Мемлекеттік қызметтер регламенттерін бекіту туралы Қазақстан Республикасы Сыртқы істер министрінің м.а. 2014 жылғы 19 наурыздағы № 08-1-1-1/87 бұйрығы. Қазақстан Республикасы Әділет министрлігінде 2014 жылы 29 сәуірде № 9364 тіркелді

«Мемлекеттiк қызмет туралы» 2013 жылғы 15 сәуірдегі Қазақстан Республикасы Заңының 10-бабы 2-тармағына сәйкес БҰЙЫРАМЫН:

1. Қоса берiлiп отырған:

1) «Шетелдердегі Қазақстан Республикасының азаматтарына паспорттарды ресімдеу және олардың паспорттарына қажетті белгілер енгізу» мемлекеттік қызмет регламенті;

2) «Қазақстан Республикасының шетелдердегі мекемелерінің Қазақстан Республикасының азаматтығынан шығу жөніндегі құжаттарды ресiмдеуі» мемлекеттік қызмет регламенті;

3) «Шетелде Қазақстан Республикасының азаматтарын есепке алу» мемлекеттік қызмет регламенті;

4) «Қазақстан Республикасының шетелдердегі азаматтарының азаматтық хал актілерін тіркеу» мемлекеттік қызмет регламенті;

5) «Қазақстан Республикасына кіруге визалар беру, олардың мерзімдерін ұзарту және Қазақстан Республикасының аумағы арқылы транзиттік өту» мемлекеттік қызмет регламенті;

6) «Шетелдіктерге асырап алуға берілген Қазақстан Республикасының азаматтары болып табылатын балаларды есепке алу» мемлекеттік қызмет регламенті;

7) «Қазақстан Республикасының қызметтік паспорттарын беру» мемлекеттік қызмет регламенті;

8) «Консулдық заңдастыру» мемлекеттік қызмет регламенті;

9) «Кеме шетелде сатып алынған жағдайда Қазақстан Республикасының Мемлекеттiк туын көтеріп жүзу құқығына уақытша куәлiк беру» мемлекеттік қызмет регламенті;

10) «Қазақстан Республикасының кемелеріне қатысты Қазақстан Республикасының заңдарында немесе Қазақстан Республикасы қатысушысы болып табылатын халықаралық шарттарда көзделген кез келген декларацияны немесе басқа құжатты жасау немесе куәландыру» мемлекеттік қызмет регламенті;

11) «Қазақстан Республикасының шетелдегі кемелері апатқа ұшыраған жағдайда, теңіз наразылығы туралы акт жасау» мемлекеттік қызмет регламенті бекітілсін.

2. «Мемлекеттік қызметтер регламенттерін бекіту туралы» Қазақстан Республикасы Сыртқы істер министрінің 2013 жылғы 12 ақпандағы № 08-1-1-1/42-1 бұйрығының күші жойылды деп танылсын (Қазақстан Республикасының Әділет министрлігінде № 8372-мен тіркелген, «Егемен Қазақстан» газетінде 2013 жылы 15 мамырда № 126 (28065), «Казахстанская правда» газетінде 2013 жылы 15 мамырда № 164-165 (27438-27439) жарияланған).

3. Консулдық қызмет департаменті осы бұйрықтың заңнамада белгіленген тәртіпте Қазақстан Республикасы Әділет министрлігінде

мемлекеттік тіркелуін, бұқаралық ақпарат құралдарында ресми жариялануын және Қазақстан Республикасы Сыртқы істер министрлігінің интернет-ресурсында орналастырылуын қамтамасыз етсін.

4. Осы бұйрық алғашқы ресми жарияланған күннен кейін күнтізбелік он күн өткен соң қолданысқа енгізіледі.

Министрдің міндетін атқарушы               Р.Жошыбаев 

1. Мемлекеттік көрсетілетін қызметті осы мемлекеттік көрсетілетін қызмет регламентіне 1-қосымшада көрсетілген Қазақстан Республикасының шетелдердегі мекемелері (бұдан әрі – көрсетілетін қызметті беруші) көрсетеді.

2. Мемлекеттік қызмет көрсету нысаны: қағаз түрінде.

3. Мемлекеттік қызмет көрсету нәтижесі – Қазақстан Республикасы азаматының паспортын ресімдеу не паспортқа жазба енгізу.

4. Көрсетілетін қызметті алушының өтініші мемлекеттік қызмет көрсету жөніндегі рәсімді (іс-қимылды) бастау үшін негіз болып табылады.

5. Мемлекеттік қызмет көрсету процесі мынадай рәсімдерден тұрады:

1) Қазақстан Республикасы Үкіметінің 2014 жылғы 24 ақпандағы № 145 қаулысымен бекітілген «Шетелдердегі Қазақстан Республикасының азаматтарына паспорттарды ресімдеу және олардың паспорттарына қажетті белгілер енгізу» мемлекеттік қызмет стандартының (бұдан әрі-стандарт) 2-бабының 4 тармағына сәйкес паспортты ресімдеу бойынша:

1-ші процесс – көрсетілетін қызметті берушінің құжаттарды қабылдауы, тіркеуі;

2-ші процесс – көрсетілетін қызметті берушінің құжаттарды тексеруі;

3-ші процесс - құжаттарды тексеру, ресімдеу және дипломатиялық пошта арналары арқылы Қазақстан Республикасының Сыртқы істер министрлігіне (ҚР СІМ) одан әрі Қазақстан Республикасының Ішкі істер министрлігіне (ҚР ІІМ) қарастыру үшін жолдауы.

4-ші процесс - құжаттарды ІІМ-ге жолдауы;

5-ші процесс – ІІМ-нің құжаттарды тексеруі, паспорттарды дайындауы және құжаттарды СІМ-ге жолдауы;

6-ші процесс – СІМ-нің ІІМ-мен алынған құжаттарды тексеруі дайындауы және көрсетілетін қызметті берушіге жолдауы;

7-ші процесс – СІМ-нен келіп түскен құжаттарды алу және дайын паспорттарды көрсетілетін қызметті алушыға қолма-қол беру.

2) Стандарттың 2-бабының 4 тармағына сәйкес паспортқа жазба енгізу бойынша:

1-ші процесс – өтініштерді, құжаттарды қабылдау және оларды тексеру;

2-ші процесс – паспортқа белгілер енгізу үшін құжаттарды дайындау және оларға қол қою;

3-ші процесс – белгілер енгізілген паспортты беру.

6. Мемлекеттік қызмет көрсету рәсімінің нәтижесі мынадай рәсімді орындауды бастауға негіздеме болады:

1) паспортты ресімдеу бойынша:

1-ші процесс бойынша – құжаттарды қабылдау туралы өтініштің көшірмесіне белгі қою;

2-ші процесс бойынша – көрсетілетін қызметті берушінің СІМ-ге ілеспе хаты;

3-ші процесс бойынша – СІМ-нің ІІМ-не ілеспе хаты;

4-ші процесс бойынша – ІІМ-нің СІМ-не ілеспе хаты;

5-ші процесс бойынша – СІМ-нің көрсетілетін қызметті берушіге ілеспе хаты.

2) паспортқа жазба енгізу үшін:

1-ші процесс бойынша – құжаттарды қабылдау туралы өтініштің көшірмесіне белгі қою;

2-ші процесс бойынша - паспортқа жазба енгізу.