«Жануарлар дүниесін қорғау, өсімін молайту және пайдалану саласындағы мемлекеттік көрсетілетін қызметтер регламенттерін бекіту туралы» бұйрық жобасына Қазақстан Республикасының Ұлттық кәсіпкерлер палатасының 2014 жылғы 15 қазандағы № 11277 сараптамалық қорытындысы
Қазақстан Республикасының
Ауыл шаруашылығы министрлігі
2014 жылғы 15 қыркүйектегі
№ 9-2-6/3043-и хатқа
Қазақстан Республикасының Ұлттық кәсіпкерлер палатасы
«Жануарлар дүниесін қорғау, өсімін молайту және пайдалану саласындағы мемлекеттік көрсетілетін қызметтер регламенттерін бекіту туралы» Қазақстан Республикасының Ауыл шаруашылығы министрі бұйрығының жобасын қарап, келесіні хабарлаймыз.
Қазақстан Республикасы Экономика және бюджеттік жоспарлау министрінің 2013 жылғы 14 тамыздағы № 249 бұйрығымен бекітілген Мемлекеттік көрсетілетін қызметтердің стандарттары мен регламенттерін әзірлеу жөніндегі қағиданың 20-тармағы үшінші абзацының 2) тармақшасына сәйкес әрбір рәсімнің (іс-қимылдың) ұзақтығын көрсете отырып, әрбір рәсімнің (іс-қимылдың) өту блок-схемасымен сүйемелденетін рәсімдердің (іс-қимылдың) реттілігінің сипаттауы жоқ.
Регламенттер жобаларына тиісті Қосымшаны көрсетү керек деп санаймыз.
Жоғарыда баяндалғанның негізінде бұйрық жобасын пысықтау барысында ұсынылған ескертулер мен ұсыныстарды ескеруді сұраймыз. Сараптамалық қорытындымен келіспеген жағдайда, «Жеке кәсіпкерлік туралы» Қазақстан Республикасы Заңының 5-бабына сәйкес негізделген жауап беруді сұраймыз.
Агроөнеркәсіптік кешен комитетінің Хатшылығы хатшысының орынбасары Д. Ошакбаев
