Назарбаев Зияткерлік мектептерінің жаратылыстану-математикалық бағыттағы кіріктірілген білім беру бағдарламаларын сынақтан өткізу және енгізу туралы Қазақстан Республикасы Білім және ғылым министрінің 2014 жылғы 3 шілдедегі № 259 бұйрығы

«Білім туралы» 2007 жылғы 27 шілдедегі Қазақстан Республикасы Заңының 14-бабының 5-тармағын іске асыру шеңберінде БҰЙЫРАМЫН:

1. Эксперименттік режимде О. Жәутіков атындағы республикалық мамандандырылған дарынды балаларға арналған физика-математика орта мектеп-интернатының базасында Назарбаев Зияткерлік мектептерінің жаратылыстану-математикалық бағыттағы кіріктірілген білім беру бағдарламалары 2015 жылғы 1 қыркүйектен бастап сынақтан өткізілсін.

2. Осы бұйрықтың орындалуын бақылау Қазақстан Республикасының Білім және ғылым вице-министрі Е.Н. Иманғалиевке жүктелсін.

3. Осы бұйрық қол қойылған күнінен бастап күшіне енеді.

Министр А. Сәрінжіпов