«Есірткі құралдарының, психотроптық заттар мен прекурсорлардың айналымына байланысты қызметке лицензия беру, қайта ресімдеу, лицензияның телнұсқасын беру» мемлекеттік көрсетілетін қызмет стандартын бекіту туралы» бұйрық жобасына Қазақстан Республикасының Ұлттық кәсіпкерлер палатасының 2014 жылғы 10 қазандағы № 11113 сараптамалық қорытындысы
Қазақстан Республикасының
Ішкі істер министрлігі
Есірткі бизнесіне қарсы күрес
және есірткінің айналымын
бақылау комитеті
2014 жылғы 06 қазандағы
шығыс №1-21-2-20/3185-ихатқа
Қазақстан Республикасының Ұлттық кәсіпкерлер палатасы
Қазақстан Республикасының Ұлттық кәсіпкерлер палатасымен (бұдан әрі – ҚР ҰКП) «Есірткі құралдарының, психотроптық заттар мен прекурсорлардың айналымына байланысты қызметке лицензия беру, қайта ресімдеу, лицензияның телнұсқасын беру» мемлекеттік көрсетілетін қызмет стандартын бекіту туралы» Қазақстан Республикасының Ішкі істер министрі бұйрығының жобасы (бұдан әрі – бұйрық жобасы) қаралды.
«Есірткі құралдарын, психотроптық заттар мен прекурсорларды әкелуге, әкетуге және транзиттеуге рұқсат беру» мемлекеттік көрсетілетін қызмет стандартындағы мемлекеттік қызметті көрсетуден бас тарту негіздерін регламенттеу бөлігінде ҚР ҰКП ескертулерінің жұмыс тәртібінде жойылғанын ескере отырып, бұйрық жобасы бойынша ескертулер мен ұсыныстар жоқ екендігін хабарлаймыз.
Басқарма мүшесі Г. Курбанбаева
