«Ұлттық электр желісі арқылы электр энергиясын беру жөніндегі қызметтерге тарифтер есептеу әдістемесін бекіту туралы» Қазақстан Республикасы Табиғи монополияларды реттеу агенттігі төрағасының 2005 жылғы 27 желтоқсандағы № 372-НҚ бұйрығына толықтырулар мен өзгерістер енгізу туралы Қазақстан Республикасы Табиғи монополияларды реттеу агенттігі төрағасының 2010 жылғы 21 маусымдағы № 212-НҚ бұйрығы

«Табиғи монополиялар және реттелетін нарықтар туралы» Қазақстан Республикасы Заңының 13-бабы 1-тармағының 4) тармақшасына, Қазақстан Республикасы Үкіметінің 2007 жылғы 12 қазандағы № 943 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 21-тармағының 6) тармақшасына сәйкес БҰЙЫРАМЫН:

1. «Ұлттық электр желісі арқылы электр энергиясын беру жөніндегі қызметтерге тарифтер есептеу әдістемесін бекіту туралы» Қазақстан Республикасы Табиғи монополияларды реттеу агенттігі төрағасының 2005 жылғы 27 желтоқсандағы № 372-НҚ бұйрығына, мынадай толықтырулар мен өзгерістер енгізілсін:

кіріспедегі «монополиялар» деген сөзден кейін «және реттелетін нарықтар» деген сөздермен толықтырылсын;

«2004 жылғы 28 қазандағы № 1109», «18-тармағының 1) тармакшасына» деген сөздер тиісінше «2007 жылғы 12 қазандағы № 943», «21-тармағының 6) тармақшасына» деген сөздермен ауыстырылсын;

көрсетілген бұйрықпен бекітілген ұлттық электр желісі арқылы электр энергиясын беру жөніндегі қызметтерге тарифтер есептеу әдістемесінде:

1-тармақтағы «монополиялар» деген сөзден кейін «және реттелетін нарықтар» деген сөздермен толықтырылсын;

3-тармақтың 1), 2), 3), 4), 5), 6), 9) тармақшалары алып тасталсын;

4, 5, 6, 7-тармақтар алып тасталсын;

2-бөлімнің тақырыбындағы «аймақтық» деген сөз алып тасталсын;

8-тармақ мынадай редакцияда жазылсын:

«8. Ұлттық электр желісі арқылы (оның ішінде транзиттік және экспортталатын) электр энергиясын беруді жүзеге асыратын тұтынушылар үшін қолданылатын электр энергиясын беру жөніндегі қызметтерге арналған тариф мына формула бойынша есептеледі:

мұндағы:

Т - ұлттық электр желісі арқылы (оның ішінде транзиттік және экспортталатын) электр энергиясын беруді жүзеге асыратын тұтынушылар үшін қолданылатын электр энергиясын беру жөніндегі қызметтерге арналған тариф (теңге/кВт.ч);

Z - заңнамада белгіленген тәртіппен айқындалатын ұлттық электр желісі арқылы электр энергиясын беру жөніндегі қызметтерге арналған Компанияның жалпы шығындары (млн. теңге);

Р - Қазақстан Республикасының заңнамасында белгіленген тәртіппен айқындалатын электр энергиясын беру жөніндегі қызметтерді көрсеткен кезде Компанияның тиімді қызмет етуіне қажетті пайда деңгейі (млн. теңге);

Wсум - шарттар мен келісімшарттар бойынша мәлімделген ұлттық электр желісі арқылы электр энергиясын берудің жиынтықты көлемі (млн. кВт.сағ.).»;

9-тармақ мынадай редакцияда жазылсын:

«9. Ұлттық электр желісі арқылы (оның ішінде транзиттік және экспортталатын) электр энергиясын беру жөніндегі қызметтердің j тұтынушылары үшін төлем (Пj) мына формула бойынша есептеледі:

Wj  - ұлттық электр желілері арқылы берілген j тұтынушының электр энергиясын берудің жиынтықты көлемі (кВт.сағ.).»;

10, 11-тармақтар алып тасталсын;

1, 2, 3-қосымшалар алып тасталсын.

2. Қазақстан Республикасы Табиғи монополияларды реттеу агенттігінің Әкімшілік жұмысы департаменті (Е.О. Есіркепов) осы бұйрықты Қазақстан Республикасы Табиғи монополияларды реттеу агенттігінің құрылымдық бөлімшелерінің, аумақтық органдарының, облыстардың жергілікті атқарушы органдарының (республикалық маңызы бар қалалар, астаналар), Қазақстан Республикасының Индустрия және жаңа технологиялар министрлігінің, «KEGOC» электр желілерін баскқару жөніндегі қазақстанның компаниясы» акционерлік қоғамының назарына жеткізсін.

3. Осы бұйрықтың орындалуын бақылау Қазақстан Республикасы Табиғи монополияларды реттеу агенттігі төрағасының орынбасары А.В. Шкарупаға жүктелсін.

4. Осы бұйрық қол қойылған күнінен бастап күшіне енеді.

Төраға Н. Алдабергенов