Документ на казахском языке

«Инвестициялық омбудсмен қызметі туралы ережені бекіту туралы» қаулы жобасына құжаттама

Жоба

Инвестициялық омбудсмен қызметі туралы ережені бекіту туралы

«Инвестициялар туралы» Қазақстан Республикасының 2003 жылғы 8 қаңтардағы Заңының 12-1-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған инвестициялық омбудсмен қызметі туралы ереже бекітілсін.

2. Осы қаулы алғашқы ресми жарияланған күнінен кеін күнтізбелік он күн өткен соң қолданысқа енгізіледі.

Қазақстан Республикасының

Премьер-Министрі К. Мәсімов

Қазақстан Республикасы

Үкіметінің

2014 жылғы « »

№ қаулысымен

бекітілген

Инвестициялық омбудсмен қызметі туралы ереже

1. Жалпы ережелер

1. Бұл Инвестициялық омбудсмен қызметі туралы ереже

(бұдан әрі – Ереже) «Инвестициялар туралы» Қазақстан Республикасының

2003 жылғы 8 қаңтардағы Заңының 12-1 бабының 2-тармағына сәйкес әзірленді.

2. Инвестициялық омбудсмен – Қазақстан Республикасының Үкіметі тағайындайтын, инвесторлардың құқықтары мен заңды мүдделерін қорғауға жәрдемдесу жөніндегі функциялар жүктелетін лауазымды адам.

3. Инвестициялық омбудсмен өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасының Президенті мен Үкіметінің актілерін, Қазақстан Республикасының өзге де нормативтік құқықтық актілерді және инвестицияларды көтермелеу және өзара қорғау туралы Қазақстан Республикасының қолданыстағы халықаралық шарттарын, сондай-ақ осы Ережені басшылыққа алады.

2. Инвестициялық омбудсменның негізгі функциялары

4. Инвестициялық омбудсменның негізгі функциялары:

1) Қазақстан Республикасында инвестициялық қызметті жүзеге асыру барысында туындайтын мәселелер бойынша инвесторлардың өтініштерін қарастыру және оларды шешу үшін, оның ішінде мемлекеттік органдармен өзара іс-қимыл жасай отырып, ұсынымдар шығару;

2) туындайтын мәселелерді соттан тыс және сотқа дейінгі тәртіппен шешуде инвесторларға жәрдем көрсету;

3) Қазақстан Республикасының заңнамасын жетілдіру жөнінде ұсынымдарды тұжырымдау және Қазақстан Республикасының Үкіметіне енгізу болып табылады.

3. Инвестордың өтінішін инвестициялық

омбудсменмен қарастыру тәртібі

5. Инвесторға туындаған мәселені шешуде көмек көрсету мақсатында инвестициялық омбудсмен:

1) инвестордың өтінішін қарастыру мәселесі бойынша мүдделі мемлекеттік органдар мен ұйымдардың басшылары немесе олардың орынбасарлары тыңдалады және жиын өткізіледі;

2) инвесторға оның құқығы мен заңды мүдделеріне, сондай-ақ Қазақстан Республикасының заңнамасымен қарастырылған оларды қорғау тәсілі мен формасына қатысты мәселелерді түсіндіреді;

3) инвестордың құқығы мен заңды мүддесін бұзатын әрекеттермен (әрекетсіздік) лауазымды тұлғаға бұзылған құқықтар мен заңды мүдделерін қайта қалпына келтіру үшін инвестициялық омбудсменге бекітілген заңнамалық тәртіпте қарастырудың нәтижелері туралы жауап хат жіберіледі.

Инвестициялық омбудсменнің ұсынысы инвестициялық омбудсменнің жиынында хат және хаттама түрінде рәсімделеді.

6. Инвестициялық омбудсмен соттан тыс және сотқа дейінгі тәртіпте туындаған инвестордың мәселелерін реттеу үшін мемлекеттік органдар және ұйымдармен кеңестер және хаттамалық кездесулер өткізеді.

7. Инвестициялық омбудмсмен егер инвестордың мәселелері осы заңнамаға сәйкес шешілмесе, пысықталады және Қазақстан Республикасының заңнамасын жетілдіру бойынша ұсыныстар Қазақстан Республикасының Үкіметіне енгізіледі.

4. Инвестициялық омбудсменге инвесторлардың өтініштерді беру тәртібі

8. Инвестордың – жеке тұлғаның өтiнiшiнде оның тегi, аты, сондай-ақ қалауы бойынша әкесiнiң аты, почталық мекенжайы, заңды тұлғаның өтiнiшiнде - оның атауы, почталық мекенжайы, шығыс нөмiрi мен күнi көрсетiледi.

Өтiнiшке заңды мүдделері мен құқықтары бұзылған инвестормен немесе оның заңды өкілімен қол қойылуы тиіс, не ол электрондық цифрлық қолтаңбамен куәландырылуға тиiс.

9. Құқықтарының және заңды мүдделерінің бұзылуы туралы өтініш берген кезде iс-әрекетiне (әрекетсiздiгіне) инвесторлардың құқықтары мен заңды мүдделері бұзылып отырған субъектiнiң атауы немесе лауазымы, лауазымды тұлғалардың, тегi және аты-жөнi, өтiнiш жасау себептерi мен талаптары көрсетiледi.

5. Инвестициялық омбудсменнің

қызметiн ұйымдастыру

10. Инвестициялық омбудсменнің қызметiн инвестиция бойынша уәкілетті орган қамтамасыз етедi.

Инвестиция бойынша уәкілетті орган:

1) инвестициялық омбудсменнің атына келіп түсетін өтініштерді тіркейді, қалыптастырады және мұрағатты жүргізеді;

2) мемлекеттік органдар мен ұйымдардан өтініштерді қарастыру үшін меншік формасынан тәуелсіз, мемлекеттік және коммерциялық құпиядан тұратын ақпаратты есептемегенде, қажетті ақпаратты сұратады;

3) инвестордың өтініші өтінішті шешуге құзыретті мемлекеттік органға және ұйымға немесе лауазымдық тұлғаға беріледі (олардан жауап көшірмесі болмаған жағдайда);

4) инвесторлардың құқықтары мен заңды мүдделерін бұзу туралы ақпаратты талдайды, олардың себептерiн жою бойынша ұсыныстарды инвестициялық омбудсменнің қарастыруына енгiзедi;

5) инвесторлардың құқықтары мен заңды мүдделерін қорғау саласында Қазақстан Республикасының заңнамасын жетілдіру мәселелері бойынша инвестициялық омбудсменнің Қазақстан Республикасы Үкіметіне енгiзетiн ұсынымдарының жобаларын дайындайды;

6) инвестициялық омбудсменнің қызметін қамтамасыз ету мәселелері бойынша мемлекеттік органдармен және ұйымдармен өзара әрекет жасайды;

7) ақпараттық-талдау, ұйымдық-құқықтық инвестициялық омбудсменнің қызметін қамтамасыз етуді жүзеге асырады.

«Инвестициялық омбудсмен қызметі туралы ережені бекіту туралы» Қазақстан Республикасының Үкіметі қаулысының жобасына ТҮСІНДІРМЕ ЖАЗБА

Министр Ә. Исекешев

2014 жылғы « » _____________