Қазақстан Республикасы Ішкі істер министрлігі комитеттерінің, департаменттері мен дербес басқармаларының ережелерін бекіту туралы Қазақстан Республикасы Ішкі істер министрінің 2011 жылғы 27 қазандағы № 565 бұйрығы

Қазақстан Республикасы Үкіметінің 2011 жылғы 30 қыркүйектегі № 1125 қаулысын  іске асыру мақсатында Қазақстан Республикасы Үкіметінің 2005 жылғы 22 маусымдағы № 607 қаулысымен бекітілген Қазақстан Республикасының Ішкі істер министрлігі (бұдан әрі - ІІМ) туралы ереженің 12-тармағының 16) тармақшасын  басшылыққа ала отырып, БҰЙЫРАМЫН :

1. Мыналар:

1) ІІМ Криминалдық полиция комитеті туралы ереже  осы бұйрыққа 1-қосымшаға сәйкес;

2) ІІМ Тергеу комитеті туралы ереже  осы бұйрыққа 2-қосымшаға сәйкес;

3) ІІМ Ішкі әскерлер комитеті туралы ереже  осы бұйрыққа 3-қосымшаға сәйкес;

4) ІІМ Әкімшілік полиция комитеті туралы ереже  осы бұйрыққа 4-қосымшаға сәйкес;

5) ІІМ Есірткі бизнесіне қарсы күрес және есірткі айналымын бақылау комитеті туралы ереже  осы бұйрыққа 5-қосымшаға сәйкес;

6) ІІМ Көші-қон полициясы комитеті туралы ереже  осы бұйрыққа 6-қосымшаға сәйкес;

7) ІІМ Жол полициясы комитеті туралы ереже  осы бұйрыққа 7-қосымшаға сәйкес;

8) ІІМ Қылмыстық-атқару жүйесі комитеті туралы ереже  осы бұйрыққа 8-қосымшаға сәйкес;

9) ІІМ Штаб-департаменті туралы ереже  осы бұйрыққа 9-қосымшаға сәйкес;

10) ІІМ Жедел жоспарлау департаменті туралы ереже  осы бұйрыққа 10-қосымшаға сәйкес;

11) ІІМ Кадр жұмысы департаменті туралы ереже  осы бұйрыққа 11-қосымшаға сәйкес;

12) ІІМ Жедел-криминалистикалық департаменті туралы ереже  осы бұйрыққа 12-қосымшаға сәйкес;

13) ІІМ Өзіндік қауіпсіздік департаменті туралы ереже  осы бұйрыққа 13-қосымшаға сәйкес;

14) ІІМ Тыл департаменті туралы ереже  осы бұйрыққа 14-қосымшаға сәйкес;

15) ІІМ Қаржымен қамтамасыз ету департаменті туралы ереже  осы бұйрыққа 15-қосымшаға сәйкес;

16) ІІМ Техникалық қызмет департаменті туралы ереже  осы бұйрыққа 16-қосымшаға сәйкес;

17) ІІМ Заң департаменті туралы ереже  осы бұйрыққа 17-қосымшаға сәйкес;

18) ІІМ Мемлекеттік тіл және ақпарат департаменті туралы ереже  осы бұйрыққа 18-қосымшаға сәйкес;

19) ІІМ Құжаттамалық қамтамасыз ету басқармасы туралы ереже  осы бұйрыққа 19-қосымшаға сәйкес;

20) ІІМ «Интерпол» Ұлттық орталық бюросы туралы ереже  осы бұйрыққа 20-қосымшаға сәйкес;

21) ІІМ Ішкі бақылау басқармасы туралы ереже  осы бұйрыққа 21-қосымшаға сәйкес бекітілсін.

2. Осы бұйрыққа 22-қосымшаға  сәйкес Қазақстан Республикасы Ішкі істер министрінің кейбір бұйрықтарының күші жойылды деп танылсын.

3. Астана, Алматы қалаларының, облыстардың, көліктегі департаменттердің, ІІМ білім беру ұйымдарының және дербес бөліністерінің бастықтары құрылымдық бөліністер туралы өз ережелерін Қазақстан Республикасы Үкіметінің 2011 жылғы 30 қыркүйектегі № 1125 қаулысымен  және осы бұйрықпен бекітілген үлгі нысанға сәйкес келтірсін.

4. Комитеттердің төрағалары 2011 жылдың 27 қарашасына дейінгі мерзімде заңнамамен белгіленген тәртіпте әділет органдарында құрылтай құжаттардағы өзгерістерді тіркеулерді қамтамасыз етсін.  

5. Осы бұйрықтың орындалуын бақылау Қазақстан Республикасы Ішкі істер министрінің бірінші орынбасары полиция генерал-майоры М.Ғ. Демеуовке және Кадр жұмысы департаментіне (Ә.Ж. Оразғалиев) жүктелсін.

6. Осы бұйрық қол қойылған күнінен бастап күшіне енеді.

Министр милиция генерал-майоры Қ. Қасымов

1. Қазақстан Республикасы Ішкі істер министрлігінің (бұдан әрі - ІІМ) Криминалдық полиция комитеті (бұдан әрі - Комитет) қылмысқа қарсы күрес саласында мемлекеттік саясатты іске асыруды өз құзыреті шегінде жүзеге асыратын ІІМ-нің құрылымдық бөлінісі болып табылады.

Комитеттің толық атауы - «Қазақстан Республикасы Ішкі істер министрлігінің Криминалдық полиция комитеті» мемлекеттік мекемесі.  

2. Комитет өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, Қазақстан Республикасының өзге де нормативтік құқықтық актілерін, ІІМ-нің нормативтік құқықтық актілерін және осы Ережені басшылыққа алады.

3. Комитет мемлекеттік мекеменің ұйымдастырушылық-құқықтық нысанындағы заңды тұлға болып табылады, мемлекеттік тілде өзінің атауы жазылған мөрлері мен мөртаңбалары, белгіленген үлгідегі бланкілері бар, сондай-ақ заңнамаға сәйкес Қазақстан Республикасы Қаржы министрлігінің қазынашылық органдарында шоттары болуы мүмкін.

Комитет өз атынан азаматтық-құқықтық қатынастарға түсуге құқылы.  

Комитет егер заңнамаға сәйкес бұған уәкілетті болса, мемлекет атынан азаматтық-құқықтық қатынастардың тарапы болады.  

4. Комитеттің заңды мекенжайы:

010010, Қазақстан Республикасы, Астана қаласы, Тәуелсіздік даңғылы, 1.

5. Комитет өз құзыретінің мәселелері бойынша заңнамада белгіленген тәртіппен бұйрықтар түрінде құқықтық актілер шығарады.

6. Комитеттің қызметін қаржыландыру республикалық бюджеттен жүзеге асырылады.

Комитеттің функциялары болып табылатын міндеттерді орындау тұрғысынан Комитетке кәсіпкерлік субъектілерімен шарттық қатынастарға түсуге тыйым салынады.

7. Осы Ереже Комитеттің құрылтай құжаты болып табылады.

8. Комитеттің құрылымын, штаттық санын Қазақстан Республикасының Үкіметі бекіткен Министрліктің штаттық санының лимиті шегінде Ішкі істер министрімен келісілгеннен кейін жауапты хатшы немесе жауапты хатшының өкілеттіктерін жүзеге асыратын лауазымды тұлға бекітеді.

9. Комитет:

1) басшылығынан;

2) Ұйымдастырушылық-талдамалық және «Т» қамтамасыз ету басқармасынан;