Отправить по почте
Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу жөніндегі ведомствоаралық комиссия туралы Қазақстан Республикасы Индустрия және жаңа технологиялар бірінші вице-министрінің 2013 жылғы 30 сәуірдегі № 141 бұйрығы
Осы Бұйрық күшін жойды ҚР Инвестициялар және даму министрінің 30.04.2015 жылғы № 572 Бұйрығына сәйкес
Редакция 11.06.2014 жылы берілген өзгерістер мен толықтырулармен
Қазақстан Республикасы Үкіметінің 2012 жылғы 9 шілдедегі № 922 қаулысымен бекітілген Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу қағидаларының 3-тармағына сәйкес, БҰЙЫРАМЫН:
1. Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу жөніндегі ведомствоаралық қомиссия (бұдан әрі - Комиссия) осы бұйрыққа 1-қосымшаға сәйкес құрамда құрылсын.
2. Комиссия туралы ереже осы бұйрыққа 2-қосымшаға сәйкес бекітілсін.
3. Осы бұйрықтың орындалуын бақылау Қазақстан Республикасының Индустрия және жаңа технологиялар вице-министрі Н.Е. Сауранбаевқа жүктелсін.
4. Осы бұйрық қол қойылған күнінен бастап күшіне енеді.
Бірінші вице-министр А. Рау
Қазақстан Ресбуликасының Индустрия және жаңа технологиялар бірінші вице-министрінің 2014 жылғы 30 сәуірдегі № 141 бұйрығына 1-қосымша
1-қосымша өзгертілді ҚР Индустрия және жаңа технологиялар бірінші вице-министрінің м.а. 11.06.2014 жылғы № 209 Бұйрығымен (30.04.2013 ж. редакцияны қараңыз)
«Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу жөніндегі ведомствоаралық комиссияның құрамы
| Рау Альберт Павлович
| - | Қазақстан Республикасының Индустрия және технологиялар бірінші вице-министрі, төраға |
| Сауранбаев Нұрлан Ермекұлы
| - | Қазақстан Республикасының Индустрия және технологиялар вице-министрі, төраға орынбасары |
| Сағындықова Анар Көшербайқызы
| - | «Жергілікті қамтуды дамыту жөніндегі ұлттық агенттігі «NADLoC» акционерлік қоғамының бас менеджері, хатшы |
| Байбазаров Нұрлан Серікұлы
| - | Қазақстан Республикасы Экономика және бюджеттік жоспарлау министрлігінің Экономика салаларын дамыту департаментінің директоры |
| Аиып Мадияр Төлегенұлы
| - | Қазақстан Республикасы Индустрия және технологиялар министрлігінің жергілікті қамтуды дамыту басқармасының басшысы |
| Уахитова Гүлмира Бекенқызы | - | «Жергілікті қамтуды дамыту жөніндегі ұлттық агенттігі «NADLoC» акционерлік қоғамы төрағасының орынбасары (келісім бойынша)
|
| Өтешев Нұртас Әбітайұлы
| - | «Қазақстандық стандарттау және сертификаттау институты» республикалық мемлекеттік кәсіпорнының бас директорының орынбасары (келісім бойынша) |
| Пентегова Ольга Сергеевна
| - | Қазақстан Республикасының Сауда-өнеркәсіп палатасының вице-президенті (келісім бойынша) |
| Сәбденов Қайрат Амангелдіұлы | - | Қазақстан Республикасы Ұлттық кәсіпкерлер палатасы Мемлекеттік сатып алу және жергілікті қамту департаментінің директоры (келісім бойынша) |
| Шаңқұлов Төлеген Амантайұлы
| - | «Орта Серт» жаупкершілігі шектеулі серіктестігінің директоры (келісім бойынша) |
| Закариянов Ербол Қызайбайұлы | - | «Тау-кен өндіруші және тау-кен металлургиялық кәсіпорындарының қауымдастығы» заңды тұлғалар бірлестігінің Жер қойнауын пайдалану және жергілікті қамту департаментінің директоры (келісім бойынша) |
Қазақстан Республикасы Индустрия және жаңа технологиялар бірінші вице-министрінің 2013 жылғы 30 сәуірдегі № 141 бұйрығына 2-қосымша
Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу жөніндегі ведомствоаралық қомиссия туралы ереже
1. Жалпы ережелер
1. Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу жөніндегі ведомствоаралық қомиссия (бұдан әрі - Комиссия) Қазақстан Республикасы Индустрия және жаңа технологиялар министрлігі (бұдан әрі - Министірлік) жанындағы консультативтік-кеңесші орган болып табылады.
2. Комиссия өз жұмысында Қазақстан Республикасы Конституциясын, «Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу қағидаларын бекіту туралы» Қазақстан Республикасы Үкіметінің 2012 жылғы 9 шілдедегі № 922 қаулысын, өзге нормативті құқықтық актілерді, сондай-ақ осы Ережені басшылыққа алады.
2. Комиссия қызметінің мақсаты
3. Комиссия қызметінің мақсаты Индустриялық-инновациялық қызмет субъектілерінің отандық өңделген тауарларды, жұмыстарды, көрсетілетін қызметтерді ішкі нарықта жылжыту бойынша шығындарының бір бөлігін өтеу бойынша ұсынымдар әзірлеу болып табылады.
3. Комиссия жұмысын ұйымдастыру
4. Комиссия индустриялық-инновациялық қызмет субъектiлерiнiң отандық өңделген тауарларды, жұмыстарды, көрсетiлетiн қызметтердi iшкi нарықты жылжыту бойынша шығындарының бiр бөлiгiн өтеу процесiнiң ашықтығын қамтамасыз ету үшiн мүдделi мемлекеттiк органдардың, жеке кәсiпкерлiк субъектiлерi бiрлестiктерiнің және өзге де қоғамдық ұйымдардың өкілдерінен құрылады.
5. Комиссияны Төраға басқарады, ол оның қызметіне басшылық жасайды, Комиссия отырыстарында төрағалық етеді, оның жұмысын жоспарлайды, оның шешімдерін іске асыруға жалпы бақылауды жүзеге асырады. Төраға болмаған уақытта оның функциясын орынбасары атқарады.
6. Комиссия Төрағасы:
1) Комиссия отырысын шақырту туралы шешім қабылдайды және Комиссия отырысын өткізу жоспарланған күнге дейін 2 жұмыс күнінен кешіктірмей отырыс өткізу күнін белгілейді;
2) Комиссияның жалпы жұмысын ұйымдастырады, Комиссия отырысының күн тәртібін бекітеді және оның отырыстарында төрағалық етеді;
3) осы Ережеге сәйкес өзге де функцияларды жүзеге асырады.
7. Комиссия хатшысы өз қызметі шеңберінде мыналарды жүзеге асырады:
1) Комиссия отырысын өткізуге дайындық;
2) Комиссия отырысының күн тәртібі мәселелері бойынша матераилдарды қалыптастыру;
3) Комиссия отырысының хаттамасын жүргізу;
4) Комиссия отырыстарының хаттамаларын және материалдарын сақтауды және мұрағатқа өткізуді қамтамасыз ету;
5) Комиссия мүшелерінің сұрауы бойынша Комиссия қарауына енгізілген мәселелерді шешуге арналған қосымша материалдарды жинақтауды және оны Комиссия төрағасына енгізуді ұйымдастыру.
8. Комиссия отырысы қажеттілігіне қарай, бірақ жарты жылда бір реттен кем емес өткізіледі. Комиссия отырыста оның мүшелерінің жалпы санының үштен екіден кем емес мүшесі қатысқан жағдайда, шешімдер қабылдауға құқылы.
9. Комиссия индустриялық-инновациялық қызмет субъектiсiнiң шығындардың бiр бөлiгiн өтеуге арналған өтiнiмдi (бұдан әрi - өтiнiм) және өтiнiмнiң түйiндемесiн ұсынылғаннан кейiн 7 (жетi) жұмыс күнi iшiнде оларды қарайды және уәкiлеттi органға индустриялық-инновациялық қызмет субъектiлерi шығындарының бiр бөлiгiн өтеу туралы ұсынымдарды енгiзедi.
Комиссия ұсынылған құжаттарды қарау кезiнде индустриялық-инновациялық қызмет субъектiлерi шығындарының бiр бөлiгiн өтеуге бөлiнген қаражат көлемiн ескередi.
Егер барлық ұсынылған өтiнiмдер бойынша шығындарды өтеу үшiн шығындардың бiр бөлiгiн өтеуге бөлiнген қаражат көлемi жеткiлiксiз болса, Комиссия өткен екi қаржы жылы үшiн ақшалай мәнде өнiмдердiң ең көп көлемiн жасап шығарған алушыларды ұсынады.
Өндiрiстiк көрсеткiштер тең болған жағдайда басымдық өтiнiмдi бiрiншi берген индустриялық-инновациялық қызмет субъектiсiне берiледi.
10. Комиссияның шешімі отырысқа қатысушы Комиссия мүшелерінің жалпы санынан қарапайым көп дауыспен қабылданады. Комиссияның әрбір мүшесі бір дауысқа ие. Дауыстар тең болған жағдайда төрағалық етушінің дауысы шешуші болып табылады.
Комиссия мүшелері ерекше пікір білдіруге құқылы, ол білдірілген жағдайда жазбаша түрде жазылып, Комиссия отырысының хаттамасына тіркелуі тиіс.
11. Комиссияның жұмыс органы Министрліктің Жергілікті қамтуды дамыту департаменті болып табылады. Жұмыс органы Комиссия қызметін ұйымдастырушылық-техникалық қамтамасыз етуді жүзеге асырады.
12. Комиссия отырысын өткізілгеннен кейін бес жұмыс күнінен кешіктірмей отырысқа қатысқан Комиссияның барлық мүшелері және Комиссия хатшысы қол қоятын хаттама жасалады.
13. Комиссия шешімі ұсынынымдық сипатқа ие.
14. Комиссия хатшысы отырыс хаттамасына қол қойылғаннан кейін 2 жұмыс күні ішінде оның көшірмесін Министрлікке, сондай-ақ жазбаша сұрау бойынша Комиссия мүшелеріне жібереді.
