«Бірыңғай тіркеуші есептілігінің тізбесін, нысандарын, ұсыну мерзімдері мен қағидаларын бекіту туралы» қаулы жобасы

«Қаржы нарығы мен қаржы ұйымдарын мемлекеттiк реттеу, бақылау және қадағалау туралы» 2003 жылғы 4 шілдедегі Қазақстан Республикасы Заңына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

1.Мына:

1) осы қаулының 1-қосымшасына сәйкес бірыңғай тіркеуші есептілігінің тізбесі;

2) осы қаулының 2-қосымшасына сәйкес нысан бойынша меншікті активтер есебінен сатып алынған бағалы қағаздар туралы есеп;

3) осы қаулының 3-қосымшасына сәйкес нысан бойынша меншікті активтер есебінен жасалған «кері РЕПО» және «РЕПО» операциялары туралы есеп;

4) осы қаулының 4-қосымшасына сәйкес нысан бойынша меншікті активтер есебінен орналастырылған салымдар мен ақша туралы есеп;

5) осы қаулының 5-қосымшасына сәйкес нысан бойынша басқа заңды тұлғалардың капиталына инвестициялар туралы есеп;

6) осы қаулының 6-қосымшасына сәйкес нысан бойынша шартты талаптар (міндеттемелер) туралы есеп;  

7) осы қаулының 7-қосымшасына сәйкес нысан бойынша қаржы құралдарын аударым жасау бойынша операциялар туралы есеп;

8) осы қаулының 8-қосымшасына сәйкес нысан бойынша бағалы қағаздар ұстаушылар тізілімі жүйесін жүргізу бойынша қызметтің нәтижелері туралы есеп;

9) осы қаулының 9-қосымшасына сәйкес нысан бойынша бірыңғай тіркеуші қызмет көрсететін инвестициялық қорлардың және пайларын (акцияларын) ұстаушылардың саны туралы есеп;

10) осы қаулының 10-қосымшасына сәйкес нысан бойынша бағалы қағаздармен мәмілелерді орындауға қатысатын бірыңғай тіркеушінің және филиалдарының қызметкерлері туралы мәліметтер;

11) осы қаулының 11-қосымшасына сәйкес нысан бойынша эмитенттердің дауыс беруші акциялары туралы есеп;

12) осы қаулының 12-қосымшасына сәйкес бірыңғай тіркеушінің есептілікті ұсыну қағидалары бекітілсін.

2. Бірыңғай тіркеуші Қазақстан Республикасының Ұлттық Банкіне электрондық форматта:

1) ай сайын осы қаулының 1-тармағының 11) тармақшасында көзделген есептілікті есепті айдан кейінгі айдың 10-нан кешіктірмей;

2) тоқсан сайын осы қаулының 1-тармағының 2), 3), 4), 5) және 6) тармақшаларында көзделген есептілікті – есепті тоқсаннан кейінгі айдың бесінші жұмыс күнінен кешіктірмей;

3) тоқсан сайын осы қаулының 1-тармағының 7), 8), 9) және 10) тармақшасында көзделген есептілікті – есепті тоқсаннан кейінгі айдың соңғы күнінен кешіктірмей;.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

4. Осы қаулының 13-қосымшасына сәйкес Қазақстан Республикасының нормативтік құқықтық актілерінің күші жойылғаны танылсын.

Ұлттық Банк

Төрағасы Қ. Келимбетов

КЕЛІСІЛДІ

Қазақстан Республикасы

Статистика агенттігінің төрағасы

 Ә. Смайылов _____________

 2014 жылғы «___» _________  

Тіркеуші есептілігіне:

меншікті активтер есебінен сатып алынған бағалы қағаздар туралы есеп;

меншікті активтер есебінен жасалған «кері РЕПО» және «РЕПО» операциялары туралы есеп;

меншікті активтер есебінен орналастырылған салымдар мен ақша туралы есеп;

басқа заңды тұлғалардың капиталына инвестициялар туралы есеп;

шартты талаптар (міндеттемелер) туралы есеп;  

қаржы құралдарын аударым жасау бойынша операциялар туралы есеп;

бағалы қағаздар ұстаушылар тізілімі жүйесін жүргізу бойынша қызметтің нәтижелері туралы есеп;

тіркеуші қызмет көрсететін инвестициялық қорлардың және пайларын (акцияларын) ұстаушылардың саны туралы есеп;

бағалы қағаздармен мәмілелерді орындауға қатысатын тіркеушінің және филиалдарының қызметкерлері туралы мәліметтер;

эмитенттердің дауыс беруші акциялары туралы есеп кіреді.

Индекс: 1-REG_CBSA