Қазақстан Республикасының мемлекеттiк басқару жүйесiн жаңғырту жөнiндегi шаралар туралы Қазақстан Республикасы Президентінің 2007 жылғы 13 қаңтардағы N 273 Жарлығы

Мемлекеттiк басқару жүйесiн жаңғыртуға бағытталған әкiмшiлiк реформаны тереңдету мақсатында ҚАУЛЫ ЕТЕМIН: 

1. Мемлекеттiк басқару жүйесiн реформалаудың мынадай негiзгi қағидаттары белгiленсiн: 

1) кезеңдердiң бiртiндеушiлiгi мен дәйектiлiгi; 

2) реформалаудың алға қойылған мiндеттерiнiң кешендiлiгi және ұсынылып отырған шешiмдердiң жүйелiлiгi; 

3) транспаренттiлiк; 

4) қабылданған шешiмдердi iске асырудың тұрақты мониторингi; 

5) жұмылдырылған барлық мемлекеттiк органдардың өзара iс-қимылының тиiмдiлiгi.

2. Мемлекеттiк басқарудың тиiмдi жүйесi мыналарға негiзделсiн:

2-тармақ өзгертілді ҚР Президентінің 19.03.2010 жылғы № 954 Жарлығымен (21.01.2010 ж. редакцияны қараңыз)

1) өңiрлердiң дербестiгiн сақтау барысында орталық мемлекеттiк органдардың бақылау және қадағалау функцияларының тиiмдiлiгiн арттыру; 

2) атқарушы билiктiң әртүрлi деңгейлерi арасындағы өзара қарым-қатынастарда икемдiлiктi арттыру; 

3) мемлекеттік басқару органдары қызметінің тиімділігін кешенді бағалау;

4) мемлекеттiк қызметке неғұрлым дарынды кадрларды тарту үшiн жағдай жасау; 

5) мемлекеттiк қызметтiң оң имиджiн қалыптастыру; 

6) бюджет процесiне жаңа тәсiлдер енгiзу; 

7) мемлекеттiк менеджменттiң соңғы нәтижеге бағдарланған оңтайлы әдiстерiн енгiзу; 

8) сыбайлас жемқорлықты азайту.

3. Осы кезеңде реформалаудың басымдықтары мыналар болуға тиiс деп белгiленсiн: 

1) мемлекеттiк басқарудың процестерi мен рәсiмдерiн, сондай-ақ мемлекеттiк қызметтер көрсетудi сапалы жетiлдiру; 

2) мемлекеттiк аппарат қызметiнiң кәсiбилiгiн, тиiмдiлiгiн және оның үйлесiмдiлiгiн арттыру.

4. Қоса берiлiп отырған мемлекеттiк басқару жүйесiн жаңғырту жөнiндегi бiрiншi кезектегi iс-шаралар жоспары бекiтiлсiн. 

5. Мемлекеттік органдардың қызметін үйлестіру үшін Қазақстан Республикасы Президенті Әкімшілігі Басшысының басшылығымен осы Жарлыққа қосымшаға сәйкес құрамда әкімшілік реформа жүргізу жөніндегі ведомствоаралық комиссия құрылсын.

5-тармақ жаңа редакцияда жазылды ҚР Президентінің 27.09.2012 жылғы № 395 Жарлығына сәйкес (13.03.2012 ж. редакцияны қараңыз)

6. Қазақстан Республикасының Үкiметi: 

1) Мемлекеттiк басқарудың өзектi мәселелерiн зерделеу жөнiндегi орталық құру жөнiнде ұсыныстар енгiзсiн; 

2) осы Жарлықтың ережелерiнен туындайтын заң жобаларын әзiрлеп, Қазақстан Республикасы Парламентi Мәжiлiсiнiң қарауына енгiзсiн; 

3) осы Жарлықтан туындайтын өзге де қажеттi шараларды қабылдасын.

7. Мыналардың күшi жойылды деп танылсын: 

1) "Әкiмшiлiк реформа жөнiндегi жұмыс тобын құру туралы" Қазақстан Республикасы Президентiнiң 2006 жылғы 18 сәуiрдегi N 46a  өкiмi;

2) "Мемлекеттiк басқару жүйесiн жетiлдiруге бағытталған шараларды iске асыру жөнiндегi iс-шаралар жоспары туралы" Қазақстан Республикасы Президентiнiң 2006 жылғы 11 қыркүйектегi N 66 өкiмi;