2014 жылғы 12 маусымдағы № 12-2-и-497 хатқа қатысты
Отправить по почте
«Авторлық және сабақтас құқықтар саласындағы мемлекеттік көрсетілетін қызмет регламенттерін бекіту туралы» Қазақстан Республикасы Әділет министрінің 2014 жылғы 27 ақпандағы № 85 бұйрығына өзгерістер мен толықтырулар енгізу туралы» бұйрық жобасының құжаттамасына Қазақстан Республикасының Ұлттық кәсіпкерлер палатасының 2014 жылғы 28 шілдедегі № 7902 сараптамалық қорытындысы
Қазақстан Республикасы Әділет министрлігі
САРАПТАМАЛЫҚ ҚОРЫТЫНДЫ Қазақстан Республикасының Ұлттық кәсіпкерлер палатасы
«Авторлық және сабақтас құқықтар саласындағы мемлекеттік көрсетілетін қызмет регламенттерін бекіту туралы» Қазақстан Республикасы Әділет министрінің 2014 жылғы 27 ақпандағы № 85 бұйрығына өзгерістер мен толықтырулар енгізу туралы» Қазақстан Республикасының Әділет министрі бұйрығының жобасын қарап, келесіні хабарлаймыз.
«Авторлық құқықпен қорғалатын туындыларға құқықтарды мемлекеттік тіркеу» мемлекеттік қызметін көрсету бизнес-процестерінің анықтамалығы (бұдан әрі - жоба)бойынша.
«Авторлық және сабақтас құқықтар саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Үкіметінің 2014 жылғы 28 қаңтардағы № 34 қаулысына сәйкес, «Авторлық құқықпен қорғалатын туындыларға құқықтарды мемлекеттік тіркеу» мемлекеттік көрсетілетін қызмет стандартының 2-бөлімі 4-тармағында мемлекеттік қызметті көрсету мерзімі:
1) құжаттар топтамасын тапсырған кезден бастап – 20 (жиырма) жұмыс күні ішінде деп көрсетілген.
Сонымен қатар, Анықтамалық жобасының 5-әрекетінде өтінішті қарау және мемлекеттік қызметті көрсету нәтижесін ресімдеу құжаттар түскеннен бастап жиырма жұмыс күні ішінде жүзеге асырылады деп көрсетілген.
Осыған орай, мемлекеттік қызмет көрсету мерзімін қысқарту мақсатында, сондай-ақ мемлекеттік көрсетілетін қызмет регламентінің жобасын бекітілген стандартқа сәйкес келтіру мақсатында жобаны көрсетілген бөлігінде пысықтау қажет.
«Қолжазбаларды сақтауға тапсыру, жарияланбаған туындылардың қолжазбаларын сақтау туралы анықтамалар беру» мемлекеттік қызметін көрсету бизнес-процестерінің анықтамалығының жобасы бойынша осыған ұқсас ескерту.
«Жеке кәсіпкерлік туралы» Қазақстан Республикасының Заңы 5-бабының 5-тармағына сәйкес сараптамалық қорытындымен келіспеген жағдайда, мемлекеттік орган жеке кәсіпкерлік субъектілерінің бірлестігіне сараптамалық қорытындымен келіспеу себептерінің негіздемесі бар жауап жібереді.
Басқарма мүшесі З. Ноғайбай
Эта возможность доступна только для зарегистрированных пользователей. Пожалуйста, войдите или зарегистрируйтесь. |
|
Регистрация |