• Мое избранное

Отправить по почте 

Қазақстан Республикасы Президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау туралы
Қазақстан Республикасы Президентінің 2014 жылғы 26 маусымдағы № 300 Өкімі
1. Бұқаралық ақпарат құралдарының елдің экономикалық, әлеуметтік, саяси жаңғыруын ақпараттық қамтамасыз етудегі зор рөлін ескере отырып, сондай-ақ Қазақстан Республикасы Президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау жөніндегі қоғамдық комиссияның ұсынымын қарай келіп:
Қазақстан Республикасы Президентінің бұқаралық ақпарат құралдары саласындағы сыйлықтары берілсін:
Срайыл Смайылға - «Жас қазақ» газетінің бас редакторына - отандық журналистиканы және ұлттық бұқаралық ақпарат құралдарын дамытуға қосқан елеулі үлесі үшін;
Лев Юрьевич Тараковқа - «Время» қоғамдық-саяси газетінің бас редакторына - тәуелсіз Қазақстанның ақпараттық кеңістігін дамытуға бағытталған белсенді қызметі үшін;
Қазақстан Республикасы Президентінің бұқаралық ақпарат құралдары саласындағы гранттары тапсырылсын:
Ярослав Юрьевич Красиенкоға - «КТК» телеарнасының Астанадағы тілшілер бюросының жетекшісіне - елдегі экономикалық, әлеуметтік және саяси реформалар барысын белсенді түрде жариялап-көрсеткені үшін;
Жайнагүл Ұзақбайқызы Төлемісоваға - «Қазақстан» ұлттық телеарнасының тілшісіне - Қазақстан Республикасы Президентінің қызметі аясында елдің сыртқы және ішкі саясатын ақпараттық тұрғыдан жариялап, көрсеткені үшін;
Қазақстан Республикасы Президентінің бұқаралық ақпарат құралдары саласындағы Алғысы жариялансын:
«Айғақ» телерадиокомпаниясының шығармашылық ұжымына - өңірлік бұқаралық ақпарат құралдарын дамытуға қосқан үлесі, әлеуметтік-экономикалық және саяси реформаларды кеңінен жариялап-көрсеткені үшін;
«Қазконтент» акционерлік қоғамының шығармашылық ұжымына - ұлттық контентті қалыптастырып, ілгерілеткені, Интернет желісінің қазақстандық сегментін дамытқаны үшін;
«Коре ильбо» газетінің шығармашылық ұжымына - Қазақстан халқының ұлтаралық келісімін, ұлттық бірлігін нығайтуға қосқан үлесі үшін;
«Мир» мемлекетаралық телерадиокомпаниясының Қазақстан Республикасындағы ұлттық филиалының шығармашылық ұжымына - мемлекетаралық бұқаралық ақпарат құралдарын дамытуға қосқан үлесі үшін.
2. Осы Өкім бұқаралық ақпарат құралдарында жариялансын.
Қазақстан Республикасының Президенті Н. Назарбаев