Документ на казахском языке

Республикалық бюджеттен қаржыландырылатын медициналық шығыстарға тарифтерді, түзету коэффициенттерін, шығын сыйымдылық көлемін бекіту туралы Қазақстан Республикасы Денсаулық сақтау министрінің міндетін атқарушының 2013 жылғы 8 қаңтардағы № 11 бұйрығына толықтырулар енгізу туралы Қазақстан Республикасы Денсаулық сақтау министрінің 2014 жылғы 5 тамыздағы № 468 Бұйрығы

«Әкімшілік рәсімдер туралы» 2000 жылғы 27 қарашадағы Қазақстан Республикасы Заңының 4-бабына және Қазақстан Республикасы Денсаулық сақтау министрлігінің Экономикалық кеңесінің 2014 жылғы 5 тамыздағы № 10 хаттамалық шешіміне сәйкес БҰЙЫРАМЫН:

1. «Республикалық бюджеттен қаржыландырылатын медициналық шығыстарға тарифтерді, түзету коэффициенттерін, шығын сыйымдылық көлемін бекіту туралы» Қазақстан Республикасы Денсаулық сақтау министрінің міндетін атқарушының 2013 жылғы 8 қаңтардағы № 11 бұйрығына мынадай толықтырулар енгізілсін:

мынадай мазмұндағы 14) тармақшамен толықтырылсын:

«14) осы бұйрыққа 18-қосымшаға сәйкес Халықаралық бірлескен Кеңес (JCI, США) стандарттары бойынша аккредиттеуден өту туралы куәлігі медициналық ұйымдар үшін коэффициент;»;

осы бұйрыққа қосымшаға сәйкес көрсетілген бұйрыққа 18-қосымшамен толықтырылсын;

2. Осы бұйрықтың орындалуын бақылау Қазақстан Денсаулық сақтау вице-министрі Б.Т. Төкежановқа жүктелсін.

3. Осы бұйрық 2014 жылғы 1 қыркүйектен бастап күшіне енеді.

Қазақстан Республикасының Денсаулық сақтау министрі С. Қайырбекова

Қазақстан Республикасы Денсаулық сақтау министрінің Денсаулық сақтау министрінің 2004 жылғы 5 тамыздағы № 468 бұйрығына Қазақстан Республикасы Денсаулық сақтау министрінің міндетін атқарушының 2013 жылғы 8 қаңтардағы № 11 бұйрығына 18-қосымша

Халықаралық біріккен Кеңес (JCI, США) стандарттары бойынша аккредиттеуден өту туралы куәлігі бар медициналық ұйымдар үшін коэффициент