куәліктер беру» мемлекеттік көрсетілетін қызметі (бұдан әрі – мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Ішкі істер министрлігі (бұдан әрі – Министрлік) әзірледі.

3. Мемлекеттік қызметті көрсетілетін қызметті алушының тұрақты тіркелген орны бойынша Министрліктің аумақтық көші-қон полициясының бөлімшелері (бұдан әрі – көрсетілетін қызметті беруші) көрсетеді.

Мемлекеттік қызмет көрсетуге құжаттар қабылдау:

Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және халыққа қызмет көрсету орталықтары қызметін үйлестіру комитетінің «Халыққа қызмет көрсету орталығы» (бұдан әрі – орталық) шаруашылық жүргізу құқығындағы республикалық мемлекеттік кәсіпорнындағы «Халықты құжаттандыру және тіркеу» тіркеу пункті» ақпараттық жүйесі (бұдан әрі – ХҚТ ТП АЖ) арқылы көрсетілетін қызметті беруші;

дайындаудың жаңа технологиясына сәйкес құжаттардың түр өзгерісіне байланысты жеке басын куәландыратын құжатты ауыстыру кезінде – «электрондық үкіметтің» www.egov.kz веб-порталы (бұдан әрі – портал) арқылы жүзеге асырылады.

Мемлекеттік қызмет көрсету нәтижелерін беру орталық арқылы, құжаттар портал арқылы қабылданған кезде – көрсетілетін қызметті беруші арқылы жүзеге асырылады.

• 2

4. Мемлекеттiк қызмет көрсету мерзiмдерi:

1) көрсетілетін қызметті берушіге орталыққа қажетті құжаттарды тапсырған сәттен бастап, сондай-ақ порталға өтініш берген кезде – күнтізбелік отыз күннен кешіктірмей.

Құжаттарды жеделдетілген тәртіппен алу үшін көрсетілетін қызметті берушіге орталыққа өтініш берген кезде – 7 (жеті), 10 (он) және 15 (он бес) жұмыс күні ішінде (қабылдау күні мемлекеттiк қызмет мерзiмiне кiрмейдi);

2) құжаттарды тапсыру үшін күтудің рұқсат етiлетін ең ұзақ уақыты – 15 (он бес) минуттан аспайды;

3) көрсетілетін қызметті алушыға қызмет көрсетудің рұқсат етілетін ең ұзақ уақыты – 30 (отыз) минут.

5. Мемлекеттiк қызмет көрсету нысаны: электрондық (ішінара автоматтандырылған) және (немесе) қағаз түрінде.

6. Мемлекеттік қызмет көрсету нәтижесі – Қазақстан Республикасы азаматының паспорты және (немесе) жеке куәлігі.

Мемлекеттік қызмет көрсету нәтижесін ұсыну нысаны: қағаз түрінде.

Дайын құжаттарды берудi орталықтың қызметкерлері көрсетілетін қызметті алушы жеке өзі немесе оның заңды өкілі не нотариалды куәландырылған сенімхат бойынша сенімді адамы орталыққа өтініш берген кезде өтінімді тіркеу талонының негізінде жүзеге асырады.

Портал арқылы ресімделген дайын құжаттарды беруді көрсетілетін қызметті алушы орталыққа жеке өзі өтініш берген жағдайда паспорттың және (немесе) жеке куәліктің дайын екендігі туралы көрсетілетін қызметті алушының «жеке кабинетіндегі» хабарлама негізінде көрсетілетін қызметті беруші жүзеге асырады.

7. Мемлекеттiк қызмет ақылы түрде көрсетiледi.

Мемлекеттiк баж заңдық мәнi бар iс-әрекеттер жасалған және (немесе) құжаттар берiлген жердегi бюджетке банктік мекемелер арқылы «Салық және бюджетке төленетiн басқа да мiндеттi төлемдер туралы» 2008 жылғы 10 желтоқсандағы Қазақстан Республикасы Кодексінің (Салық кодексi) 540-бабында белгiленген мөлшерде төленедi.

Қазақстан Республикасы азаматының паспортын бергенi үшiн мемлекеттік баж көлемі 400 пайызды, ал Қазақстан Республикасы азаматының жеке куәлігiн бергені үшін мемлекеттік баж төленген күнге белгіленген ең төменгі есептік көрсеткіштің 20 пайызын құрайды.

Жеделдетілген тәртіппен жеке куәлік және (немесе) паспорт берген кезде мемлекеттік монополия саласындағы заңнамаға сәйкес белгіленген қосымша төлем алынады. Белгіленген тарифтердің мөлшері осы мемлекеттік көрсетілетін қызмет стандартының 13-тармағында көрсетілген Министрліктің интернет-ресурсында орналастырылған.

Мемлекеттік көрсетілетін қызметті портал арқылы алуға электрондық сұрау салған кезде төлем «электрондық үкіметтің» төлем шлюзі (бұдан әрі – ЭҮТШ) арқылы жүзеге асырылады.

8. Жұмыс кестесі:

1) көрсетілетін қызметті берушінің – дүйсенбіден бастап сенбіні қоса алғанда (дүйсенбі – жұма, сағат 9.00-ден 18.30-ға дейін, сенбіде – түскі асқа үзіліссіз сағат 9.00-ден 13.00-ге дейін), демалыс – Қазақстан Республикасының еңбек заңнамасына сәйкес жексенбі және мереке күндерi.

2) орталықтың – Қазақстан Республикасының еңбек заңнамасына сәйкес жексенбі және мереке күндерiн қоспағанда, дүйсенбіден бастап сенбіні қоса алғанда түскі асқа үзіліссіз, сағат 9.00-ден 20.00-ге дейін.

Қабылдау «электронды кезек» тәртібінде жеделдетіп қызмет көрсетусіз жүзеге асырылады, «электронды кезекті» портал арқылы брондауға болады;

3) порталдың – тәулік бойы (жөндеу жұмыстарын жүргізуге байланысты техникалық үзілістерді қоспағанда).

• 2

9. Көрсетілетін қызметті алушы жеке өзi (сот әрекетке қабілетсіз деп таныған балалар және азаматтар үшін олардың заңды өкiлдерi (ата-анасы, қамқоршылары, қорғаншылары) өтініш берген кезде мемлекеттік қызметті көрсету үшін қажетті құжаттар тізбесі:

орталықта көрсетілетін қызметті берушіге:

1) құжат үшiн мемлекеттiк баждың төленгенi туралы түбiртек (мемлекеттiк баж төлеуден босатылған адамдар растайтын құжаттарын ұсынады);

2) өлшемі 3,5 х 4,5 см (қағаз жеткізгіште ресімделген кезде) екі фотосурет;

Қағаз жеткізгіште ресiмделген кезде көрсетілетін қызметті алушы құжатты ресiмдеген сәтте көрсетілетін қызметті алушының жасына сәйкес келетiн, қатаң түрде жарық жерде алдынан түсiрiлген, адамның бейтарап және аузын жауып түскен, бетi фотосуреттiң жалпы ауданының 75 %-ға жуығын алатын фотосуреттер ұсынады.

Фотосуреттер бiр негативтен қалың фотоқағазға фото басып шығару әдiсiмен орындалады. Компьютерлiк сканерлеу, модельдеу немесе ксерокөшiрме әдiсiмен дайындалған суреттердi пайдалануға жол берiлмейдi.

ХҚТ ТП АЖ арқылы мемлекеттік қызметті көрсету кезінде көрсетілетін қызметті алушыны фотосуретке түсіру ХҚТ ТП АЖ-да халықаралық стандарттардың талаптарына сәйкес және ақысыз жүргізіледі. Көрсетілетін қызметті алушының фотобейнесі электрондық формулярға фотосуретке түсіру, қолтаңба сканері арқылы көрсетілетін қызметті алушының қолтаңбасы енгізіледі;

3) мына құжаттардың бiрi: