«0302000 «Мейіргерлік ісі» мамандығы бойынша мемлекеттік жалпыға міндетті білім беру стандартын және улгілік оқу бағдарламаларын бекіту туралы» бұйрық жобасына Қазақстан Республикасының Ұлттық кәсіпкерлер палатасының 2014 жылғы 4 қыркүйектегі № 9484 сараптамалық қорытындысы
Қазақстан Республикасының
Денсаулық сақтау және әлеуметтік даму министрлігі
2014 жылғы 11 тамыздағы
№ 07-2-4849/И хатқа
Қазақстан Республикасының Ұлттық кәсіпкерлер палатасы
«0302000 «Мейіргерлік ісі» мамандығы бойынша мемлекеттік жалпыға міндетті білім беру стандартын және улгілік оқу бағдарламаларын бекіту туралы» Қазақстан Республикасы Денсаулық сақтау және әлеуметтік даму министрінің бұйрық жобасын қарап, мынаны хабарлаймыз.
«Нормативтiк құқықтық актiлер туралы» Қазақстан Республикасы Заңының 15-бабы 1-тармағына және «Жеке кәсiпкерлiк туралы» Қазақстан Республикасы Заңының 5-бабы 1-тармағына сәйкес орталық мемлекеттік, жергiлiктi өкілді және атқарушы органдар жеке кәсiпкерлiк субъектiлерiнiң мүдделерiн қозғайтын нормативтiк құқықтық актiнiң жобасын сараптамалық қорытынды алу үшiн, оның ішінде осы жобаны мүдделі мемлекеттік органдармен келесі әрбір келісу кезінде түсіндірме жазбаны міндетті түрде қоса бере отырып, сарапшылық кеңестер арқылы жеке кәсіпкерлік субъектілерінің аккредиттелген бірлестіктеріне және Қазақстан Республикасының Ұлттық кәсіпкерлер палатасына жiбередi.
Осыған байланысты, жеке кәсiпкерлiк субъектiлерiнiң мүдделерiн қозғамайтын нормативтiк құқықтық актiнiң жобасын қарау Қазақстан Республикасы Ұлттық кәсіпкерлер палатасының құзыретіне жатпайды.
Басқарма мүшесі Е. Никитинская
