Документ на казахском языке

Қазақстан Республикасы Көлік және коммуникация министрінің 2014 жылғы 9 сәуірдегі № 243 бұйрығына 2-қосымша

«Халықаралық тұрақты емес ұшуларды орындауға арналған рұқсаттарды беру» мемлекеттік көрсетілетін қызмет регламенті

1. Жалпы ережелер

1. «Халықаралық тұрақты емес ұшуларды орындауға арналған рұқсаттарды беру» мемлекеттік көрсетілетін қызметті жеке және заңды тұлғаларға (бұдан әрі – Қызметті алушы) «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 40-бабының 1-тармағының 4) негізінде және Қазақстан Республикасы Үкіметінің 2014 жылғы 14 наурыздағы № 240 қаулысымен бекітілген «Халықаралық тұрақты емес ұшуларды орындауға арналған рұқсаттарды беру» мемлекеттік көрсетілетін қызмет стандартына (бұдан әрі - Стандарт) сәйкес Қазақстан Республикасы Көлік және коммуникация министрлігінің Азаматтық авиация комитеті (бұдан әрі – қызметті беруші) көрсетеді.

Өтініштерді қабылдау аэронавигациялық ақпараттар жинағында жарияланған байланыс арналары арқылы жүзеге асырылады.

Мемлекеттік көрсетілетін қызмет нәтижелерін беру Қазақстан Республикасының аэронавигациялық ақпараттар жинағында жарияланған байланыс арналары арқылы жүзеге асырылады.

2. Мемлекеттік көрсетілетін қызмет нысаны қағаз түрінде.

3. Мемлекеттік көрсетілетін қызмет нәтижесі – халықаралық тұрақты емес ұшуларды орындауға арналған рұқсаттарды немесе көрсетілетін мемлекеттік қызметті көрсетуден бас тарту туралы дәлелді жауапты беру болып табылады.

2. Қызметті берушінің құрылымдық бөлімшелерінің (қызметкерлерінің) мемлекеттік көрсетілетін қызмет процесіндегі іс-қимыл тәртібін сипаттау

4. Мемлекеттік көрсетілетін қызмет бойынша рәсімді (іс-қимылды) бастауға негіздеме қызметті алушының халықаралық тұрақты емес рейстерді орындауға өтінім және Стандарттың 9-тармағында көрсетілген құжаттар болып табылады.

5. Мемлекеттік көрсетілетін қызмет процесінің рәсімдері (іс-қимылдары):

1) Халықаралық тұрақты емес ұшуларды орындауға өтінімді Қазақстан Республикасының Аэронавигациялық ақпараттар жинағында жарияланған байланыс арналары арқылы қабылдау және құжаттардың электронды көшірмелерін «Қазаэронавигация» республикалық мемлекеттік кәсіпорынның Рұқсат беру бөлімінің маманының 5 минут ішінде қабылдауы;