Тексеріп қарау жүргізілетін көлік инфрақұрылымы объектілерінің, оларға қатысты тексеріп қарау жүргізілмейтін адамдардың, көлік инфрақұрылымы объектілеріне әкелуге тыйым салынған заттар мен құралдардың тізбелерін бекіту туралы Қазақстан Республикасы Үкіметінің 2014 жылғы 23 шілдедегі № 817 қаулысы

«Қазақстан Республикасындағы көлік туралы» 1994 жылғы 21 қыркүйектегі Қазақстан Республикасының Заңы 24-1-бабының 10-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) тексеріп қарау жүргізілетін көлік инфрақұрылымы объектілерінің тізбесі;

2) оларға қатысты тексеріп қарау жүргізілмейтін адамдардың тізбесі;

3) көлік инфрақұрылымы объектілеріне әкелуге тыйым салынған заттар мен құралдардың тізбесі бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі К.Мәсімов

1. Қазақстан Республикасының Президенті.

2. Қазақстан Республикасының Премьер-Министрі.

3. Қазақстан Республикасының Парламенті Сенатының Төрағасы.

4. Қазақстан Республикасының Парламенті Мәжілісінің Терағасы.

5. Қазақстан Республикасының Мемлекеттік хатшысы.

6. Қазақстан Республикасының Президенті Әкімшілігінің Басшысы.

7. Қазақстан Республикасы Конституциялық Кеңесінің Төрағасы.

8. Қазақстан Республикасы Жоғарғы Сотының Төрағасы.

9. Қазақстан Республикасы Ұлттық Банкінің Төрағасы.

10. Қазақстан Республикасы Премьер-Министрінің орынбасары.

11. Қазақстан Республикасы Президентінің көмекшісі - Қауіпсіздік Кеңесінің Хатшысы.

12. Қазақстан Республикасының Бас прокуроры.

13. Қазақстан Республикасы Ұлттық қауіпсіздік комитетінің төрағасы.

14. Тармақ алынып тасталды (ескертуді қараңыз)

14-тармақ алынып тасталды ҚР Премьер-Министрінің 24.10.2019 жылғы № 799 Қаулысына сәйкес (03.09.2018 ж. редакцияны қараңыз)(өзгерту 17.11.2019 жылдан бастап қолданысқа енгізіледі)

15. Қазақстан Республикасы Президентінің Іс Басқарушысы.

16. Мемлекеттік күзет қызметінің бастығы.

17. Қазақстан Республикасының министрлері.

18. Егер жеке багажында жеке пайдалануға арналмаған немесе көлік инфрақұрылымы объектілеріне әкелуге тыйым салынған заттар мен құралдар бар деп болжауға байыпты негіздер болған жағдайларды қоспағанда, Қазақстан Республикасында аккредиттелген шетел мемлекеттерінің дипломатиялық өкілдіктерінің басшылары мен дипломатиялық персонал мүшелері, сондай-ақ егер олар Қазақстан Республикасының азаматтары болмаса, олармен бірге тұратын отбасы мүшелері. Ондай тексеріп қарау тиісті адамның қатысуымен ғана жүргізілуге тиіс.

19. Егер жеке багажында жеке пайдалануға арналмаған немесе көлік инфрақұрылымы объектілеріне әкелуге тыйым салынған заттар мен құралдар бар деп болжауға байыпты негіздер болған жағдайларды қоспағанда, Қазақстан Республикасында аккредиттелген шетел мемлекеттерінің консулдық мекемелерінің консулдық лауазымды адамдары, сондай-ақ олармен бірге тұратын отбасы мүшелері. Ондай тексеріп қарау тиісті адамның қатысуымен ғана жүргізілуге тиіс.

20. Қазақстан Республикасының тиісті халықаралық шарттарында көзделген жағдайларға сәйкес Қазақстан Республикасында аккредиттелген халықаралық ұйымдардың немесе олардың өкілдіктерінің лауазымды адамдары.

21. Қазақстан Республикасының халықаралық шарттарына сәйкес тексеріп қараудан босатылған өзге адамдар.

Көлік инфрақұрылымы объектілеріне мынадай заттар мен құралдарды әкелуге тыйым салынады:

1. Жарғыш және өлімге әкеп соқтыратын өзге де құрылғылар, жарылғыш заттар және құрамында жарылғыш заттар бар құралдар, оның ішінде:

1) саны мен орамасына қарамастан, оқ-дәрілердің барлық түрлері;

2) гранаттар, миналар және снарядтардың барлық түрлері;

3) аңшы капсюльдері (пистондары) және тұтандырғыш капсюльдер;

4) динамит, тол, аммонал, тротил және басқа да жарылғыш заттар;

5) капсюльдер, тұтандырғыштар, электр тұтандырғыштары, тұтандыратын электр тұтандырғыштар және от өткізгіш баулар;

2. Радиоактивті заттар.

3. Есірткі кұралдары.

4. Тез тұтанғыш сұйықтықтар мен заттар:

1) бензин;

2) мұнай өнімдерінің сынамалары;

3) метанол;

4) метилдік эфир;

5) күкірт көміртек;

6) эфирлер және өзге тез тұтанатын сұйықтықтар.

5. Тұтанғыш қатты заттар - су тиюі әсерінен өздігінен тұтануы және өртенуі мүмкін жылу және жанғыш газдар шығаратын заттар:

1) калий, натрий, металл кальций және олардың құймасы;

2) ақ, сары, қызыл фосфор, тұтанатын қатты заттар санатына жататын өзге де заттар;

3) органикалық тотықтар;

4) коллоидті нитроцеллюлоза.

6. Улы, қатты әсер ететін және уландыратын сұйық немесе қатты күйдегі, ыдысқа оралған заттар:

1) бруцин;

2) стрихнин;

3) тетрагидрофурфурилді спирт;

4) этиленгликоль;

5) сынап;

6) синильді қышқылдың барлық тұздары және цианды препараттар;

7) циклон;

8) цианқұймасы;

9) мышьяк ангидриді және қатты әсер ететін өзге де улы және уландыратын заттар.

7. Жұқпалы немесе биологиялық қауіпті материалдар, құрамында осылар бар заттар мен құралдар.

8. Улы және тоттанатын заттар:

1) бейорганикалық қышқылдар, соның ішінде тұз, күкірт, азот және өзге де қышқылдар;

2) фторлы-сутекті (плавикті) қышқыл және өзге де күшті қышқылдар және тоттанатын заттар.

9. Атыс (қол жауынгерлік атыс, азаматтық және қызметтік) қаруының барлық түрлері, әрекеті электр энергиясын, радиоактивті сәулеленуді және биологиялық факторларды пайдалануға негізделген қару; лақтыратын, электрлік, механикалық қару, оның ішінде ойық ұңғылы, тегіс ұңғылы, аралас, ұңғысыз травматикалық, газды, травматикалық оқ-дәрімен атылатын газды, пневматикалық сигнал беру және жаттығу қаруы, атыс қаруының бөлшектері (телескоптық көздеу құрылғылары мен көздеуішті қоспағанда).

10. Түйрегіш және кесетін қару, соғу-бытырату әрекеті бар заттар және ұшталған бұйымдар, қылыштар, үлкен пышақтар, наркескендер, палаштар, семсерлер, мачетелер, сапылар, найзалар, қанжарлар, кездіктер, стилеттер, кастеттер, кистендер, өзге де жүзі бар қарулар, балталар, жебе және жебе түріндегі зақымдайтын элементтер, оның ішінде лақтыратын жұлдызшалар, темір ілгектер, гарпундар, мұз шапқыштар, оның ішінде кез келген материалдан жасалған, әлеуетті қару ретінде пайдалануға арналған барынша берік заттар.

11. Қазақстан Республикасының заңнамасында белгіленген жағдайларды қоспағанда және тәртіппен атыс және газ қаруының ок-дәрілері, соның ішінде соғыс, жарық-дыбыс, травматикалық әрекет ететін, бос патрондар, жарақталған аң аулау патрондары.

Ескертпе:

9, 10 және 11-тармақтарда тізбеленген заттар мен құралдарды әкелу Қазақстан Республикасының қолданыстағы заңнамасында көзделген осы заттар мен нәрселерді сақтау мен алып жүруге тиісті рұқсаты болған жағдайларда жол беріледі.

1. Теміржол вокзалдары:

1) «Астана»;

2) «1 Алматы»;

3) «2 Алматы»;

4) «Қарағанды»;

5) «Ақтөбе»;

6) «Орал»;

7) «Қызылорда»;

8) «Атырау»;

9) «Маңғышлақ»;

10) «Бейнеу»;

11) «Көкшетау»;

12) «Қостанай»;

13) «Павлодар»;

14) «Шымкент»;

15) «Жамбыл»;

16) «Шу»;

17) «Семей»;

18) «Петропавл».

2. Автовокзалдары:

1) «Сапаржай - Астана»;

2) «Сайран»;

3) «Саяхат»;

4) «Көкшетау»;

5) «Талдықорған автобекеті»;

6) «Ақтөбе Сапар»;

7) «Өскемен»;

8) «Облтранском»;

9) «Тараз автобекеті»;

10) «Орал қаласының автобекеті»;

11) «Қостанай»;

12) «Салтанат»;

13) «Қарағанды Сапар»;

14) «Автовокзалсервис»;

15) «Сапаржай Павлодар»;

16) «Петропавл»;

17) «Самал»;

18) «Алаш»;

19) «ШКААВ»;

20) «Бекжан»;

21) «Атырау».

3. "Ақтау теңіз сауда порты" ұлттық компаниясы" акционерлік қоғамы.

3-тармақ жаңа редакцияда жазылды ҚР Үкіметінің 03.09.2018 жылғы № 544 Қаулысымен (24.10.2014 ж. редакцияны қараңыз)

4. Алматы қаласының метрополитен желілері.

5. Әуежайлар:

1) Нұрсұлтан Назарбаев халықаралық әуежайы;

1-тармақша жаңа редакцияда жазылды ҚР Үкіметінің 10.11.2021 жылғы № 804 Қаулысына сәйкес (24.10.2019 ж. редакцияны қараңыз) (өзгерту 23.11.2021 жылдан бастап қолданысқа енгізіледі)

2) «Алматы халықаралық әуежайы»;

3) «Петропавл халықаралық әуежайы»;

4) «ОРАЛ» халықаралық әуежайы»;

5) «Ақтөбе» халықаралық әуежайы»;

6) «Атырау халықаралық әуежайы»;

7) «Семей халықаралық әуежайы»;

8) «Әулие-Ата халықаралық әуежайы»;

9) «Ақтау халықаралық әуежайы»;

10) «Қостанай халықаралық әуежайы»;

11) «Шымкент әуежайы»;

12) «Павлодар әуежайы»;

13) «Сарыарқа» әуежайы»;

14) «Өскемен әуежайы»;

14-тармақша өзгертілді ҚР Үкіметінің 24.10.2014 жылғы № 1134 Қаулысымен (23.07.2014 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 05.11.2014 жылғы „Егемен Қазақстан„ Республикалық газетінде жарияланды

15) «Қорқыт Ата әуежайы».

5-тармақ 15-тармақшамен толықтырылды ҚР Үкіметінің 24.10.2014 жылғы № 1134 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 05.11.2014 жылғы „Егемен Қазақстан„ Республикалық газетінде жарияланды

6. «Жезқазған-эйр» авиакомпаниясының әуеайлағы".