Қазақстан Республикасы Тұтынушылардың құқықтарын қорғау агенттігі төрағасының 2014 жылғы 20 маусымдағы № 145 бұйрығына 4-қосымша

Мемлекеттік көрсетілетін қызметті Қазақстан Республикасы Тұтынушылардың құқықтарын қорғау агенттігі және оның аумақтық бөлімшелері (бұдан әрі – көрсетілетін қызмет беруші):

1)Агенттік:

елде аналогтары жоқ, жаңа, жеткілікті зерделенбеген технологиялары бар өнеркәсіптік және азаматтық мақсаттағы объектілерді салу және қайта жаңарту; 

санитариялық сыныптамаға енгізілмеген, сондай-ақ жаңа, жеткілікті зерделенбеген технологиялары бар, елде аналогтары жоқ қауіптіліктің І және ІІ сыныбының өнеркәсіптік объектілері және өндірістері үшін санитариялық-қорғаныш аймақтарын белгілеу және түзету бойынша құжаттамалардың;

шикізаттың және тамақ өнімдерінің жаңа түрлеріне арналған стандарттар мен нормативтік құжаттардың;

дезинфекциялау, дезинсекциялау және дератизациялау құралдарына, медициналық иммундық-биологиялық препараттарға арналған стандарттар мен нормативтік құжаттардың жобаларына санитариялық-эпидемиологиялық қорытынды береді.

2)Агенттіктің облыстар, Астана, Алматы қалаларының, Көліктегі департаменттері:

санитариялық сыныптамаға енгізілмеген, сондай-ақ жаңа, жеткілікті зерделенбеген технологиялары бар, елде аналогтары жоқ қауіптіліктің І және ІІ сыныбының өнеркәсіптік объектілері және өндірістері үшін қоршаған ортаға зиянды заттардың және физикалық факторлардың рұқсат етілген шекті шығарындылары мен рұқсат етілген шекті төгінділерін белгілеу және түзету бойынша құжаттамалар бойынша;

осы тармаққа 1-қосымша көрсетілген объектілерді қоспағанда қауіптіліктің барлық сыныптарындағы өнеркәсіптік объектілері үшін санитариялық-қорғаныш аймақтарын белгілеу және түзету бойынша; 

сумен жабдықтау көздерінің санитариялық-қорғаныш аймағын түзету (қысқарту немесе ұлғайту) бойынша; 

азық-түлік шикізатымен, тағам өнімдерімен және ауызсумен, парфюмерлік-косметикалық және кеңінен қолданылатын басқа тауарлармен, жабдықтармен, аспаптармен және жұмыс құрал-саймандарымен жанасатын азық-түлік шикізатқа, өнеркәсіптік өнімдерге, құрылыс материалдарына, иондаушы сәулелену көздеріне, химиялық заттарға және өнімдерге, биологиялық заттар мен дәрілік өнімдерге, ыдыстарға, қаптама және полимер материалдарына арналған стандарттар мен нормативтік құжаттардың жобаларына санитариялық-эпидемиологиялық қорытынды береді.

3)Агенттік Департаменттерінің аумақтық (қалалық, аудандық) бөлімшелері:

осы тармаққа 2-қосымша көрсетілген объектілерді қоспағанда қауіптіліктің барлық сыныптарындағы өнеркәсіптік объектілері және өндірістері үшін қоршаған ортаға зиянды заттардың және физикалық факторлардың рұқсат етілген шекті шығарындылары мен рұқсат етілген шекті төгінділерін белгілеу және түзету бойынша құжаттамалар жобаларына;

өнеркәсіптік және азаматтық мақсаттағы объектілерді салу және қайта жаңарту;

сумен жабдықтау көздерінің санитариялық қорғау аймағын белгілеу; 

геологиялық зерттеулер;

елді мекендер құрылысын жоспарлау;

жұмыстар, қызметтер жобаларына санитариялық-эпидемиологиялық қорытынды береді.

Мемлекеттік көрсетілетін қызмет:

1)көрсетілетін қызметті берушінің кеңсесі арқылы:

2)Қазақстан Республикасы Көлік және коммуникация министрлігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі – Орталық) арқылы;

3)www.e.gov.kz  «электрондық үкімет» веб-порталы (бұдан әрі – портал) арқылы көрсетеді.

Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

Мемлекеттік қызметті көрсету нәтижесі: уәкілетті адамның электрондық цифрлық қолтаңбасымен (бұдан әрі – ЭЦҚ) куәландырылған қағаз жеткізгіштегі не электрондық құжат нысанындағы санитариялық-эпидемиологиялық қорытынды.