Қазақстан Республикасы Үкіметінің "Мемлекеттік көрсетілетін қызметтер тізілімін бекіту туралы" 2013 жылғы 18 қыркүйектегі № 983 және "Мемлекеттік көрсетілетін қызметтер тізілімін жүргізу қағидаларын бекіту туралы" 2013 жылғы 3 тамыздағы № 779 қаулыларына өзгерiстер мен толықтырулар енгізу туралы Қазақстан Республикасы Үкіметінің 2014 жылғы 27 мамырдағы № 553 қаулысы

Қазақстан Республикасының Үкіметі ҚАУЛЫ ЕТЕДІ:

1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) «Мемлекеттік көрсетілетін қызметтер тізілімін бекіту туралы» Қазақстан Республикасы Үкіметінің 2013 жылғы 18 қыркүйектегі № 983 қаулысында (Қазақстан Республикасының ПҮАЖ-ы, 2013 ж., № 55, 769-құжат):

көрсетiлген қаулымен бекiтiлген мемлекеттік көрсетiлетiн қызметтер тізілімінде:

реттік нөмірі 7-жолда:

3-баған мынадай редакцияда жазылсын:

«Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша адамның қылмыс жасағаны туралы мәліметтердің болуы не болмауы туралы ақпарат беру»;

6-баған мынадай редакцияда жазылсын:

«БП ҚСАЕК, БП ҚСАЕК аумақтық басқармалары»;

7-баған мынадай редакцияда жазылсын:

«ХҚО, «электрондық үкіметтің» веб-порталы»;

реттік нөмірі 8-жолда:

3-баған мынадай редакцияда жазылсын:

«Құжаттарды қабылдау және оларды Қазақстан Республикасының шет елдерде жүрген азаматтарына паспорттар жасауға жіберу және олардың паспорттарына қажетті жазбалар енгізу»;

6-баған мынадай редакцияда жазылсын:

«Қазақстан Республикасының шетелдегі мекемелері, ІІМ»;

реттік нөмірі 12-жолдың 9-бағаны мынадай редакцияда жазылсын:

«Электронды»;

реттік нөмірі 14-жолдың 3-бағаны мынадай редакцияда жазылсын:

«Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды жүргізу құқығына куәліктер беру»;

реттік нөмірі 17-жолдың 9-бағаны мынадай редакцияда жазылсын:

«Электронды»;

реттік нөмірі 18-жолда:

3-баған мынадай редакцияда жазылсын:

«Қазақстан Республикасының азаматтарын тұрғылықты жері бойынша тіркеуден шығару»;

7-бағандағы «, «электрондық үкіметтің» веб-порталы» деген сөздер алып тасталсын;

реттік нөмірі 24-жолдың 3-бағаны мынадай редакцияда жазылсын:

«Тракторларды және олардың базасында жасалған өздiгiнен жүретiн шассилер мен механизмдердi, өздiгiнен жүретiн ауыл шаруашылығы, мелиоративтiк және жол-құрылыс машиналары мен механизмдерiн, сондай-ақ жүріп өту мүмкіндігі жоғары арнайы машиналарды сенiмхат бойынша басқаратын адамдарды тiркеу»;

реттік нөмірі 25-жолдың 7-бағаны мынадай редакцияда жазылсын:

«Облыстардың, Астана және Алматы ққ. ЖАО»;

реттік нөмірі 26-жолда:

3-баған мынадай редакцияда жазылсын:

«Дара кәсіпкерді, жекеше нотариусты, жеке сот орындаушысын, адвокатты тіркеу есебі»;

6 және 7-бағандарындағы «, ауданаралық салық басқармалары» деген сөздер алып тасталсын;

реттік нөмірі 27-жолдың 3-бағаны мынадай редакцияда жазылсын:

«Қазақстан Республикасының шегінен тыс тұрақты тұрғылықты жерге кетуге арналған құжаттарды ресімдеу»;

реттік нөмірі 30-жолдың 9-бағаны мынадай редакцияда жазылсын:

«Қағаз түрінде»;

реттік нөмірі 31-жолда:

8-баған мынадай редакцияда жазылсын:

«Тегін»;

9-баған мынадай редакцияда жазылсын:

«Қағаз түрінде»;

реттік нөмірі 34-жолдың 4-бағаны мынадай редакцияда жазылсын:

«Жеке және заңды тұлғалар»;

реттік нөмірі 38-жолдың 6 және 7-бағандарындағы «, ауданаралық салық басқармалары» деген сөздер алып тасталсын;

реттік нөмірі 39-жолда:

3-баған мынадай редакцияда жазылсын: