Қазақстан Республикасы Мәдениет министрінің 2014 жылғы 18 наурыздағы № 1 бұйрығына 3-қосымша

1. Мемлекеттік көрсетілетін қызметті «Мәдениет саласындағы мемлекеттік көрсетілетін қызмет стандарттарын бекіту туралы» Қазақстан Республикасы Үкіметінің 2014 жылғы 24 ақпандағы № 140 қаулысына|553406201] (бұдан әрі – Стандарт) сәйкес Қазақстан Республикасы Мәдениет министрлігінің Мәдениет комитеті (бұдан әрi – көрсетілетін қызметті беруші) көрсетеді.

2. Мемлекеттік қызмет көрсету нысаны - қағаз түрінде.

3. Мемлекеттік көрсетілетін қызмет нәтижесі – объектіге айрықша режимді уақытша беру туралы шешім.

Мемлекеттік көрсетілетін қызмет нәтижесін ұсыну нысаны: қағаз түрінде.

4. Көрсетілетін қызметтi алушы қолдаухатының болуы мемлекеттік қызметті көрсетуді бастауға негіз болып табылады. 

5. Мемлекеттiк қызмет көрсету процесiнiң құрамына кiретiн әрбiр рәсiмнiң (iс-қимылдың) мазмұны, оның орындалу ұзақтығы:

1) уәкілетті қызметкерінің көрсетілетін қызметтi алушыдан келіп түскен қолдаухатты көрсетілетін қызметті берушінің ол келіп түскен күні тіркеуі; 

2) көрсетілетін қызметті берушінің уәкілетті қызметкерінің келіп түскен қолдаухатты бір жұмыс күні ішінде өңдеуі және көрсетілетін қызметті берушінің басшысына одан әрі қарау үшін жіберуі;

3) көрсетілетін қызметті беруші басшысының жауапты құрылымдық бөлімшені анықтауы және қолдаухатты бір жұмыс күні ішінде одан әрі қарау үшін жіберуі;

4) құрылымдық бөлімше басшысының ұсынылған құжаттардың Стандарттың 9-тармағына сәйкестігін тексеруі және бір жұмыс күні ішінде жауапты орындаушыны айқындауы;

5) жауапты орындаушының екі жұмыс күні ішінде ұсынылған құжаттар бойынша қорытынды дайындауы;

6) құрылымдық бөлімше басшысының екі жұмыс күні ішінде қорытындыға қол қоюы және материалдарды көрсетілетін қызметті беруші комиссиясының қарауына жіберуі; 

7) қолдаухатты қарау нәтижесі бойынша көрсетілетін қызметті беруші комиссиясы хаттамасының отырыс өткен күні бекітілуі;

8) көрсетілетін қызметті беруші басшысының объектіге айрықша режимді уақытша беру туралы шешім қабылдауы;

9) объектіге айрықша режимді уақытша беру туралы шешім жөнінде көрсетілетін қызметтi алушыға хабарлау.

6. Келесі рәсімді (іс-қимылды) орындауды бастауға негіз болатын мемлекеттік қызмет көрсету жөніндегі рәсімнің (іс-қимылдың) нәтижелері:

1) кіріс нөмірі бар тіркелген қолдаухат;

2) ұсынылған құжаттардың толықтығы; 

3) уәкілетті органның басшысы бекіткен комиссия отырысының хаттамасы; 

4) объектіге айрықша режимді уақытша беру туралы шешім;

5) объектіге айрықша режимді уақытша беру туралы шешім жөнінде көрсетілетін қызметтi алушыға хабарлау.

7. Мемлекеттік көрсетілетін қызмет процесіне қатысатын көрсетілетін қызметтi беруші қызметкерлерінің тізбесі;

1) мемлекеттік көрсетілетін қызметті алуға арналған өтінімді тіркейтін көрсетілетін қызметті берушінің уәкілетті қызметкері;

2) көрсетілетін қызметті берушінің басшысы;

3) құрылымдық бөлімше басшысы;

4) көрсетілетін қызметті берушінің құрылымдық бөлімшесінің шешім қабылдау үшін жауапты уәкілетті қызметкері;

5) көрсетілетін қызметті берушінің комиссиясы.

8. Әрбiр рәсiмнiң (iс-қимылдың) ұзақтығын көрсете отырып, құрылымдық бөлiмшелер (қызметкерлер) арасындағы рәсiмдер (iс-қимылдар) кезектілігінің сипаттамасы:

1) мемлекеттік көрсетілетін қызметтерді алуға арналған қолдаухатты келіп түскен күні тіркеу; 

2) ұсынылған материалдарды тіркелген кезден бастап бір жұмыс күні ішінде өңдеу және көрсетілетін қызметті берушінің басшысына бір жұмыс күні ішінде жіберу;

3) көрсетілетін қызметті беруші жетекшісінің бір жұмыс күні ішінде жауапты құрылымдық бөлімшені айқындауы;

4) жауапты құрылымдық бөлімше басшысының ұсынылған құжаттардың толықтығын тексеруі және бір жұмыс күні ішінде жауапты орындаушыны айқындауы;

5) жауапты орындаушының екі жұмыс күні ішінде ұсынылған материалдар бойынша қорытынды дайындауы;

6) құрылымдық бөлімше басшысының екі жұмыс күні ішінде қорытындыға қол қоюы және материалдарды көрсетілетін қызметті беруші комиссиясының қарауына жіберуі; 

7) қолдаухатты қарау нәтижелері бойынша көрсетілетін қызметті беруші комиссиясы хаттамасының отырыс өткен күні бекітілуі;

8) көрсетілетін қызметті беруші басшысының объектіге айрықша режимді уақытша беру туралы шешім шығаруы;

9) объектіге айрықша режимді уақытша беру туралы шешімнің көшірмесін көрсетілетін қызметтi алушыға жіберу.