Мұнай өнімдерінің айналымы жөніндегі декларациялардың нысандарын, оларды ұсыну және жасау қағидаларын бекіту туралы Қазақстан Республикасы Қаржы министрінің 2015 жылғы 24 ақпандағы № 119 бұйрығы. Қазақстан Республикасының Әділет министрлігінде 2015 жылы 31 наурызда № 10582 тіркелді

Мұнай өнімдерінің жекелеген түрлерін өндіруді және олардың айналымын мемлекеттік реттеу туралы" 2011 жылғы 20 шілдедегі Қазақстан Республикасы Заңының 8-бабының 9) тармақшасына және "Мемлекеттік статистика туралы" 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

Кіріспе жаңа редакцияда жазылды ҚР Қаржы министрінің 07.09.2017 жылғы № 545 Бұйрығына сәйкес (27.06.2016 ж. редакцияны қараңыз)(алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 11.10.2017 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

1. Мыналар:

1) осы бұйрықтын 1-қосымшасына сәйкес Мұнай өнімдерінің айналымы жөніндегі декларацияларды ұсыну және жасау қағидалары;

2) осы бұйрықтын 2-қосымшасына сәйкес «Мұнай өнімдерін өндірушінің мұнай өнімдері айналымының теңгерімі» мұнай өнімдерінің айналымы жөніндегі декларацияның нысаны;

3) осы бұйрықтын 3-қосымшасына сәйкес «Мұнай өнімдерін мұнай өнімдері базаларынан (резервуарлар) көтерме саудада беруші және (немесе) бөлшек саудада сатушының мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны;

4) осы бұйрықтын 4-қосымшасына сәйкес «Мұнай өнімдерін мұнай өнімдері базаларынан (резервуарлар) көтерме саудада беруші және (немесе) бөлшек саудада сатушының құрылымдық бөлімшесінің мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны;

5) осы бұйрықтын 5-қосымшасына сәйкес «Автожанармай құю станциясынан мұнай өнімдерін бөлшек саудада сатушының мұнай өнімдерінің айналымы теңгерімі» мұнай өнімдерінің айналымы жөніндегі декларацияның нысаны бекітілсін.

2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіпте:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың мемлекеттік тіркелуден өткеннен кейін оны күнтізбелік он күн ішінде мерзiмдi баспа басылымдарында және «Әділет» құқықтық - ақпараттық жүйесіне ресми жариялануға жіберілуін;

3) осы бұйрықтың Қазақстан Республикасы Қаржы министрлігінің интернет-ресурсында орналасуын қамтамасыз етсін.

3. Осы бұйрық алғашқы ресми жарияланған күнінен бастап он күнтiзбелiк күн өткен соң қолданысқа енгiзiледi.

Қазақстан Республикасының Қаржы министрі Б. Сұлтанов

10. Осы Қағидаларға сәйкес ұсынылатын декларациялар дара кәсіпкерлер, заңды тұлғаның, заңды тұлға құрылымдық бөлімшесінің (филиалы мен өкілдігі) басшысы, бас бухгалтері қол қояды. Электрондық түрде ұсынылатын декларациялар электрондық цифрлық қолтаңбамен куәландырылады.

10-тармақ жаңа редакцияда жазылды ҚР Премьер-Министрінің Бірінші орынбасары – ҚР Қаржы министрінің  02.10.2019 жылғы № 1078 Бұйрығына сәйкес (07.09.2017 ж. редакцияны қараңыз) (өзгерту 18.10.2019 жылдан бастап қолданысқа енгізіледі)

2. Авиациялық отынды және (немесе) мазутты ғана өндіру, көтерме және (немесе) бөлшек саудада сату бойынша қызметті жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) авиациялық отынды және (немесе) мазутты ғана өндірушілердің, көтерме саудада берушілердің және (немесе) бөлшек саудада сатушылардың тізіліміне енгізіледі.

3. Мұнай өнімдерін өндіруді жүзеге асыратын заңды тұлғалар, заңды тұлғаның құрылымдық бөлімшелері (филиалдары мен өкілдіктері) (бұдан әрі – өндірушілер) салық салуға байланысты объектілерінің орналасқан жері және (немесе) мұнай өнімдерін өндіру бойынша мемлекеттік кірістер органына осы бұйрықпен бекітілген «Мұнай өнімдерін өндірушінің мұнай өнімдері айналымының теңгерімі» жөніндегі декларациясының нысаны бойынша декларация ұсынады.

Мұнай өнімдерін мұнай өнімдері базаларынан (резервуарлар) көтерме және (немесе) бөлшек саудада сатуды жүзеге асыратын өндірушілер, салық салуға байланысты объектілерінің орналасқан жері және (немесе) мұнай өнімдерін сату бойынша мемлекеттік кірістер органына осы бұйрықпен бекітілген «Мұнай өнімдерін мұнай өнімдері базаларынан (резервуарлар) көтерме саудада беруші және (немесе) бөлшек саудада сатушының мұнай өнімдерінің айналымы теңгерімі» жөніндегі декларациясының нысаны бойынша декларация ұсынады.

4. Заңды тұлғаның құрылымдық бөлімшелерін (филиалдары мен өкілдіктері) қоспағанда, мұнай өнімдері базаларынан (резервуарлар) мұнай өнімдерін көтерме және (немесе) бөлшек саудада сатуды жүзеге асыратын дара кәсіпкерлер және заңды тұлғалар салық салуға байланысты объектілерінің орналасқан жері және (немесе) мұнай өнімдерін сату бойынша мемлекеттік кірістер органына осы бұйрықпен бекітілген «Мұнай өнімдерін мұнай өнімдері базаларынан (резервуарлар) көтерме саудада беруші және (немесе) бөлшек саудада сатушының мұнай өнімдерінің айналымы теңгерімі» жөніндегі декларацияның нысаны бойынша декларация ұсынады.

Мұнай өнімдері базаларынан (резервуарлар) мұнай өнімдерін көтерме және (немесе) бөлшек саудада сатуды жүзеге асыратын заңды тұлғаның құрылымдық бөлімшелері (филиалдары мен өкілдіктері) салық салуға байланысты объектілерінің орналасқан жері және (немесе) мұнай өнімдерін сату бойынша мемлекеттік кірістер органына осы бұйрықпен бекітілген «Мұнай өнімдерін мұнай өнімдері базаларынан (резервуарлар) көтерме саудада беруші және (немесе) бөлшек саудада сатушының құрылымдық бөлімшесінің мұнай өнімдерінің айналымы теңгерімі» жөніндегі декларацияның нысаны бойынша декларация ұсынады.

Бір мемлекеттік кірістер органында тіркелген бірнеше мұнай өнімдері базалары (резервуарлары) бар мұнай өнімдері базаларынан (резервуарлар) мұнай өнімдерін көтерме және (немесе) бөлшек саудада сатуды жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) барлық мұнай өнімдері базалары (резервуарлары) үшін бір декларация ұсынады.

      5. Мұнай өнімдерін автожанармай құю станциясынан (бұдан әрі – АҚС) бөлшек саудада сатуды жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) салық салуға байланысты объектілерінің орналасқан жері және (немесе) мұнай өнімдерін сату бойынша мемлекеттік кірістер органына осы бұйрықпен бекітілген «Автожанармай құю станциясынан мұнай өнімдерін бөлшек саудада сатушының мұнай өнімдерінің айналымы   теңгерімі» жөніндегі декларацияның нысаны бойынша декларация ұсынады.

Бір мемлекеттік кірістер органында тіркелген бірнеше АҚС бар мұнай өнімдерін АҚС-нан бөлшек саудада сатуды жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) барлық АҚС үшін декларация ұсынады.

6. Авиациялық отынды және (немесе) мазутты ғана өндіру, көтерме және (немесе) бөлшек саудада сату бойынша қызметті жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) аталған қызметті жүзеге асыру жері бойынша мемлекеттік кірістер органына осы Қағидаларға 1-қосымшасына сәйкес нысанда авиациялық отынды және (немесе) мазутты ғана өндірушілердің, көтерме саудада берушілердің және (немесе) бөлшек саудада сатушылардың тізіліміне енгізу туралы өтінішті ұсынады.

Авиациялық отынды және (немесе) мазутты ғана өндіру, көтерме және (немесе) бөлшек саудада сату бойынша қызметті жүзеге асырған дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) және аталған қызметті тоқтатқандар осы Қағидаларға 2-қосымшаға сәйкес нысанда авиациялық отынды және (немесе) мазутты ғана өндірушілердің, көтерме саудада берушілердің және (немесе) бөлшек саудада сатушылардың тізілімінен шығару туралы өтініш негізінде тізілімнен шығарылуға жатады.

Есертпе. Өтініштер электронды түрде немесе қағаз тасығышта ұсынылады.

7. Мұнай өнімдерін өндіру, мұнай өнімдері базаларынан (резервуарлар) мұнай өнімдерін көтерме және (немесе) бөлшек саудада сатуды жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) декларацияларды ақпараттық жүйлер арқылы электрондық түрде ұсынады.

8. Мұнай өнімдерін АҚС-нан бөлшек саудада сатуды жүзеге асыратын дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері), декларацияларды өз таңдауы бойынша ұсынады:

1) келу тәртібімен – қағаз тасығышта;

2) пошта бойынша тапсырыстық хат хабарламасымен – қағаз тасығышта;

3) ақпараттық жүйлер арқылы электрондық түрде. 

Мемлекеттік кірістер органдарына пошта бойынша тапсырыстық хат хабарламасымен декларацияларды ұсыну күні пошталық немесе басқа да мекемелердің байланысын қабылдау туралы белгі болып табылады.

9. Декларациялар табиғи көрсеткіштерде (тоннада) ұсынылады.

10. Осы Қағидаларға сәйкес ұсынылатын декларациялар дара кәсіпкерлер, заңды тұлғаның, заңды тұлға құрылымдық бөлімшесінің (филиалы мен өкілдігі) басшысы, бас бухгалтері қол қояды және мөрмен немесе электрондық цифрлық қолтаңбамен бекітіледі.

11. Осы бұйрықпен бекітілген «Автожанармай құю станциясынан мұнай өнімдерін бөлшек саудада сатушының мұнай өнімдерінің айналымы теңгерімі» жөніндегі декларацияның нысаны бойынша декларацияны ұсыну кезінде түзетуге, өшіруге және тазалауға жол берілмейді.

12. Декларациялар мемлекеттік кірістер органына ай сайын есептіден кейінгі айдың 20 күніне дейін ұсынылады.

Егер декларацияны ұсыну мерзімінің соңғы күні жұмыс күніне келмесе, онда декларацияны ұсыну мерзімінің соңғы күні одан кейінгі жұмыс күні болып табылады.

13. Осы Қағидалардың 2-тармағында көрсетілген, дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) жекелеген қызмет түрлері бойынша тіркеу есебінен шығу кезінде, тізімнен алып тастау кезінде декларацияны ерте мерзімде ұсынады.

14. Дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) мұнай өнімдерінің айналымы жөніндегі декларацияны ұсыну мерзімін ұзарту туралы өтініш (бұдан әрі – өтініш) негізінде декларацияны ұсыну мерзімін ұзартады.

Осы Қағидаларға 3-қосымшаға сәйкес нысан бойынша, декларацияны ұсыну мерзімі аяқталғанға дейін өтініш электронды түрде немесе қағаз тасығышта ұсынылады.

Мемлекеттік кірістер органы декларация тапсыру мерзімін өтінішті алған күнен 10 күнтізбелік күнге ұзартады.

15. Дара кәсіпкерлер және заңды тұлғалар, заңды тұлғаның құрылымдық бөлімшелері (филиалдары мен өкілдіктері) бұрын ұсынылған декларацияларға толықтырулар енгізу және (немесе) қателерді түзету қажет болған жағдайда, бұрын ұсынылған декларацияларына түзету нысанын ұсынады.

Түзету нысанында жеке тұлғаның жеке сәйкестендіру нөмірі (бұдан әрі – ЖСН), заңды тұлғаның, заңды тұлға құрылымдық бөлімшесінің (филиалы мен өкілдігі) бизнес сәйкестендіру нөмірі (бұдан әрі – БСН), есепті кезең және тек жолдың белгілі бір бағандарының мәнін ұлғайту немесе азайту қажеттілігіне қарай қосу немесе алу мәнімен бағандарына өзгеріс енгізу қажет жолдардың нөмірлері көрсетіледі.

16. «ЖСН/БСН» жолында өндірушінің ЖСН/БСН көрсетіледі.