Қазақстан Республикасы Тұтынушылардың
құқықтарын қорғау агентігі төрағасының
2014 жылғы 20 маусымдағы № 145 бұйрығына
5-қосымша
«Микробиологиялық зертханаларға патогендігі 1-4-топтардағы қоздырғыштармен жұмыс істеуге рұқсат беру» мемлекеттік көрсетілетін қызмет регламенті
Мемлекеттік көрсетілетін қызметті Қазақстан Республикасы Тұтынушылардың құқықтарын қорғау агенттігінің Орталық режимдік комиссиясы және оның облыстар, Астана, Алматы қалаларының аумақтық бөлімшелері (бұдан әрі – көрсетілетін қызмет беруші) көрсетілетін қызметті берушінің кеңсесі арқылы көрсетіледі.
Мемлекеттік қызмет көрсету нысаны – қағаз түрінде.
Мемлекеттік қызмет көрсету нәтижесі: микробиологиялық зертханаларға патогендігі 1-4 топтардағы қоздырғыштармен жұмыс істеуге рұқсат беру.
2. Мемлекеттік қызметті көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимылының тәртібін сипаттау
Мемлекеттік көрсетілетін қызмет бойынша рәсімдердің (іс-қимылдың) басталуы үшін негіздеме көрсетілетін қызметті алушының (немесе сенімхат бойынша оның өкілінің) Қазақстан Республикасы Үкіметінің 2014 жылғы 22 мамырдағы № 533 қаулысымен бекітілген «Микробиологиялық зертханаларға патогендігі 1-4-топтардағы қоздырғыштармен жұмыс істеуге рұқсат беру» мемлекеттік көрсетілетін қызмет стандартының (бұдан әрі – Стандарт) 9-тармағында көзделген өтінішін және құжаттарын көрсетілетін қызметті берушінің алуы болып табылады.
Мемлекеттік қызметті көрсету процесiнiң құрамына кiретiн әрбiр рәсiмнiң (iс-қимылдың) мазмұны, оны орындаудың ұзақтығы:
1)көрсетілетін қызметті беруші кеңсесінің қызметкері 15 (он бес) минут ішінде мемлекеттік қызметті көрсетуге қажетті құжаттарды қабылдауды жүзеге асырады, стандартқа 2-қосымшаға сәйкес талон береді, құжаттардың келіп түскен сәтінен бастап 2 (екі) сағат ішінде оларды тіркейді және көрсетілетін қызметті берушінің басшылығына қарауға береді;
2)көрсетілетін қызметті берушінің басшылығы 4 (төрт) сағат ішінде көрсетілетін қызметті алушының өтінішін және мемлекеттік қызметті көрсету үшін қажетті құжаттарды қарайды, қарар қояды және оларды көрсетілетін қызметті беруші басқармасының/бөлімінің басшысына береді;
3)көрсетілетін қызметті беруші басқармасының/бөлімінің басшысы 2 (екі) сағат ішінде көрсетілетін қызметті алушының өтінішін және мемлекеттік қызметті көрсету үшін қажетті құжаттарын қарайды, қарар қояды және жауапты орындаушыға қарауға береді;
4)жауапты орындаушы 7 (жеті) жұмыс күнінің ішінде құжаттарды қарайды, мемлекеттік қызметті көрсетудің нәтижесін ресімдейді және биологиялық қауіпсіздік талаптарының сақталуын бақылау жөніндегі комиссияның қарауына енгізеді;
5)Биологиялық қауіпсіздік талаптарының сақталуын бақылау жөніндегі комиссия 2 (екі) жұмыс күні ішінде мемлекеттік қызмет көрсету нәтижесін қарап, бұрыштама қояды және көрсетілетін қызмет берушінің жауапты орындаушысына береді;