Документ на казахском языке

«Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларын бекіту туралы» қаулы жобасына құжаттама

Жоба

Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларын бекіту туралы

>«Автомобиль көлігі туралы» 2003 жылғы 4 шілдедегі Қазақстан Республикасының Заңы 12-бабының 15-1) тармақшасына сәйкес Қазақстан Республикасының Үкiметi ҚАУЛЫ ЕТЕДI:

1. Қоса берiлiп отырған Автомобильмен тасымалдаушылар халықаралық автомобильмен жүк тасымалдауды жүзеге асыруға рұқсат беру қағидалары бекiтiлсiн.

2. Осы қаулы алғашқы ресми жарияланған күнінен кейін күнтізбелік жиырма бір күн өткен соң, бірақ 2014 жылғы 21 қарашадан кейін қолданысқа енгiзiледi.

Қазақстан Республикасының Премьер-Министрi К. Мәсiмов

Қазақстан Республикасы Үкiметiнiң 2014 жылғы «26» тамыз № 13036 қаулысымен бекiтiлген

Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидалары

1. Жалпы ережелер

1. Осы Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидалары (бұдан әрі - Қағидалар) «Автомобиль көлігі туралы» 2003 жылғы 4 шілдедегі Қазақстан Республикасының Заңына сәйкес әзірленді.

2. Қағидалар автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру тәртібін айқындайды.

3. Осы Қағидаларда мынадай ұғымдар пайдаланылады:

1) халықаралық автомобильмен жүк тасымалдауды жүзеге асыруға рұқсат беру куәлігі – Қазақстан Республикасының автомобильмен тасымалдаушыларына халықаралық автомобильмен жүк тасымалдауды жүзеге асыруға рұқсат беретін құжат (бұдан әрі – рұқсат беру куәлігі);

2) автокөлік құралына рұқсат беру карточкасы – автокөлік құралын халықаралық автомобильмен жүк тасымалдауда пайдалануға рұқсат беретін құжат (бұдан әрі – рұқсат беру карточкасы);

3) автомобильмен тасымалдаушы (бұдан әрі - тасымалдаушы) - меншік құқығы немесе өзге де заңды негіздерде автокөлік құралдарына иелік етуші, жүктерді тасымалдауда ақыға немесе жалға қызметтер көрсететін заңды немесе жеке тұлға.

2. Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру тәртібі

4. Жүктерді автомобильмен халықаралық тасымалдауларын жүзеге асыру кезінде тасымалдаушыларға мынадай талаптар қойылады:

1) меншік құқығындағы немесе өзге де заңды негіздерде тиесілі және халықаралық автомобильмен тасымалдауды регламенттейтін халықаралық конвенцияларға және келісімдерге сәйкес келетін, сондай-ақ техникалық регламенттер талаптарына жауап беретін көлік құралдарының бар болуы;

2) автомобиль көлiгi туралы Қазақстан Республикасының заңнамасына сәйкес олардың бiлiктiлiгiн және кәсiби жарамдылығын растайтын құжаттардың бар болуы;

3) автокөлік құралында кезеңдік тексеруді (инспекцияны) өткен тахографтың бар болуы;

4) автокөлік құралдарының жүргiзушiлерімен еңбек және тынығу режимiн сақтауын қамтамасыз ету;

5) автокөлік құралдарын міндетті техникалық қарап тексеруден өткізу.

5. Халықаралық автомобильмен жүк тасымалдау автомобиль көлігі саласындағы уәкілетті органмен берілетін халықаралық автомобильмен тасымалдауды жүзеге асыруға рұқсат беру куәлігі және рұқсат беру карточкасы негізінде жүзеге асыралады.

6. Рұқсат беру куәлігін және рұқсат беру карточкасын алу үшін Қазақстан Республикасы Инвестициялар және даму министрлігінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (бұдан әрі – ХҚО) арқылы немесе «электрондық үкімет» www.e.gov.kz веб-порталы арқылы жүгінеді осы Қағидаларға 1 және 2-қосымшаларға сәйкес нысан бойынша тасымалдаушы мынадай құжаттарды ұсынады:

1) осы Қағидаларға 3-қосымшаға сәйкес белгіленген нысандағы рұқсат беру куәлігі мен рұқсат беру карточкасын алу үшін өтiнiштi;

2) автокөлік құралдарын жалға алу шартының көшірмесі (автокөлік құралдарын жалға алған кезде);

3) тахографты кезеңдік тексеру (инспекция) туралы куәліктің көшірмесі;

4) рұқсат беру куәлігін алған жағдайда рұқсат беру куәлігінің берілгені үшін мемлекеттік бажды төлеуді растайтын құжатты.

7. Қазақстан Республикасы Инвестициялар және даму министрлігі Көлiктiк бақылау комитетiнiң Көлiктiк бақылау органдары (бұдан әрі – аумақтық органдары) оған құжаттары қоса берілетін өтінішті берілген күннен бастап үш жұмыс күн ішінде қарайды, оның қорытындылары бойынша тасымалдаушыға рұқсат беру куәлігі және рұқсат беру карточкасы немесе бас тарту себебін көрсете отырып дәлелді жауап беріледі.

8. Аумақтық органдар рұқсат беру куәлігін және рұқсат беру карточкасын мынадай жағдайларда бермейді:

1) осы Қағидалардың 6-тармағында көрсетілген құжаттардың толық емес пакетін ұсынған кезде;

2) сол бір автокөлік құралына қолданыстағы рұқсат беру карточкасы бары анықталған жағдайларда;

3) міндетті техникалық қарап тексерудің бірыңғай ақпараттық жүйесінде автокөлік құралдардың міндетті техникалық қарап тексеруден уақтылы өту туралы мәліметтердің болмауы;

4) қолданылу мерзімі өткен тахографты кезеңдік тексеру (инспекция) туралы куәлігін ұсыну.

9. Автокөлік құралдарының паркі ұлғайтылған кезде тасымалдаушы осы Қағидалардың 6-тармағында көзделген құжаттарды ұсынады.

10. Рұқсат беру куәлігі және рұқсат беру карточкасының мерзімі шектелмеген. Жалға алынған автокөлік құралдарына рұқсат беру карточкасының қолданылу мерзімі жалға алу шартының мерзіміне байланысты айқындалады.

11. Рұқсат беру карточкасы әрбір автомобиль тартқышқа және жартылай тіркемеге немесе тіркемеге бөлек ресімделеді.

12. Рұқсат беру куәлігі және рұқсат беру карточкасының қолданысы мынадай жағдайларда тоқтатылады:

1) заңды тұлғаны қайта ұйымдастыру нәтижесінде жеке кәсіпкердің қызметі таратылғанда немесе тоқтатылғанда;

2) автокөлік құралдарының тіркеу деректері өзгергенде;

3) автокөлік құралдарының жалға алу мерзімі өткенде.

13. Рұқсат беру куәлігі және рұқсат беру карточкасы қатаң есептегі бланкі болып табылады және басқа тасымалдаушыларға беруге жатпайды.

14. Рұқсат беру куәлігі және рұқсат беру карточкасын жарамсыз болып табылады және мынадай жағдайда ауыстыруға жатады:

1) Рұқсат беру куәлігі және рұқсат беру карточкасы жоғалған, бүлініп қалған;

2) автокөлік құралының мемлекеттік тіркеу нөмірінің белгісін ауыстырған жағдайларда беріледі.

15. Осы Қағидалардың 14-тармағында көзделген жағдайларда жаңа рұқсат беру куәлігін және рұқсат беру карточкасын алу үшін аумақтық органдар өтінішті берілген күннен бастап үш жұмыс күн ішінде қарайды.

16. Осы Қағидалардың 14-тармағында көзделген жағдайларда жаңа рұқсат беру куәлігі және рұқсат беру карточкасын алу үшін тасымалдаушы мыналарды ұсынады:

1) осы Қағидаларға 3-қосымшаға сәйкес нысан бойынша өтiнiштi;

2) жоғалған жағдайда – бұқаралық ақпарат құралдарында рұқсат беру куәлігі және рұқсат беру карточкасы жоғалғаны және жарамсыздығы туралы хабарландыру орналастырылғанын растайтын құжатты;

3) бүлiнiп қалған жағдайда – бүлінген немесе зақымдалған рұқсат беру куәлігі және рұқсат беру карточкасы;

4) рұқсат беру куәлігі берілгені үшін мемлекеттік бажды төлегенін растайтын құжат.

_________________________

Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларына 1-қосымша

нысан

________________________________ (көліктік бақылау органының атауы)

Қазақстан Республикасының елтаңбасы

Қазақстан Республикасы Инвестициялар және даму министрлігі

№ 00000000

Халықаралық автомобильмен жүк тасымалдауды жүзеге асыруға

РҰҚСАТ БЕРУ КУӘЛІГІ

Тіркелу № ________ 20___ жылы ______________

Куәлік иесі___________________________________________________________

(ұйымдастыру – құқықтық нысаны және заңды тұлғаның немесе жеке кәсіпкердің атауы) _____________________________________________________________________________________________

_____________________________________________________________________________________________

Орналасқан мекенжайы __________________________________________________________________

(заңды тұлға үшін – заңды мекенжайына _____________________________________________________________________________________________

жеке кәсіпкер үшін – тұрғылықты жерінің мекенжайы) _____________________________________________________________________________________________

Осы куәлік иесі халықаралық жүк тасымалын автомобильмен жүзеге асыруға жіберілгенін растайды.

МО ______________________________________ _____________

(мемлекеттік органның басшысының қолы) (Т.А.Ә.)

_________________________

Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларына 2-қосымша

нысан

________________________________ (көліктік бақылау органының атауы)

--------------------------------------------------------------------------------------------------------------------------------------------

Алдыңғы жағы

---------------------------------------------------------------------------------------------------------------------------------------------

Қазақстан Республикасының елтаңбасы

Қазақстан Республикасы Инвестициялар және даму министрлігі

АВТОКӨЛІК ҚҰРАЛДАРЫНА РҰҚСАТ БЕРУ КАРТОЧКАСЫ

(ХАЛЫҚАРАЛЫҚ ЖҮК ТАСЫМАЛЫНА)

№ 000000 сериясы

------------------------------------------------------------------------------------------------------------------------------------------------

Басқа жағы

------------------------------------------------------------------------------------------------------------------------------------------------

Тіркеу № 000000

Рұқсат беру куәлігіне тіркеу ________ 20 __ жылғы ____ __________ №

Жарамды 20 __ жылғы _____ ________

Жүк автомобилінің маркасы: ___________________________________________

Тіркелу белгісі № _____________________________________________________

Куәлік иесі: ________________________________________________________________________________________________________________________________________МО ____________________________________ _______________________

(мемлекеттік органның басшысының қолы) (Т.А.Ә.)

Ескертпе: Жолды толтыру кезінде «Жарамды» жалға алу шарты бойынша – оның қолданыс мерзімінің аяқталуы, жүк автомобилін пайдаланған жағдайда рұқсат беру карточкасының қолданысының аяқталуы қойылады. Рұқсат беру карточкасының тіркелу нөмірі Куәліктің толық қолданыс мерзімінде сақталады.

_________________________

Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларына 3-қосымша

нысан

________________________________ (көліктік бақылау органының атауы)

Рұқсат беру куәлігін және (немесе) рұқсат беру карточкасын алуға

ӨТІНІШ

________________________________________________________________________________________________(жеке кәсіпкердің тегі, аты, әкесінің аты (бар болған кезде) немесе заңды тұлғаның атауы)

Халықаралық автомобиль тасымалдарын жүзеге асыруға рұқсат беру куәлігін және рұқсат беру карточкасын мынадай автокөлік құралдарына беруді өтінемін мына жағдайда:_______________________________________________________

____________________________________________________________________

____________________________________________________________________

р/с №

Автокөлік құралының маркасы

Мемлекеттік тіркеу нөмірлік белгісі

Ескертпе

ЖСН/БСН __________________________________________________________________________________

Жеке кәсіпкердің мемлекеттік тіркеу куәлігі немесе заңды тұлғаны мемлекеттік туралы анықтамасы ______________________________________________________________________

(№ және қашан берілген)

Мекенжайы ________________________________________________________________________________ (индексі, қаласы, ауданы, облысы, көшесі, № үй, телефон, факс)

Қоса берілетін құжаттар:_______________________________________________

____________________________________________________________________

____________________________________________________________________

__________________ _________________________________

(қолы) (Т. А. Ә.)

Ақпараттық жүйелерде заңмен қорғалатын құпияларды құрайтын мәліметтерді пайдалануға келісемін ___________________________

Мөрдің орны: 20 ___ жылғы «____» __________ 20 ___ жылғы «____»

_______ өтініш қарауға қабылданды

____________________________________________________________________

(Мемлекеттік органның жауапты адамының Т.А.Ә., қолы)

_________________________

Келісу ПАРАҒЫ

Қазақстан Республикасы Үкіметінің қаулысы жобасының атауы: «Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларын бекіту туралы».

Әзірлеуші мемлекеттік органның атауы: Қазақстан Республикасы Инвестициялар және даму министрлігі

Алынған күні

Мемлекеттік органдар,

басшылар

Нақты кіммен келісілді (Т.А.Ә.)

Келісу нәтижелері

(қолы, күні)

Қайтарылған күні

1. Қазақстан Республикасы Инвестициялар және даму министрлігі

2. Қазақстан Республикасы Әділет министрлігі

3. Қазақстан Республикасы Ұлттық экономика министрлігі

4. Қазақстан Республикасы Қаржы министрлігі

«Автомобильмен тасымалдаушыларға халықаралық автомобильмен жүк тасымалдауды жүзеге асыруға рұқсат беру қағидаларын бекіту туралы» Қазақстан Республикасының Үкіметі қаулысының жобасына түсіндірме жазба

Р/с№

Түсіндірме жазбада көрсетілуге тиіс мәліметтердің тізбесі

Әзірлеуші мемлекеттік органның ақпараты

1. Жобаны әзірлеуші мемлекеттік орган

Қазақстан Республикасы Инвестициялар және даму министрлігі

2. Жобаны қабылдау қажеттігінің негіздемесі

«Автомобиль көлігі туралы» 2003 жылғы 4 шілдедегі Қазақстан Республикасының Заңы 12-бабының 15-1) тармақшасына сәйкес, сондай-ақ «Рұқсаттар және хабарламалар туралы» және «Қазақстан Республикасының кейбір заңнамалық актілеріне рұқсат беру жүйесі мәселелері бойынша өзгерістер мен толықтырулар енгізу туралы» 2014 жылғы 16 мамырдағы Қазақстан Республикасының Заңдарын іске асыру жөніндегі шаралар туралы» Қазақстан Республикасы Премьер-Министрінің 2014 жылғы 25 маусымдағы № 96-р өкімін орындау үшін

3. Жоба қабылданған жағдайда

болжанатын әлеуметтік-экономикалық және/немесе құқықтық салдар

Жобаны қабылдау теріс әлеуметтік-экономикалық және құқықтық салдарға әкелмейді

4. Жобаны іске асыруға байланысты болжанатын қаржылық шығындар

Жобаны іске асыру бюджет қаражатын жұмсау қажеттігіне әкелмейді

5. Жобаны қабылдаудың нақты мақсаттары, күтілетін нәтижелердің мерзімі және болжанатын тиімділігі

Қазақстан Республикасының автомобильмен тасымалдаушыларына халықаралық автомобильмен тасымалдауларды жүзеге асыруға рұқсат беру куәлігін және автокөлік құралдарына рұқсат ету карточкасын беру тәртібін анықтау үшін

6. Жобада қаралатын мәселелер бойынша президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер Жоқ

7. Заңнаманы кейін жобаға сәйкес келтіру қажеттігі

Талап етілмейді

8. Премьер-Министрдің тапсырмасы бойынша басқа ұйымдарда қосымша сараптама (құқықтық, сыбайлас жеқорлыққа қарсы, лингвистикалық, экономикалық, экологиялық, қаржылық және басқа да) жүргізілген жағдайда оның нәтижелері

Жүргізілген жоқ

9. Өзге де мәліметтер

Жоқ

10. Материалдарды (үзінді көшірмелерді) Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беруге рұқсат етіледі

Рұқсат етіледі

11. Қаулы жобасын мемлекеттік органның интернет- ресурсында (веб-сайтта, интранет-порталда немесе басқа ақпараттық жүйеде) орналастыру туралы ақпарат

Жоба Қазақстан Республикасы Көлік және коммуникация министрлігінің www.mtc.gov.kz және «электрондық үкіметтің» www.egov.kz интернет-ресурсында орналастырылған

12. Әлеуметтік маңызы бар қаулы жобасына баспасөз-релизін мемлекеттік органың интернет-ресурсына (веб-сайтта) орналастыру туралы ақпарат (баспасөз-релиздің атауы, күні)

«Автомобильмен тасымалдаушыларға халықаралық автомобильмен тасымалдаушыларға жүзеге асыруға рұқсат беру қағидаларын бекіту туралы» Қазақстан Республикасының Үкіметі қаулысының жобасына баспасөз релизі 2014 жылғы 20 маусымда Қазақстан Республикасы Көлік және коммуникация министрлігінің www.mtc.gov.kz интернет-ресурсында орналастырылған

Қазақстан Республикасының Көлік және коммуникация министрі Ә. Исекешев