• Мое избранное
«Рельстік көлік құралдарын техникалық пайдалану қағидаларын бекіту туралы» қаулы жобасына құжаттама

Отправить по почте

Toggle Dropdown
  • Комментировать
  • Поставить закладку
  • Оставить заметку
  • Информация new
  • Редакции абзаца

«Рельстік көлік құралдарын техникалық пайдалану қағидаларын бекіту туралы» қаулы жобасына құжаттама

Қараңыз: Жолдаманы
Қараңыз: Қазақстан Республикасы Ұлттық кәсіпкерлер палатасының сараптамалық қорытындысы
Жоба
Рельстік көлік құралдарын техникалық пайдалану қағидаларын бекіту туралы
«Жол жүрісі туралы» 2014 жылғы 17 сәуірдегі Қазақстан Республикасы Заңының 51-бабы 1-тармағының 11) тармақшасына сәйкес Қазақстан Республикасының Үкіметі ҚАУЛЫ ЕТЕДІ:  
1. Қоса беріліп отырған Рельстік көлік құралдарын техникалық пайдалану қағидалары бекітілсін.
2. Осы қаулы 2014 жылғы 20 қазаннан бастап қолданысқа енгізіледі және ресми жариялануға жатады.
Қазақстан Республикасының Премьер-Министрі К. Мәсімов
Қазақстан Республикасы
Үкіметінің
2014 жылғы « »
№ қаулысымен
бекітілген
Рельстік көлік құралдарын техникалық пайдалану қағидалары
Жалпы ережелер
1. Рельстік көлік құралдарын техникалық пайдалану қағидалары (бұдан әрі – Қағидалар) Қазақстан Республикасының «Жол жүрісі туралы» және «Қазақстан Республикасындағы Көлік туралы» Қазақстан Республикасының Заныңдарына сәйкес әзірленді және рельстік көлік құралдарын пайдалану, оның ішінде инфрақұрылым объектілерін, құрылыстарды, жылжымалы құрамды және арнайы жылжымалы құрамды жөндеу тәртібін айқындайды.
2. Осы Қағидалар рельстік көлік құралдары ұйымдарының(кәсіпорындарының)  барлық бөлімшелері мен қызметкерлері үшін міндетті.
3. Осы Қағидалар пайдаланылатын негізгі терминдер:
1) түйіспе желісі - электр энергиясының электр жылжымалы құрамның ток қабылдағыштарына берілуін қамтамасыз ететін түйіспе рельстер, кабель және жабдық;
2) габарит – заттардың, құрылыстардың, құрылғылардың шекті сыртқы геометриялық ернеуі.
3) жылжымалы құрам – метрополитеннің вагондары, локомотивтері және арнайы жылжымалы бірліктері (арнайы жылжымалы құрамы) және трамвай вогондары (жолаушы, жүк және арнайы мақсаты);
4) жылжымалы құрамның габариті- рельстік жолға қысылған жылжымалы құрам оның шегінен шыкпай орналасуы тиіс шекті көлденең (жол осіне перпендикуляр) кескін;
5) құрылыстардың жақындау габариті – оларды дайындау мен монтаждауға нормаланған рұқсаттарды ескере отырып, тұтас металконструкциялардың тіреулерінен басқа, станциялық ғимараттар мен құрылыс конструкцияларының ешқандай бөліктері кірмейтін, жылжымалы құрам мен жабдық ғана кіретін шекті көлденең (жол осіне перпендикуляр) кескін;
6) қызметтік тежеу - жылдамдықты баяу азайту немесе поезды алдын ала көзделген жерде тоқтату үшін кез келген шамадағы сатылармен пневматикалық тежеу;
7) метрополитен – көліктің өзге түрлерінің желілерінен және жаяу жүргіншілердің оларға өту жолынан оқшауланған (бөлінген, бір деңгейдегі қиылыстары жоқ) жолдар бойынша жолаушылар мен багажды әлеуметтік маңызы бар тұрақты тасымалдауды жүзеге асыратын қалалық рельстік көлік түрі;
8) аралық - темір жол желісінің шектес станциялармен, разъездермен, озу пункттерімен немесе жол посттарымен шектелген бөлігі;
9) рельстік көлік құралдарын ұйым (кәсіпорын) – ұйымдық-құқықтық құрылым, жөндеу, басқару, аналитикалық-жоспарлау өзге де қызыметтермен қамтамасыз етеді, жолаушы тасымалдау және жылжымалы құрамды пайдалану үшін қамсыздандырылады.
10) рельстік көлік құралдары – көлік кәсіпорындары, өзгеше бағытта арнайы жолдармен журуге арналған, осымен бірге өзге көлік жүйесін құрайды.
11) сервер – оған сервистік программалық жасақты орындау үшін бөлінген және/немесе арнайы аппараттық қамтамасыз ету;
12) сигнал – шартты көрінетін немесе дыбыстық белгі, оның көмегімен белгілі бұйрық беріледі;
13) тежегіш жол – машинист краны тұтқасын, тоқтат-кранды тежеу жағдайына ауыстыру сәтінен немесе машинист бақылаушысының бас білігінің тұтқасын «Тежеу-2» (электржылжымалы құрам үшін) жағдайына толық тоқтағанға дейін поезбен (құраммен) өтетін арақашықтық.
Тежеу жолдары тежеу түріне (қызметтік, толық қызметтік, шұғыл және электр) байланысты ерекшеленеді
14) трамвай - жер үсті қалалық рельстік көлік электр тартуы, жылжымалы құрам қоса беріліп, линиялық құрылыс, трамвай депосы, жөндеу зауыт.
15) уәкілетті мемлекеттік орган - көлiк саласындағы мемлекеттiк саясатты iске асыруды, Қазақстан Республикасы көлiк кешенiнiң қызметiн үйлестiру мен реттеудi жүзеге асыратын орталық атқарушы орган.
16) еңіс – горизантал сызыққа еңісті жолдың бойлық пішінің элементі. Төменгі нүктеден жоғарыға жылжитын поезд (құрам) үшін еңіс көтерілу, ал кері жылжитын түсу болып табылады;
17) шұғыл тежеу - магистральдық шұғыл разрядтау және барынша жоғары тежеу күшін іске асыру арқылы поезды дереу тоқтату үшін қолданылатын тежеу;
Метрополитенді техникалық пайдалану қағидалар
4. Метрополитенді техникалық пайдалану қағидалар метрополитеннің және оның жұмыскерлерінің негізгі ережелерін және жұмыс тәртібін; ғимараттардың, құрылғылардың және жылжымалы құрамның негізгі өлшемдерін, күтіп-ұстау нормаларын және оларға қойылатын талаптарды; поездар қозғалысын ұйымдастыру және сигнал беру принциптерінің жүйесін белгілейді.  
Метрополитенде сигнал және байланыс беру жөніндегі поездардың қозғалысы мен маневр жұмысы жөніндегі нұсқаулықтары метрополитен басқармасы бекітеді.
5. Метрополитенді техникалық пайдалану қағидаларымен байланысты терминдері өкілетті мекемен бекітіледі.
6. Метрополитен қызметкерлері келесі міндеттерін атқарады:  
1) қозғалыс қауіпсіздігін қамтамасыз ете отырып, жолаушыларды тасымалдаудағы тапсырылған көлемдерін орындау;
2) техникалық құралдарды тиімді пайдалану;
3) айналадағы табиғи ортаны қорғау талаптарын ұстау;
7. Метрополитеннің әр қызметкері адамдардың өміріне немесе қозғалыс қауіпсіздігіне қауіп төндіретін барлық жағдайларда шұғыл түрде поезды, маневр жасаушы жылжымалы құрамды, эскалаторды тоқтатуға шаралар қолдануға міндетті, ал бұдан басқа, қозғалыс қауіпсіздігіне қатер төндіруі мүмкін құрылыс немесе құрылғылардың ақаулылығын анықтаған жағдайда, дереу қауіпті жерді қоршауға және ақаулылықты жоюға шаралар қабылдауы тиіс.
8. Қозғалыс қауіпсіздігін немесе жолаушыларды тасымалдау қауіпсіздігін қамтамасыз етуге қатысы бар электрпоездарды, локомотивтерді, эскалаторларды, сигналдарды, аппараттарды, механизмдерді және басқа да құрылғыларды басқаруға, сондай-ақ қызметтік міндеттерін орындау кезінде бағыттамаларды бұруға тек қана осы жұмысты атқаруға уәкілеттенген және осы құрылғыларға тікелей қызмет көрсететін қызметкердің жеке басының бақылауында және жауапкершілігінде белгіленген тәртіп бойынша, машықтанудан өткен тұлғалар құқылы. Электрпоездарды, локомотивтерді басқару кабиналарына және қозғалыс қауіпсіздігін немесе жолаушыларды тасымалдау қауіпсіздігін қамтамасыз етуге қатысы бар құрылғылардың басқарылуы жүргізілетін бөлмелеріне кiру құқығына ие емес тұлғаларды жіберуге тыйым салынады.
9. Метрополитен басқармасы бекіткен тізбесі бойынша поез қозғалысы мен жолаушыларды тасымалдауға қатысы бар метрополитендегі жұмысқа орналасушы тұлғалар кәсіптік білім алудан өтуі тиіс, ал локомотивтік бригадалар, кәсіптік білім алумен қатар, кәсіби іріктеліп сынақтан өтуі және төмендегі талаптарды білетіні жөнінде мерзімді түрде білімі тексеріліп отыруы тиіс:
1) метрополитеннің техникалық пайдалану ережесін;
2) жұмыскерлердің міндеттерін белгілейтін Лауазымдық нұсқаулықтары және басқа да құжаттары;
3) қауіпсіздік техникасының, өрт қауіпсіздігінің және өндірістік тазалық сақтау ережелері мен нұсқаулықтары;
4) метрополитен қызметкерлерінің тәртібі туралы ереже.