Қазақстан Республикасы Премьер-Министрінің Орынбасары - Қазақстан Республикасы Қаржы министрінің 2014 жылғы 16 мамырдағы № бұйрығына 2-қосымша

1. «Бухгалтерлерді кәсіби сертификаттау жөнiндегi ұйымды аккредиттеу туралы куәлік беру» мемлекеттік қызметі (бұдан әрі – мемлекеттік қызмет) Қазақстан Республикасы Қаржы министрлігінің Қаржылық бақылау комитеті (бұдан әрі – көрсетілетін қызметті беруші) көрсетеді, сондай-ақ www.e.gov.kz «электрондық үкімет» веб-порталы, www.elicense.kz «Е-лицензиялау» веб-порталы (бұдан әрі – портал) арқылы көрсетіледі.

2. Мемлекеттік қызметті көрсету нысаны – электрондық және (немесе) қағаз жүзінде.

3. Мемлекеттік қызмет көрсету нәтижесі бухгалтерлердің кәсіби ұйымын аккредиттеу туралы куәлік (бұдан әрі - куәлік), куәлікті қайта ресімдеу немесе мемлекеттік қызметтен бас тарту туралы уәжделген жауап.

4. Мемлекеттік қызмет «Бухгалтерлік есеп пен аудит саласында мемлекеттік көрсетілетін қызметтер стандарттарын бекіту және Қазақстан Республикасы Үкiметiнiң кейбiр шешiмдерiнiң күшi жойылды деп тану туралы» Қазақстан Республикасы Үкіметінің 2013 жылғы 31 желтоқсандағы № 1448 қаулысымен бекітілген «Бухгалтерлерді кәсіби сертификаттау жөнiндегi ұйымды аккредиттеу туралы куәлік беру» мемлекеттік қызмет стандартының (бұдан әрі - Стандарт) 9-тармағында көрсетілген құжаттарды ұсыну мемлекеттік қызмет көрсету бойынша рәсімдерді (әрекеттерді) бастау үшін негіз болып табылады.

5. Мемлекеттік қызмет көрсету процесінің құрамына кіретін рәсімдер (әрекеттер) мазмұны:

1) Электрондық құжат айналымының бірыңғай жүйесінде (бұдан әрі - ЭҚАБЖ) тіркеу нөмірін бере отырып, көрсетілетін қызметті алушы ұсынатын Стандарттың 9-тармағында көрсетілген құжаттарды қабылдау, басшылыққа бөлу үшін беру – жиырма минуттан кем емес;

2) жауапты құрылымдық бөлімшеге көрсетілетін қызметті алушы ұсынған Стандарттың 9-тармағында көрсетілген құжаттарды бөлу – бір жұмыс күні;

3) өзара іс-қимыл және оларды одан әрі қарау туралы келісім жасалған бухгалтерлердің аккредиттелген кәсіби ұйымдарына Стандарттың 9-тармағының 3-тармақшасында көрсетілген құжаттарды жіберу – он күнтізбелік күн;

4) бухгалтерлердің аккредиттелген кәсіби ұйымдарының Стандарттың 9-тармағының 3-тармақшасында көрсетілген құжаттарды қарау нәтижелері мен Стандарттың 9-тармағындағы құжаттарды қарау – жиырма екі жұмыс күні;

5) Қазақстан Республикасының Бухгалтерлік есеп және қаржылық есептілік туралы заңнама талаптарына қызмет көрсетуді алушының сәйкес келуі туралы қорытындыны және куәлікті беру немесе куәлікті қайта ресімдеу туралы бұйрықты (бұдан әрі - бұйрық) көрсетілетін қызметті берушінің заң қызметімен келісуі және дайындауы, сондай-ақ оларды бекіту мен тіркеу не мемлекеттік қызметтерді көрсетуден бас тарту туралы уәжделген жауапты дайындауы – бір жұмыс күні;

6) куәлікті не бас тартуы туралы уәжделген жауапты беру – жиырма минут.

6. Мемлекеттік қызмет процесіне қатысатын көрсетілетін қызмет берушінің құрылымдық бөлімшелерінің (қызметкерлерінің) тізбесі:

1) көрсетілетін қызметті берушінің төрағасы;

2) көрсетілетін қызметті берушінің төрағасы орынбасары;

3) көрсетілетін қызметті берушінің Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасының басшысы;

4) көрсетілетін қызметті берушінің Заң қызметі басқармасының басшысы;

5) бухгалтерлердің кәсіби ұйымдарының басшы(лары)сы;

6) көрсетілетін қызметті берушінің Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасының қызметкер(лер)і;

7) көрсетілетін қызметті берушінің Заң қызметі басқармасының қызметкер(лер)і;

8) бухгалтерлердің кәсіби ұйымдарының қызметкер(лер)і;

9) көрсетілетін қызметті берушінің Ішкі әкімшілендіру және персоналмен жұмыс басқармасының қызметкер(лер)і.

7. Құрылымдық бөлімшелердің (қызметкерлердің) өзара іс-әрекеттер тәртібінің жүйелілігін сипаттау:

1) Стандарттың 9-тармағында көрсетілген құжаттар көрсетілетін қызметті берушінің Ішкі әкімшілендіру және персоналмен жұмыс басқармасы қабылдайды және ЭҚАБЖ тіркеу нөмірін береді.

2) тиісті түрде тіркелген, ресімделген құжаттар көрсетілетін қызметті берушінің басшысына бір жұмыс күні ішінде кейіннен орындай отырып бөлу үшін беріледі;

3) орындаушы Стандарттың 9-тармағының 3-тармақшасында көрсетілген құжаттарды олардың одан әрі қарастырылуы мен он күнтізбелік күн ішінде қарау нәтижелерін ұсыну үшін келісім жасалған бухгалтерлердің аккредиттелген кәсіби ұйымдарына жібереді;

4) бухгалтерлердің аккредиттелген кәсіби ұйымдарына ұсынылған өтініш, құжаттар мен жіберілген құжаттарды қарау нәтижелерін орындаушы қарайды және қорытынды мен бұйрық не жиырма жұмыс күні ішінде бас тарту туралы уәжделген жауап дайындайды;

5) қорытынды мен бұйрық көрсетілетін қызметті берушінің заң қызметімен келісіледі және көрсетілетін қызметті берушінің басшысымен бекітіледі. Көрсетілетін қызметті берушінің Ішкі әкімшілендіру және персоналмен жұмыс басқармасы бұйрықты тіркейді. Орындаушы бұйрық негізінде куәлікті дайындайды, көрсетілетін қызметті берушінің басшысы қол қояды және көрсетілетін қызметті алушыға беріледі. Уәжделген бас тарту жауабын көрсетілетін қызметті берушінің Ішкі әкімшілендіру және персоналмен жұмыс басқармасы тіркейді және бір жұмыс күні ішінде көрсетілетін қызметте алушының мекенжайына почта арқылы жіберіледі.

Мемлекеттік қызметті алу блок - схемасы қызмет берушіге жүгіну кезінде Регламенттің 1-қосымшасында көрсетілген.

8. Мемлекеттік қызметті www.e.gov.kz «электрондық үкімет» веб-порталы немесе www.elicense.kz «Е-лицензиялау» веб-порталы арқылы көрсеткен кездегі көрсетілетін қызметті беруші және қызмет алушының өзара іс-әрекеттер тәртібін сипаттау:

1) көрсетілетін қызметті алушы «электрондық үкімет» порталында немесе «Е-лицензиялау» порталында тіркеледі және ЭЦҚ қол қою арқылы Стандарттың 9-тармағында көрсетілген құжаттарды жібереді.

2) көрсетілетін қызметті берушінің Ішкі әкімшілендіру және персоналмен жұмыс басқармасының қызметкері келіп түскен құжаттарды тіркейді және оны көрсетілетін қызметті берушінің Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасының басшысына жібереді. Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасы орындау үшін Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасының басшысы орындаушыға міндетті белгілейді;

3) орындаушы Стандарттың 9-тармағының 3-тармақшасында көрсетілген құжаттарды олардың одан әрі қарастырылуы мен ұсынылуы үшін келісім жасалған бухгалтерлердің аккредиттелген кәсіби ұйымдарына жібереді.

4) орындаушы құжаттарды және бухгалтерлердің аккредиттелген кәсіби ұйымдарына ұсынылған құжаттардың қарау нәтижелерін қарастырады, сонымен бірге Бухгалтерлік есеп және аудиторлық қызмет саласындағы бақылау, аккредиттеу және лицензиялау және заң қызметі басқармаларының басшысымен келісілетін қорытынды мен бұйрық жобасын дайындайды және көрсетілетін қызметті берушінің басшыларымен бекітіледі - жиырма үш жұмыс күн ішінде;

5) орындаушы куәлікті беру туралы «шешім жобасын» не көрсетілетін қызметті берушінің Бухгалтерлік есеп және аудиторлық қызмет саласындағы бақылау, аккредиттеу және лицензиялау басқармасының басшысымен және көрсетілетін қызметті берушінің төраға орынбасарымен келісілетін мемлекеттік көрсетілетін қызметтен бас тарту туралы уәжделген жауапты шығарады;

6) куәлік берілген жағдайда «шешім жобасы» көрсетілетін қызметті берушінің төрағасына келісу мен ЭЦҚ қол қою үшін жіберіледі;

7) куәліктің «шешім жобасына» қол қойылғаннан кейін не бас тарту туралы уәжделген жауап көрсетілген қызметті алушының «жеке кабинетіне» автоматты түрде жіберіледі.

Мемлекеттік қызметті алу диаграммасы «электронды үкімет» веб-порталы және «Е-лицензиялау» веб-порталы арқылы Регламенттің 2-қосымшасында көрсетілген.