2009 жылғы 17 қаңтардағы РК-МТ-5№005883,
2009 жылғы 17 қаңтардағы РК-МТ-5№005884,
2009 жылғы 17 қаңтардағы РК-МТ-5№005885
нөмірлерімен тіркелген медицинаға арналған
бұйымдарды медицинада қолдануға
уақытша тыйым салу туралы
Қазақстан Республикасының «Дәрі-дәрмектік заттар туралы» Заңы 32-2-бабының 2) және 3)-тармақшаларына, Қазақстан Республикасы Денсаулық сақтау министрінің 2003 жылғы 25 тамыздағы «Қазақстан Республикасында дәрі-дәрмектерді, медициналық техниканы және медицинаға арналған бұйымдарды мемлекеттік тіркеуді, қайта тіркеуді, тіркеу құжаттарының жинағына және дәрі-дәрмектерге сараптама жүргізуге өзгерістер енгізуді реттейтін нормативтік құқықтық актілерді бекіту туралы» № 635 бұйрығына сәйкес, БҰЙЫРАМЫН:
1. Қоса беріліп отырған Тізбеге сәйкес қосымша сараптама жұмыстары есептерінің нәтижелерін алғанға дейін медицинаға арналған бұйымдарды медицинада қолдануға уақытша тыйым салынсын.
2. Қазақстан Республикасы Денсаулық сақтау министрлігінің «дәрі-дәрмектерге, медицинаға арналған бұйымдарға, медициналық техникаға сараптама жүргізу Ұлттық орталығы» республикалық мемлекеттік кәсіпорны қоса беріліп отырған Тізбеге сәйкес медицинаға арналған бұйымдарға қосымша сараптама жұмыстарын жүргізсін және қорытындысын ұсынсын.
3. Фармацевтикалық бақылау комитеті аумақтық құрылымдарының директорлары:
1) осы бұйрықтың қосымшасына сәйкес медицинаға арналған бұйымдарды Қазақстан Республикасының аумағына тасымалдауға, одан шығаруға, өндіруге, дайындауға, сақтауға, қолдануға және сатуға уақытша тыйым салу жөнінде іс-шаралар қабылдасын;
2) осы бұйрықтың қосымшасына сәйкес медицинаға арналған бұйымдардың қалдықтарының бар екені туралы ақпарат ұсынсын;
3) осы бұйрық облыстардағы және Астана, Алматы қалаларының Денсаулық сақтау басқармаларына, Кедендік бақылау департаменттеріне, медицина және фармацевтикалық ұйымдарға мәлімет үшін жеткізілсін.
4. Осы бұйрық қол қойылған сәттен бастап күшіне енеді.
5. Осы бұйрықтың орындалуына бақылауды өзіме қалдырамын.
Денсаулық сақтау министрлігі
Фармацевтикалық бақылау комитеті
2009 жылғы 8 сәуірдегі № 128
Тіркеу куәліктерінің қолданысы уақытша тоқтатылған
медицинаға арналған бұйымдар тізбесі
1. Өңделмеген қанның лейкоциттері мен тромбоциттерін алып тастауға арналған сүзгі орнатылған, айналып өту магистралі, зарарсыздандырылған, бір рет қолданылатын 16g инесі (инеге арналған сақтандырғыш қалпағы бар), сынақты алуға арналған пакеті және вакуумдық пробирка қондырғысы, CPD (63 мл)/SAGM(100мл) антикоагулянты бар төрт қабатталған 450млх450млх300млх300мл FTS-RC302-SDP қанға арналған қапшықтар, өндіруші Nanjing Shuanwei Biotechology Co., Ltd (ҚЫТАЙ), тіркеу нөмірі 2009 жылғы 17 қаңтардағы РК-МТ-5№005883;
2. Лейкоциттерді сүзуге арналған сүзгісі, айналып өту магистралі, 500 миллилитрлік пакеті бар, зарарсыздандырылған, бір рет қолданылатын қанға және оның құрамдарына арналған FTS-RC202 жүйесі, өндіруші Nanjing Shuanwei Biotechology Co., Ltd (ҚЫТАЙ), тіркеу нөмірі 2009 жылғы 17 қаңтардағы РК-МТ-5№005884;
3. Лейкоциттерді сүзуге арналған сүзгісі, айналып өту магистралі, 1000 миллилитрлік пакеті бар, зарарсыздандырылған, бір рет қолданылатын қанға және оның құрамдарына арналған FTS-PL210-s жүйесі, өндіруші Nanjing Shuanwei Biotechology Co., Ltd (ҚЫТАЙ), тіркеу нөмірі 2009 жылғы 17 қаңтардағы РК-МТ-5№005885
Консультации
