Документ на казахском языке

Қазақстан Республикасы радио қызметтері арасында барлық мақсаттағы радиоэлектрондық құралдарға арналған 3 кГц-тен 400 ГГц-ке дейінгі жиіліктер ауқымында жиіліктер белдеуін бөлу кестесін бекіту туралы Қазақстан Республикасы Инвестициялар және даму министрінің м.а 2015 жылғы 20 қаңтардағы № 22 бұйрығы. Қазақстан Республикасының Әділет министрлігінде 2015 жылы 3 наурызда № 10375 тіркелді

Редакция 27.08.2024 жылы берілген өзгерістер мен толықтырулармен

«Байланыс туралы» Қазақстан Республикасы Заңының 12-бабының 2-тармағына сәйкес және Қазақстан Республикасы Үкіметінің 2019 жылғы 12 шілдедегі № 501 қаулысымен бекітілген Қазақстан Республикасы цифрлық даму, инновациялар және аэроғарыш өнеркәсібі министрлігі туралы Ереженің 15-тармағының 58) тармақшасына сәйкес, БҰЙЫРАМЫН:

1. Қоса берілген Қазақстан Республикасы радио қызметтері арасында барлық мақсаттағы радиоэлектрондық құралдарға арналған 3 кГц-тен 400 ГГц-ке дейінгі жиіліктер ауқымында жиіліктер белдеуін бөлу кестесі бекітілсін.

2. Қазақстан Республикасы Инвестициялар және даму министрлігінің Байланыс, ақпараттандыру және ақпарат комитеті (С.С. Сарсенов):

1) осы бұйрықтың Қазақстан Республикасы Әділет министрлігінде заңнамада бекітілген тәртіппен мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде көшірмесін бұқаралық ақпарат құралдарында және «Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнының «Әділет» ақпараттық-құқықтық жүйесіне ресми жариялауға жіберуді;

3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1), 2) және 3) тармақшаларымен көзделген іс-шаралардың орындалуы туралы мәліметтерді Қазақстан Респубикасы Инвестициялар және даму министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Инвестициялар және даму вице-министрі А.Қ. Жұмағалиевке жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Инвестициялар және даму министрінің міндетін атқарушы Ж. Қасымбек

«КЕЛІСІЛДІ» Қазақстан Республикасының Қорғаныс министрі _______________И. Тасмағамбетов 2015 жылғы 2 ақпан

Қазақстан Республикасының Инвестициялар және даму министрінің міндетін атқарушысының 2015 жылғы 20 қаңтардағы № 22 бұйрығымен бекітілген

Қазақстан Республикасының радиоқызметтері арасында барлық мақсаттағы радиоэлектрондық құралдарға арналған 3 кГц-тен 400 ГГц-ке дейінгі жиіліктер ауқымында жиіліктер белдеуін бөлу кестесі

5.53 8,3 кГц-тен төмен жиіліктерді пайдалануға рұқсат беретін әкімшіліктер 8,3 кГц-тен жоғары жиіліктерге бөлінген қызметтерге зиянды кедергілердің болмауын қамтамасыз ету үшін шаралар қабылдауы керек. (ДРК-12)

5.54 8,3 кГц-тен төменгі жиіліктерді ғылыми зерттеулер жүргізуге пайдаланатын әкімшіліктер бұл зерттеулерді зиянды кедергілерден қорғауға қажетті барлық мүмкін шараларды қолдану мақсатында бұл туралы мүдделі болуы мүмкін әкімшіліктерді хабардар етуі тиіс. (ДРК-12)

5.54A 8,3-11,3 кГц жиілік жолақтарының метеорологияның қосалқы қызметтерімен пайдаланылуы бейтарап қолданыспен ғана шектеледі. 9-11,3 кГц жолағында метеорологиялық қосалқы қызметтер станциялары Бюроға 2013 жылғы 1 қаңтарға дейін өтінімге ұсынылған радионавигация қызметінің станцияларынан қорғаныс талап етпеуі тиіс. Өтінімге осы мезгілден кейін берілген метеорологиялық қосалқы қызметтер станциялары мен радионавигация қызметінің станциялары жиіліктерді бірлесіп қолдануын қамтамасыз ету үшін ХЭО-R Ұсынымының ең соңғы RS.1881 нұсқасын пайдалану қажет. (ДРК-12)

5.54B Қосымша таратылу: Алжир, Сауд Арабиясы, Бахрейн, Египет, Біріккен Араб Әмірліктері, Ресей Федерациясы, Иран (Ислам Республикасы), Ирак, Кувейт, Ливан, Марокко, Катар, Сирия Араб Республикасы, Судан және Тунисте 8,3-9 кГц жолағы радионавигациялық, тіркелген және жылжымалы қызметтеріне бірінші негізде бөлінген. (ДРК-15)

5.55 Қосымша таратылу: Арменияда, Ресей Федерациясында, Грузияда, Қырғызстанда, Тәжікстанда және Түрікменстанда 14-17 кГц жолағы радионавигациялық қызметке бірінші негізде бөлінген. (ДРК-15)

5.56 14-19,95 және 20,05-70 кГц жиілік жолақтары бөлінген қызмет станциялары, ал 1-ауданнан 72-84 кГц және 86-90 кГц жолақтары да, стандартты жиіліктер мен уақыт сигналдарын бере алады. Мұндай станциялар зиянды кедергілерден қорғалуы тиіс. Армения, Әзірбайжан, Беларусь, Ресей Федерациясы, Грузия, Қазақстан, Қырғызстан, Тәжікстан және Түркіменстанда бұл мақсатта және тура сондай шартта 25 кГц пен 50 кГц жиіліктері қолданылады. (ДРК-12)

5.57 14-19,95 кГц, 20,05-70 кГц және 70-90 кГц (1-ауданда 72-84 кГц және 86-90 кГц) жолақтарының теңіздегі жылжымалы қызметімен пайдаланылуы жағалық радиотелеграфтық станцияларымен шектеледі (тек А1А және F1B). Ерекше жағдайларда, егер қажетті жолақ ені қалыпты жағдайдағы А1А немесе F1B сәулелену кластарының қаралып отырған күйдегі жолақтарынан артық болмаса, J2B немесе J7B сәулелену кластарын пайдалануға рұқсат етіледі.

5.58 Қосымша таратылу: Арменияда, Әзірбайжанда, Ресей Федерациясында, Грузияда, Қазақстанда, Қырғызстанда, Тәжікстанда және Түркіменстанда да 67-70 кГц жолағы радионавигациялық қызметке бірінші негізде таратылған. (ДРК-2000)

5.60 70-90 кГц (1-ауданда 70-86 кГц) және 110-130 кГц (1-ауданда 112-130 кГц) жолақтарында, егер осы жиілік жолақтары таратылған басқа қызметтерге зиянды кедергілер тудырмайтын болса, импульстік радионавигациялық жүйелерді пайдалануға болады.

5.62 90-110 кГц жолағында радионавигациялық қызмет станцияларын пайдаланатын әкімшіліктер, осы станциялар тудыратын зиянды кедергілерді болдырмау үшін техникалық және пайдалану сипаттамаларын үйлестіру жұмыстарын жүргізулері қажет.

5.64 Тіркелген қызмет станциялары үшін осы қызметке бөлінген 90 және 160 кГц (1-ауданда 148,5 кГц) арасындағы жолақтар және теңіздегі жылжымалы қызмет станцияларында осы қызметке бөлінген 110 және 160 кГц (1-ауданда 148,5 кГц) арасындағы жолақтарда А1А немесе F1B, A2C, А3C, F1C немесе F3C класс сәулеленулері ғана рұқсат етілген. Ерекше жағдайларда, теңіздегі жылжымалы қызмет станцияларына 110 және 160 кГц жолақтар аралығында (1-ауданда 148,5 кГц) J2B немесе J7B класс сәулеленулері рұқсат етілген.

5.66 Қызметтің басқа санаты: Германияда тіркелген және теңіздегі жылжымалы қызметтеріне 115-117,6 кГц жолағы бірінші реттік негізде (5.33-т. қара), ал радионавигациялық қызметке екінші реттік негізде (5.33-т. қара) бөлінген.

5.67 Қосымша таратылу: Қырғызстан және Түркіменстанда 130-148,5 жолағы, сонымен қатар, радинавигациялық қызметке екінші реттік негізде таратылған. Бұл елдер шегінде және олардың арасында бұл қызмет жұмыс атқаруға бірдей құқықты. (ДРК-19)

5.67A 135,7-137,8 кГц жиіліктерін қолданатын әуесқойлық қызметі станциясының жоғарғы сәулелену қуаты 1 Вт-тан (э.и.с.қ.) аспау керек және олар 5.67-т. келтірілген елдерде жұмыс істейтін радионавигациялық қызмет станцияларына зиянды бөгеулер жасамауы керек. (ДРК-07)

5.67B 135,7-137,8 кГц жиілік жолағын Алжир, Египет, Ирак, Ливан, Сирия Араб Республикасы, Судан, Оңтүстік Судан және Тунис елдерінде қолдану тіркелген қызметімен және теңіздегі жылжымалы қызметімен шектеледі. 135,7-137,8 кГц жиілік жолағы жоғарыда айтылған елдерде әуесқойлық қызметінде қолданылмау керек және бұл мұндай қолданыстарды рұқсат ететін елдерде ескерілуі тиіс. (ДРК-19)

5.68 Ауыстырылымды таратылу: Конго Республикасы, Демократиялық Конго Республикасы және Оңтүстік Африка Республикасында 160-200 кГц жолағы тіркелген қызметке бірінші реттік негізде бөлінген. (ДРК-15)

5.69 Қосымша таратылу: Сомалиде 200-255 кГц жолағы әуедегі радионавигациялық қызмет үшін бірінші реттік негізде таратылған.

5.70 Ауыстырылымды таратылу: Ангола, Ботсвана, Бурунди, Орталық Африка Республикасы, Конго Республикасы, Эсватини, Эфиопия, Кения, Лесото, Мадагаскар, Малави, Мозамбик, Намибия, Нигерия, Оман, Конго Демократиялық Республикасы, Оңтүстік Африка, Танзания, Чад, Замбия және Зимбабведе 200-283,5 кГц жолағы әуедегі радионавигациялық қызметіне бірінші реттік негізде таратылған. (ДРК-19)

5.73 285-325 кГц (1-ауданда 283,5-325 кГц) жолағын, радионавигациялық қызметтегі радиомаяк станцияларына зиянды кедергілер тудырмаса, қысқа жолақты жүйелерді пайдалана отырып, теңіздегі радионавигациялық қызметте қосымша радионавигациялық мәліметтерді таратуға пайдалануға болады. (ДРК-97)

5.74 Қосымша таратылу: 1-ауданда 285,3-285,7 кГц жиілік жолағы теңіздегі радионавигациялық қызметіне (радиомаяктан басқа) бірінші реттік негізде таратылған.

5.75 Қызметтің басқа санаты: Балтық теңізі аймағында осы жолақтағы жиіліктерді теңіздегі және әуедегі радионавигациялық қызметтердің жаңа станцияларына тағайындау мүдделі әкімшіліктер арасында алдын ала кеңеспен шешілген жағдайда, Армения, Әзірбайжан, Беларусь, Ресей Федерациясы, Грузия, Молдова, Қырғызстан, Тәжікстан, Түрікменстан, Украина және Румынияның Қара теңіз аймақтарында 315-325 кГц жолағы теңіздегі радионавигациялық қызметке бірінші реттік негізде бөлінеді. (ДРК-07)

5.76 410 кГц жиілігі теңіздегі радионавигациялық қызметтеріндегі радиоторуылға арналған. 405-415 кГц жолағы бөлінген басқа радионавигациялық қызметтер 406,5-413,5 кГц жолағындағы радиоторуылдарға кедергілер тудырмаулары тиіс.

5.77 Қызметтің басқа санаты: Австралияда, Қытайда, 3-аудандағы Францияның шетелдегі аумақтарында, Корея Республикасында, Үндістанда, Иран Ислам Республикасында, Жапонияда, Пәкістанда, Папуа-Жаңа Гвинеяда, Корея Халық Демократиялық Республикасында және Шри-Ланкада 415–495 кГц жолағы әуедегі радионавигациялық қызметке бірінші реттік негізде бөлінеді. Армения, Әзірбайжан, Беларусьь, Ресей Федерациясы, Қазақстан, Латвия, Өзбекстан және Қырғызстанда 435-495 кГц жолағы әуе радионавигациялық қызметіне бірінші ретте бөлінген. Аталмыш елдердің әкімшіліктері 435-495 кГц жолағында әуедегі радионавигациялық қызметтер станцияларының кемелік станциялар сигналдарын бүкілдүниежүзілік негізде кеме станцияларына арналған жиіліктердегі жағалық станциялардың қабылдауына кедергілер тудырмау мақсатында қолдан келгенінше шаралар жүргізуі керек. (ДРК-19)

5.79 Теңіздегі жылжымалы қызметте 415-495 кГц және 505-526,5 кГц жиілік жолақтарын пайдалану радиотелеграфиямен шектеледі және ХЭО-R M.2010 ұсынысының соңғы нұсқасына сәйкес, мүдделі және әсер ететін әкімшіліктер арасындағы келісім орнатылған жағдайда NAVDAT жүйесі үшін де пайдаланылуы мүмкін. NAVDAT тарату станциялары жағалау станцияларымен шектеледі. (ДРК-19)

5.79A 490 кГц, 518 кГц және 4209,5 кГц жиіліктерде жұмыс істейтін НАВТЕКС қызметінің жағалық станцияларын іске қосқанда, әкімшіліктерге пайдалану сипаттамаларын Халықаралық теңіздегі ұйымның (ХТҰ) процедураларына (339-Резолюциясын (ДРК-07 қайта қаралған) қара) сәйкес үйлестіру ұсынылады. (ДРК-07)

5.80 2-ауданда 435-495 кГц жолағын әуе радионавигациялық қызметінде пайдалану дыбыс хабарларын пайдаланбайтын бағытталмаған радиомаяктармен шектеледі.

5.80A 472-479 кГц жиіліктерін қолданатын әуесқойлық қызметтің станцияларының максималды эквивалентті изотропты сәлелену қуаты (э.и.с.қ.) 1 Вт жоғары болмауы керек. Егер станциялар Алжир, Сауд Арабиясы, Әзірбайжан, Бахрейн, Беларусь, Қытай, Комор Аралдары, Джибути, Египет, Біріккен Араб Әмірліктері, Ресей Федерациясы, Иран Ислам Республикасы, Ирак, Иордания, Қазақстан, Кувейт, Ливан, Ливия, Марокко, Мавритания, Оман, Өзбекстан, Катар, Сирия Араб Республикасы, Қырғызстан, Сомали, Судан, Тунис, Украина және Йеменнің шекараларынан 800 км-ден артық қашықтықта жатса, онда әкімшіліктер өздерінің жергілікті аймақтарында э.и.с.қ. шегін 5 Вт-қа дейін көтере алады. Бұл жиілік жолақтарында әуесқойлық қызмет станциялары әуе навигациялық қызметтеріне зиянды кедіргі жасамауы және олардан қорғауды талап етпеуі керек. (ДРК-12)

5.80B 472-479 кГц жиіліктер жолағын Алжир, Сауд Арабиясы, Әзірбайжан, Бахрейн, Беларусь, Қытай, Комор Аралдары, Джибути, Египет, Біріккен Араб Әмірліктері, Ресей Федерациясы, Ирак, Иордания, Қазақстан, Кувейт, Ливан, Ливия, Мавритания, Оман, Өзбекстан, Катар, Сирия Араб Республикасы, Қырғызстан, Сомали, Судан, Тунис пен Йеменде пайдалану жылжымалы теңіз және радионавигациялық әуе қызметтерімен шектеледі. Аталған елдерде осы жиілік жолақтары әуесқойлық қызметтерімен қолданылмауы тиіс және бұндай қолданысқа рұқсат беретін елдерге мұны ескеру қажет. (ДРК-12)

5.82 Теңіздегі жылжымалы қызметте 490 кГц жиілігі тек қана жағалық станциялар арқылы навигациялық және метеорологиялық ескертулер мен шұғыл ақпаратты тар жолақты тікелей басып шығару телеграфы арқылы кемелерге беру үшін пайдаланылады. 490 кГц жиілікті пайдалану шарттары 31 және 52-баптарда көрсетілген. Әуедегі радионавигациялық қызметте 415-495 кГц жолағын пайдалануда әкімшіліктерге 490 кГц жиілігінде зиянды кедергілер болдырмауын қадағалауды ұсынады. 472-479 кГц жиілік жолақтарын әуесқойлық қызметтерде пайдалану кезінде әкімшіліктер 490 кГц жиілігінде кедергілер тудырмауды қадағалауы керек. (ДРК-12)

5.82C 495-505 кГц жиілік диапазоны халықаралық NAVDAT жүйесі үшін пайдаланылады, ол ХЭО-R M.2010 ұсынысының соңғы нұсқасында сипатталған. NAVDAT тарату станциялары жағалау станцияларымен шектеледі. (ДРК-19)