Қазақстан Республикасы Қарулы Күштерінің Сот сараптамасы орталық зертханасы» мемлекеттік мекемесін қайта атау туралы Қазақстан Республикасы Үкіметінің 2010 жылғы 4 тамыздағы № 800 Қаулысы

Қазақстан Республикасының Қарулы Күштерін медициналық қамтамасыз етуді жетілдіру мақсатында Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Қарулы Күштерінің Сот сараптамасы орталық зертханасы» мемлекеттік мекемесі «Қазақстан Республикасы Қорғаныс министрлігінің Әскери медицина орталығы» мемлекеттік мекемесі (бұдан әрі - Мекеме) болып қайта аталсын.

2. Мыналар Мекеме қызметінің негізгі мәні болып айқындалсын:

1) әскери медицина саласындағы бағдарламаларды іске асыру;

2) патологоанатомиялық диагностика, цитологиялық зерттеулер, химия-токсикологиялық зерттеулер жүргізу;

3) талдамалық және диагностикалық жағынан неғұрлым құнды зерттеулердің жаңа әдістерін меңгеру.

3. Тармақ күшін жойды (ескертуді қараңыз)

3-тармақ күшін жойды ҚР Үкіметінің 16.11.2018 жылғы № 772 Қаулысына сәйкес (04.08.2010 ж. редакцияны қараңыз)

4. Қазақстан Республикасы Қорғаныс министрлігі осы қаулыдан туындайтын шараларды қабылдасын.

5. Осы қаулы қол қойылған күнінен бастап қолданысқа енгізіледі.

Қазақстан Республикасының Премьер-Министрі К. Мәсімов